San Marcos 4:17 - Xochapa Mixteco

¹⁷ sundi xaꞌa ya täꞌan tiin vaꞌa ya nima na loꞌo ni kúndaa ini na xiꞌin ya, saa vaxi tindoꞌo nuu na, tíxuꞌvi ni na xaꞌa tuꞌun Ndioxi. Ñaa xa̱á na ndíko koo ini na ta köo xíin ka na kandixa na ya.

San Marcos 4:17 ပူးပေါင်းရင်းမြစ်များ

San Mateo 11:6

Vaꞌa ni kée naꞌa, na köo xíka uvi ini xaꞌa ya ndíkun na yeꞌe ―káchi Jesús xiꞌin nda ítaꞌan xiꞌin ra Juan.

San Mateo 12:31

’Ta ndixa káꞌan i xiꞌin ndo, ndiꞌi kúu kuachi íkan naꞌa, án ya väꞌa káꞌan na, ta xaa kaꞌnu ini Ndioxi xaꞌa kuachi na. Sundi naꞌa, na kánaꞌa xaꞌa Tachi I̱í Ndioxi, ta xäa kaꞌnu ini ra xaꞌa kuachi na.

San Mateo 13:21

Sundi täꞌan tiin vaꞌa ya nima na, ni täꞌan kundaa vaꞌa ini na xiꞌin ya, ta ñaa vaxi tindoꞌo nuu na, án sítixuꞌvi ñaꞌa naꞌa xaꞌa ya kándixa na Jesucristo, ñaa ndikun síndikoo na tuꞌun Ndioxi.

San Marcos 4:16

Sava tuku na tá íin ñuꞌú nuu íyo ni yu̱ú saa íin na. Tá xíni soꞌo na tuꞌun Ndioxi ta ndíkiꞌin vaꞌa na ya, saa kúsini ni na xiꞌin ya,

San Marcos 4:18

Sava tuku na tá íin ñuꞌú nuu íyo itun iñu saa íin na: vaꞌa ni xíni soꞌo na tuꞌun Ndioxi,

San Lucas 12:10

’Tá ndá naꞌa kánaꞌa xaꞌa yeꞌe ra kúu Taa ra xa̱a ñuu ivi yóꞌó ta xaa kaꞌnu va ini Ndioxi xaꞌa na. Sundi tá tu kánaꞌa na xaꞌa Tachi I̱í Ndioxi ta xäa kaꞌnu ini ra xaꞌa na ―káchi Jesús.

San Juan 8:31

Saa ndi̱kaꞌan Jesús xiꞌin na judío na kándixa ñaꞌa, káchi ra saa: ―Tá tu chíkaa soꞌo ni ndo tuꞌun ya sínaꞌa i ndóꞌo̱ iin iin kivi ta saa kua ndixa ni kúu ndo ndóꞌo̱ ndíkun yeꞌe.

Gálatas 6:12

Ta naꞌa, na xáa nduxa xiꞌin ndo ya ndikunuu tuni Ndioxi ndóꞌo̱, ta íkan na saa xiꞌin ndo chi kúni na kindoo vaꞌa na nuu na judío, na káꞌan ya xíniñuꞌu ndo ndikunuu tuni Ndioxi ndóꞌo̱. Ta íkan na saa chi köo kúni na kunduvaꞌa na judío xiꞌin na tá tu ná ndituꞌun na ndisaa xaꞌa ya ndo̱ꞌo Jesucristo ndi̱xiꞌi ra nuu cruzin.

2 Timoteo 1:15

Xa xíni mií un ya si̱ndoo ndaꞌa ndiꞌi na taꞌan yo, na ndóo estado Asia yeꞌe, saa i̱kan ra Figelo xiꞌin ra Hermógenes xiꞌin i.

2 Timoteo 4:10

Saa chi ra Demas, ta si̱ndoo ndaꞌa va ra yeꞌe, saa ke̱ta ra kuaꞌan ra chí ñuu Tesalónica, xaꞌa ya kútoo ni ra xíni ra ñaꞌa ñuu ivi yóꞌó kua i̱kan ra saa xiꞌin i. Inka ra Crescente, ke̱e kuaꞌan chí Galacia. Inka ra Tito, ke̱e kuaꞌan chí Dalmacia.

2 Timoteo 4:16

Tá kivi núnu̱ú ndi̱xaꞌan i nuu na chiñu, ta nda iin naꞌa köo ndi̱chindee taꞌan xiꞌin i, iin si̱ndoo ndaꞌa ndiꞌi nda yeꞌe. Ta siin ka mií Iva yo Ndioxi ná xaa kaꞌnu ini xaꞌa nda.

HEBREOS 10:29

Ta ndisaa ka vi ndee ni ndee kundoꞌo naꞌa, na kóso kava Tata yo Jesucristo, ra kúu Seꞌe Ndioxi, chi köo kíꞌin na kuenta xaꞌa nií ra, nda tá káa rá väꞌa saa káa ra nuu na, saa íkan naꞌa, na kúndasi nuu xíni Tachi I̱í Ndioxi, ra kúꞌvi ni ini xíni ñaꞌa, chi suvi xiꞌin nií Tata yo Jesucristo kua ki̱ndoo ra trato ya ikan ra ya vaꞌa xiꞌin yo.

1 Juan 2:19

Ta na sáa ini xíni Tata yo Jesucristo ku na xi̱ñuꞌu xiꞌin yo ta ka̱na koo na kuaꞌan na, chi süvi taꞌan yo ku na, chi tá tu na taꞌan yo ndi̱xiyo na ta kuñuꞌu na xiꞌin yo, ndikuu. Ta na ñaa ta ka̱na koo na tañu yo kuaꞌan na, ya ñaa sínaꞌa yoo süvi ndiꞌi na ndixa ndíkun sata ra.

El Apocalipsis 2:10

Ta ndóꞌo̱ ku ïꞌvi ndo nuu tindoꞌo ya uꞌvi ni vaxi nuu ndo. Saa chi íyo naꞌa, na kúni xaa súvi ya kúni kiti nǎꞌa án kiti Timiaꞌa, kiti Satanás. Tiin na sava ndóꞌo̱ taan na veꞌe kàà, nuu koto ndoso na ndóꞌo̱ án ya ndixa kua kándixa ndo yeꞌe. Ta ndoꞌo ni ndo uxi kivi. Ta káꞌan ni i xiꞌin ndo ya ná síndikoo ndo ichí i, ndinuꞌu ni ini ndo kandixa ndo yeꞌe, nda kivi tá ná kuvi ndo. Saa ndikiꞌin ndo ya vaꞌa taxi i ndaꞌa ndo nuu kutaku ndo xiꞌin i ndiꞌi saa kivi ya vaxi.

El Apocalipsis 2:13

Ta xíni ndiꞌi i ya íkan ndo, saa xíni i ya ndóo ndo ñuu nuu xáꞌnda chiñu kiti nǎꞌa náni Satanás. Ni saa va, sundi ndóꞌo̱, ta nda iin kivi köo síndoo ndo ichí i. Kándixa ni ndo yeꞌe. Ni tá xa̱ꞌni na ra Antipas taꞌan ndo, ra ndee ni xi̱ndikun yeꞌe, xaꞌa ya ikán kua xa̱ꞌni na ra. Chi ñuu nuu ndóo ndo ñaa, ta kiti nǎꞌa, kiti Satanás va ku ri xáꞌnda chiñu nuu ya.