San Marcos 2:28 - Xochapa Mixteco

²⁸ Saa chi yeꞌe ta kúu mií i ichí ya kaꞌan i unkua vaꞌa ikan naꞌa ta unkua küvi ikan na kivi i̱í ―káchi Jesús xiꞌin nda.

San Marcos 2:28 ပူးပေါင်းရင်းမြစ်များ

San Mateo 12:8

Ta yeꞌe ku Taa ra xa̱a ñuu ivi yóꞌó, ta kúu mií i ichí ya kaꞌan i unkua vaꞌa ikán yo kivi i̱í ndíkundee yo ―káchi Jesús xiꞌin nda fariseo.

San Marcos 2:27

Saa ndi̱kaꞌan ka Jesús xiꞌin nda, káchi ra saa: ―Xaꞌa ya vaꞌa na ivi kua xa̱kin Ndioxi iin kivi ya ndikundee na, ta süvi xaꞌa ya sindoꞌo ra na kua.

San Marcos 3:1

Saa ku̱u, ta ndi̱xaa Jesús ndi̱kiꞌvi tuku ra ini veꞌe ñuꞌu sinagoga, ta ikán ndíkaa iin taa, ra ndi̱ndichi iin ndaꞌa.

San Marcos 3:4

Sindiꞌi saa ndi̱ndakan tuꞌun Jesús nda, káchi ra saa: ―¿Unkua káꞌan ley Ndioxi xaꞌa kivi i̱í ya ndíkundee yo? ¿Ndá ñaꞌa kua kúu mií yo ichí ikan yo? ¿Án ya vaꞌa án ya väꞌa xíniñuꞌu yo ikan yo? ¿Án yo sindiꞌi xaꞌa ku yo naꞌa, án na sikaku yo ku na? ¿Unkua káchi ndóꞌo̱ xaꞌa kivi i̱í? ―káchi ra xiꞌin nda. Tá ndi̱kaꞌan ra saa, ta nda iin nda köo ndi̱kuiin yuꞌu ra.

San Lucas 6:5

Sundi yeꞌe ku Taa ra xa̱a ñuu ivi yóꞌó ta kúu mií i ichí kaꞌan i unkua vaꞌa ta unkua küvi ikan na kivi i̱í ―káchi ra xiꞌin nda.

San Juan 5:17

Ta ndi̱kaꞌan Jesús xiꞌin nda, káchi ra saa: ―Iva i ta ndiꞌi saa kivi xáa chiñu ra, ta saa tu yeꞌe va, ndiꞌi saa kivi xáa chiñu i ―káchi ra xiꞌin nda.

San Juan 9:14

Ta kivi tá si̱kuchi Jesús ndaꞌi nuu ra ikán ya ndi̱xuna nuu ra kua kivi i̱í ndíkundee na.

San Juan 9:16

Saa ndi̱kuiin sava nda fariseo káꞌan nda, káchi nda saa: ―Taa, ra i̱kan saa xiꞌin un, ta süvi nuu Ndioxi ndi̱kee ra, chi köo ndi̱xaa súvi ra kivi i̱í ya ndíkundee yo ―káchi nda xiꞌin ra. Ta sava na káꞌan: ―¿Ndachu vaꞌa íkan ra yatuꞌun, tá tu ra íyo kuachi ku ra? ―káchi na. Iin ndi̱saka soꞌva ini nda.

Efesios 1:22

Soꞌva i̱kan Ndioxi xiꞌin Tata yo Jesucristo, ndi̱taxi ra ndiꞌi ni kúu nuu ñaꞌa ikán ndaꞌa ra, to̱so ndiꞌi Ndioxi ya tixin xaꞌa ra, saa chi̱nuu ñaꞌa ra ya kúu ra xi̱ní xiꞌin ndiꞌi ni kúu ñaꞌa, i̱kan Ndioxi saa xiꞌin ra ya chindee taꞌan ra xiꞌin na veꞌe ñuꞌu.

El Apocalipsis 1:10

Saa ku̱u iin kivi ta kúu ya kivi domingo, kivi i̱í nuu mií yo kándixa Tata yo Jesucristo, saa ku̱ndaa ini i ya ndee ni ndee xa̱á íyo Tachi I̱í Ndioxi xiꞌin i, ñaa xi̱ni soꞌo i tachi iin ra chí sata i, ndee ka vi ndi̱kaꞌan ra, tá kuꞌva ndáꞌi itun trompeta saa ndee ni ndi̱kaꞌan ra, káchi ra saa: