San Marcos 3:29 - Xochapa Mixteco

²⁹ Sundi na kánaꞌa xaꞌa Tachi I̱í ra, ta nda iin tiempo xäa kaꞌnu ini ra xaꞌa kuachi na, ndiꞌi saa tiempo koo kuachi na nuu ra ―káchi Jesús.

San Marcos 3:29 ပူးပေါင်းရင်းမြစ်များ

San Mateo 25:46

Ta saa kuꞌun na nuu tixuꞌvi ni na ndiꞌi saa kivi ya vaxi, ta na vaꞌa, na xáa súvi ya kúni Ndioxi ta kuꞌun na nuu kutaku na xiꞌin Ndioxi ndiꞌi saa kivi ya vaxi ―káchi Jesús xiꞌin na.

San Mateo 9:3

Saa ndóo sava nda sínaꞌa ley ya ta̱a ra Moisés, ndíkani ini nda, káchi nda saa: “Kánaꞌa va ra yóꞌó xiꞌin Ndioxi án Ndioxi ta ndása ra mií ra yakan vaꞌa káꞌan ra saa”, káchi nda ndíkani ini nda.

San Marcos 12:40

Ta kíndaa nda veꞌe ná ndaꞌvi ndaꞌa ná, tá kuaꞌan nda veꞌe ñuꞌu ta naꞌa ni káꞌan nda xiꞌin Ndioxi ya ndása vaꞌa nda mií nda nuꞌu naꞌa. Xaꞌa ya íkan nda saa ta ndee ni ka tindoꞌo kixi nuu nda ikan Ndioxi ―káchi Jesús xiꞌin naꞌa.

San Marcos 3:30

Tuꞌun yóꞌó ndi̱kaꞌan Jesús xiꞌin nda maestro ikán, chi káꞌan nda xaꞌa ra ya kúu mií ra tachi nduvaꞌa.

San Lucas 12:10

’Tá ndá naꞌa kánaꞌa xaꞌa yeꞌe ra kúu Taa ra xa̱a ñuu ivi yóꞌó ta xaa kaꞌnu va ini Ndioxi xaꞌa na. Sundi tá tu kánaꞌa na xaꞌa Tachi I̱í Ndioxi ta xäa kaꞌnu ini ra xaꞌa na ―káchi Jesús.

2 Tesalonicenses 1:9

Na ikán, ta ndee ni sindoꞌo Ndioxi na, ndiꞌi saa ichí taxi ra ndoꞌo ni na, saa tava ra na kuꞌun xika na nuu ra. Täxi ra koo na xiꞌin ra nuu luvi ni káa, nuu koo ra kaꞌnda chiñu ra.

Judas 1:13

Tá kuꞌva xíto yo ndee ni ndíkanda nuu nduta ñûꞌu ta iin kána koo ndiꞌi chiñu nuu ra ya kána koo ñaꞌa yakua ñúꞌu ini rá maá, ta kuꞌva saa íkan nda ikán ndínaꞌa nda ya yakua íyo nima nda. Tá ndo̱ꞌo kiti kimi, kiti nda̱ñuꞌu, ta ke̱e ri kuaꞌan ri ndi̱koyo ri nuu naá ni va, saa íin nda ikán. Ta saa kundoꞌo nda ndiꞌi saa kúu kivi.

Judas 1:7

Ta saa ndi̱kaꞌán tu ini ndo xaꞌa ya ndo̱ꞌo na ñuu Sodoma xiꞌin na ñuu Gomorra xiꞌin ka ñuu ya xi̱ndoꞌni yati xiꞌin ya. Iin si̱ndiꞌi vaꞌa Ndioxi xaꞌa na chi kini ni i̱kan na, ndi̱xika sií nda taa xiꞌin ná ñaꞌa ta saa i̱kan tu ná ñaꞌa va. Saa ndi̱kiꞌvi nda taa xiꞌin taꞌan mií nda, ta saa i̱kan tu ná ñaꞌa va. Ta yáꞌa ni ndee kundoꞌo na koko na xiꞌin ñu̱ꞌu̱ ndiꞌi saa kivi ya vaxi. Ya yóꞌó sínaꞌa yoo ya ná ïkan yo saa.