San Marcos 3:30 - Xochapa Mixteco

³⁰ Tuꞌun yóꞌó ndi̱kaꞌan Jesús xiꞌin nda maestro ikán, chi káꞌan nda xaꞌa ra ya kúu mií ra tachi nduvaꞌa.

San Marcos 3:30 ပူးပေါင်းရင်းမြစ်များ

San Marcos 3:22

Saa káꞌan tu nda maestro, nda sínaꞌa ley Ndioxi ya ta̱a ra Moisés, nda ke̱e ñuu Jerusalén, kánaꞌa nda xaꞌa Jesús, káchi nda saa: ―Ndee kiti Beelzebú, kiti nǎꞌa ínuu nuu ndiꞌi tachi nduvaꞌa, ndee ri ikán kua kúu mií ra táva ra tachi nduvaꞌa kúu mií naꞌa ―káchi nda.

San Marcos 3:29

Sundi na kánaꞌa xaꞌa Tachi I̱í ra, ta nda iin tiempo xäa kaꞌnu ini ra xaꞌa kuachi na, ndiꞌi saa tiempo koo kuachi na nuu ra ―káchi Jesús.

San Marcos 3:31

Saa kúu ta ndi̱xaa siꞌí Jesús xiꞌin nda ñani ra, ndi̱xaa na ndúku na ra. Xaꞌa ya köo ndíkuvi kiꞌvi na ini veꞌe saa ndi̱ndoo na ndíta na keꞌe. Ñaa ti̱ꞌvi na chiñu kuaꞌan nuu ra, ya kána na ra.

San Juan 10:20

Kuaꞌa ni na káꞌan, káchi na saa: ―Küni soꞌo ndo ya káꞌan ra, tachi nduvaꞌa kúu mií ra yakan ndu̱kiꞌvi ra ―káchi na.