San Marcos 4:22 - Xochapa Mixteco

²² Saa yoo, kúndaa ini yo, ndiꞌi ñaꞌa ya íyo sěꞌe vitin, ta ndituvi ndiꞌi ya, nda iin ya kïndoo sěꞌe, chi iin ndituvi ndiꞌi ya vaxi kivi.

San Marcos 4:22 ပူးပေါင်းရင်းမြစ်များ

San Lucas 8:17

Saa kúndaa ini yo, ndiꞌi ñaꞌa ya íyo sêꞌe vitin ta nduxa ndituvi ndiꞌi ya kuni inka naꞌa. Saa chi tindaa iin kivi ta ndiꞌi na kundaa ini na xaꞌa ya íyo sêꞌe.

Los Hechos 20:27

Saa chi xa ndi̱kani ndiꞌi va i ya kúni Ndioxi nuu ndo ta nda iin ya köo ndi̱tiseꞌe i nuu ndo.

Los Hechos 4:20

Sundi ndeꞌe ta küvi kutaxin yuꞌu nde kaꞌan nde xaꞌa ya xi̱ni nde xiꞌin ya xi̱ni soꞌo nde xaꞌa Jesús ―káchi nda xiꞌin na.

1 Corintios 4:5

Xaꞌa ya ñaa kua káꞌan i xiꞌin ndo, táxi i nuu ndo. Käꞌan kama ni ndo xaꞌa naꞌa ya xaa nani ndo kuachi xiꞌin na. Kundatun ndo nda ná xinu mií tiempo ya ndiko koo Tata yo Jesucristo, chi mií ra ku ra sindiyeꞌe ndiꞌi saa kúu. Ta saa kua ndituvi ndiꞌi ñaꞌa ya íyo sěꞌe vitin. Ta saa kua ndituvi nda ñaꞌa ya íyo sěꞌe nima naꞌa, ndá kuꞌva ku ya ndíkani ini na. Ta suvi mií tiempo ikán kua xaa kaꞌnu Ndioxi naꞌa, tá kuꞌva íyo ya i̱kan na, saa koo ya ikan ra xiꞌin na.