San Marcos 3:13 - Xochapa Mixteco

¹³ Sindiꞌi saa ka̱na Jesús nda kúni mií ra ya kaka nda chiñu nuu ra, saa ndi̱kiꞌin ra kuaꞌan ra xiꞌin nda iku.

San Marcos 3:13 ပူးပေါင်းရင်းမြစ်များ

San Mateo 5:1

Tá xi̱ni Jesús ndi̱xaa kuaꞌa ni naꞌa, saa nda̱a ra ndi̱kunduꞌu ra nuu iin xiki, ñaa ku̱yati nda ítaꞌan xiꞌin ra nuu ra, ya kuni soꞌo nda ya káꞌan ra.

San Marcos 3:14

Ta saa ndi̱kaxin ra uxi uvi taa tañu ndiꞌi nda ndóo ikán, ya kaka tuun nda xiꞌin ra. Ta saa tiꞌvi ra nda kuꞌun nda kaꞌan ndoso nda tuꞌun Ndioxi xiꞌin naꞌa.

San Marcos 6:7

Saa ku̱u ka̱na ra uxi uvi saa nda ítaꞌan xiꞌin ra, ta ti̱ꞌvi ra nda kuaꞌan nda kaꞌan ndoso nda tuꞌun Ndioxi. Tá uvi, tá uvi nda ti̱ꞌvi ra kuaꞌan. Ta saa ta̱xi ra ndee ndaꞌa nda ya tava nda tachi nduvaꞌa kúu mií naꞌa.

San Lucas 9:1

Saa ku̱u iin ichí si̱kitaꞌan ndiꞌi Jesús nda ítaꞌan xiꞌin ra, ta saa ta̱xi ra ichí ndaꞌa iin iin nda ya tava nda ndiꞌi nuu tachi nduvaꞌa ya kúu mií naꞌa, saa ta̱xi ra ndee ndaꞌa nda ya sindaꞌa nda na kúꞌvi tin na ndóꞌo ndá ka nuu kueꞌe.

San Juan 6:3

Saa nda̱a Jesús nuu xiki, ta ikán ndi̱kunduꞌu ra xiꞌin nda ítaꞌan xiꞌin ra.