San Marcos 4:14 - Xochapa Mixteco

¹⁴ Saa ndi̱kaꞌan ra xiꞌin na, káchi ra saa: ―Ra chíꞌi ndikin ikán ku ra káꞌan ndoso tuꞌun Ndioxi.

San Marcos 4:14 ပူးပေါင်းရင်းမြစ်များ

San Mateo 13:19

Ndikin ya ndi̱xita yuꞌu ichí ku ya káꞌan xaꞌa na xíni soꞌo tuꞌun xaꞌa nuu xáꞌnda chiñu Ndioxi, ta köo kúndaa ini na xiꞌin ya. Saa vaxi kiti nǎꞌa táva ri tuꞌun Ndioxi nima na ya xi̱ni soꞌo na.

San Mateo 13:3

Saa xa̱á ra ndítuꞌun ra kuaꞌa ni nuu tuꞌun ndíchi xiꞌin na, sínaꞌa ra na, káchi ra saa: ―Kuni soꞌo ndo ya káꞌan i xiꞌin ndo: Saa ndo̱ꞌo iin ra chíꞌi siꞌva trigo.

San Mateo 13:37

Saa ndi̱kuiin ra, káchi ra saa: ―Taa ra chi̱ꞌi ndikin trigo ku yeꞌe, ra xa̱a ñuu ivi yóꞌó.

San Marcos 2:2

ñaa ndi̱kutu ndaa tuku na, ni köo nani koo na ini veꞌe, nda keꞌe chu̱tu ndaa na. Ta saa káꞌan ndoso Jesús tuꞌun Ndioxi xiꞌin na.

San Marcos 4:13

Saa ndi̱kaꞌan Jesús xiꞌin na, káchi ra saa: ―¿Án köo kúndaa ini ndo unkua kúni kachi tuꞌun ndíchi yóꞌó? Ta ¿unkua ikan ndo kundaa ka ini ndo taꞌan ya ndíchi ndíkani i nuu ndo? ―káchi ra xiꞌin na.

San Marcos 4:15

Sava naꞌa tá íin ñuꞌú nuu ndi̱koyo ndikin trigo yuꞌu ichí saa íin na, saa chi xíni soꞌo ni na tuꞌun yóꞌó, tá vaxi kiti nǎꞌa táva ri tuꞌun nima na, ta ndíndoso ini na xaꞌa tuꞌun ya xi̱ni soꞌo na.

San Marcos 4:3

―Kuni soꞌo ndo ná kaꞌan i xiꞌin ndo: Iin ra chíꞌi ta ke̱e ra kuaꞌan ra chiꞌi ra.

San Lucas 1:2

Tá íyo ya si̱naꞌa nda xi̱taꞌan xiꞌin ra, nda xi̱ni xiꞌin nuu ndiꞌi ya i̱kan ra, saa íyo ya ta̱a nda, chi nda ikán ku nda ndi̱kuiso chiñu kaꞌan ndoso nda tuꞌun ra.

San Lucas 8:11

Ta soꞌva káchi tuꞌun ndíchi yóꞌó: ―Siꞌva ri ndi̱xita yava ikán ku tuꞌun Ndioxi.

Los Hechos 8:4

Tá ndi̱xita na ndíkun Jesús, ka̱na koo na ñuu Jerusalen kuaꞌan na, ta ndiꞌi saa ñuu nuu kuaꞌan na ta ndítuꞌun na tuꞌun vaꞌa xaꞌa Jesús kuaꞌan na.