San Marcos 2:25 - Xochapa Mixteco

²⁵ Saa ndi̱kuiin ra, káꞌan ra xiꞌin nda, káchi ra saa: ―¿Án köo kúndaa ini ndo unkua káꞌan tuꞌun Ndioxi xaꞌa ya i̱kan ra rey David, tá kivi ndi̱kaꞌun un ini ra xiꞌin nda taꞌan ra?

San Marcos 2:25 ပူးပေါင်းရင်းမြစ်များ

San Mateo 19:4

Saa ndi̱kuiin Jesús káchi ra saa: ―¿Án täꞌan kaꞌvi ndo unkua káꞌan tuꞌun Ndioxi tá kivi si̱kuaꞌa ra ñuu ivi yóꞌó? Chi kivi tá “si̱kuaꞌa Ndioxi ñuu ivi yóꞌó, ta si̱kuaꞌa ra iin taa xiꞌin iin ñaꞌa”.

San Mateo 21:16

Saa ndi̱kaꞌan nda naꞌnu nuu sutu xiꞌin Jesús, káchi nda: ―¿Án xíni soꞌo un unkua káꞌan na vali yóꞌó? káchi nda. Saa ndi̱kuiin Jesús, káꞌan ra: ―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya? “Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Mateo 22:31

Ta ya káꞌan tu ndóꞌo̱ án ndixa kua ndítaku na xa ndi̱xiꞌi, káchi ndo, ta nuu mií ley Ndioxi ya si̱ndoo ra Moisés ndaꞌa yo kua sínaꞌa yoo. ¿Ta án täꞌan kaꞌvi ndo ya ndi̱kaꞌan Ndioxi xaꞌa ya yóꞌó, tá ndi̱kaꞌan ra káchi ra soꞌva?

San Mateo 4:2

Uvi xiko kivi ndi̱xiyo ra iku yuyu ta ndi̱xiyo suꞌun ra, sindiꞌi ta ndi̱kaꞌun ini ra.

San Marcos 12:20

Chi saa ndo̱ꞌo na iin veꞌe, ndi̱xiyo uxa nda taa, saa ti̱ndaꞌa ra núnu̱ú xiꞌin iin ñaꞌa, ñaa ndi̱xiꞌi ra ta nda iin seꞌe ra köo ndi̱kaku xiꞌin yá.

San Marcos 12:26

Ta saa tu ya káꞌan ndo ya ndïtaku na ndíi va, ¿án täꞌan kundaa ini ndo xiꞌin ya ta̱a ra Moisés xinaꞌa tá ndi̱kaꞌan Ndioxi xiꞌin ra nuu xíxi itun iñu? káchi ra saa: “Yeꞌe ku Ndioxi ra káñuꞌu ra Abraham xiꞌin ra Isaac tin ra Jacob” káchi Ndioxi.

San Marcos 2:24

Saa xi̱ni nda fariseo, ta ndi̱saa ni nda, ñaa ndi̱kaꞌan nda xiꞌin Jesús, káchi nda saa: ―¿Ni väꞌa mií íkan nda ítaꞌan xiꞌin un chi köo xáa i̱í nda kivi i̱í ya ndíkundee yo? Saa chi ndi̱xaꞌnu nda yoko trigo yáxi nda? Ta nda iin yo köo ichí xaa chiñu kivi i̱í ndíkundee yo ―káchi nda xiꞌin ra.

San Marcos 2:26

Saa ndi̱kiꞌvi ra ini veꞌe ñuꞌu, ndúku ra ñaꞌa kuxi ra nuu ra sutu xi̱nani Abiatar. Ta köo ka inka ñaꞌa ndi̱niꞌi ra taxi ra ndaꞌa nda. Iindaa xita vaꞌa ya i̱í xíxi sutu kua íyo, ta ya ikán kua ta̱xi sutu ndaꞌa ra xi̱xi ra xiꞌin nda taꞌan ra, vani süvi sutu ku ra ta xi̱xi ra ya xiꞌin nda taꞌan ra, káchi tuꞌun Ndioxi ―káchi Jesús xiꞌin nda.

San Lucas 10:26

Ñaa ndi̱kuiin Jesús ndi̱kaꞌan ra xiꞌin ra, káchi ra saa: ―¿Unkua káꞌan ley Ndioxi ya ta̱a ra Moisés xinaꞌa tá káꞌvi ndo ya? ―káchi ra xiꞌin ra.