San Marcos 4:1 - Xochapa Mixteco

¹ Saa xa̱á tuku Jesús sínaꞌa ra yuꞌu nduta ñûꞌu ikán. Ta kuaꞌa ni naꞌa ndixaa nuu ra, yakan nda̱a ra sata iin barco tun ndíkaa ini nduta ñûꞌu. Sata nu ikán ndi̱kunduꞌu koo ra sínaꞌa ra na ndíta yuꞌu rá.

San Marcos 4:1 ပူးပေါင်းရင်းမြစ်များ

San Marcos 2:13

Saa ku̱u nuu ndi̱kiꞌin tuku Jesús kuaꞌan ra yuꞌu nduta ñûꞌu Galilea, ta iin taꞌnda chee naꞌa ndi̱xaa nuu ra. Saa xa̱á ra sínaꞌa ra na tuꞌun Ndioxi.

San Marcos 3:7

Saa ke̱e Jesús kuaꞌan ra chí yuꞌu nduta ñûꞌu xiꞌin nda ítaꞌan xiꞌin ra, ta kuaꞌá ka vi na ke̱e ndiꞌi ni kúu ñuu estado Galilea kuaꞌan sata ra.

San Marcos 3:9

Xaꞌa ya kuaꞌa ni naꞌa ndi̱xaa, yakan ndi̱kaꞌan Jesús xiꞌin nda ítaꞌan xiꞌin ra ya ná koo ndúvi nda xiꞌin iin itun barco nuu ndaa ra kaꞌan ra xiꞌin na, ya ná chïndaꞌa ni ñaꞌa na.

San Marcos 4:36

Ta saa nda̱i nda naꞌa ta ndi̱kiꞌin nda kuaꞌan nda xiꞌin Jesús ini barco nuu xa ndíkaa ra. Ta kuaꞌan ka tu sava naꞌa xiꞌin sava ka barco xiꞌin ra.

San Marcos 5:2

Saa tá nu̱u soꞌva Jesús sata itun barco, ta ku̱yati iin taa, ra kúu mií tachi nduvaꞌa nuu ra, ta ra ikán ke̱ta ra kava nuu ndúxin ndìì, ndi̱xaa ra nuu Jesús.

San Marcos 5:21

Saa tá ndiko koo Jesús xiꞌin barco, ndi̱xaa ra nda yuꞌu nduta tikuii nuu ke̱e ra tá kuaꞌan ra. Ta iin chútu ndaa naꞌa ndóo na ndátun na ra, saa ndi̱ndoo ra yuꞌu nduta ñûꞌu ikán xiꞌin na.