San Marcos 2:20 - Xochapa Mixteco

²⁰ Sundi vaxi tiempo, tá ná tiin na yeꞌe, sindiꞌi xaꞌa na yeꞌe, saa kua kuxi suꞌun nda ítaꞌan xiꞌin i ―káchi ra xiꞌin na ikán.

San Marcos 2:20 ပူးပေါင်းရင်းမြစ်များ

San Mateo 26:31

Saa ndi̱kaꞌan Jesús xiꞌin nda ítaꞌan xiꞌin ra, káchi ra saa: ―Ndiꞌi ndo sindikoo ndaꞌa yeꞌe ñǔu vitin, ta ikán ku nuu xinu tuꞌun Ndioxi ya ta̱a na xaꞌa i xinaꞌa, káchi ya saa: “Sitikueꞌe i ra paxto ndáa levo, ta iin kuita yava ndiꞌi ri kuꞌun ri”, káchi tuꞌun Ndioxi ta̱a na xaꞌa i.

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Marcos 2:19

Saa ndi̱kuiin Jesús káꞌan ra xiꞌin na: ―Tá kúu na kuaꞌan nuu viko tíndaꞌa, ta köo xíxi suꞌun na, saa chi íyo mií ra tíndaꞌa xiꞌin na. Tá káa ra tíndaꞌa ikán saa íyo yeꞌe xiꞌin nda ítaꞌan xiꞌin i, köo xíxi suꞌun nda saa chi íyo i xiꞌin nda.

San Marcos 2:21

Saa ndi̱kaꞌan ka ra xiꞌin na, káchi ra saa: ―Nda iin naꞌa, ta köo na ndíkaꞌma tikoto xa̱á xiꞌin ya yata. Saa chi tá ná ndikaꞌma na ya xa̱á xiꞌin ya yata, ta sitivi taꞌan ya, tá ná ndikata na ya ta ndindií ya xa̱á ta sitaꞌnda ya yata, ta iin ndiꞌi vaꞌa ka xaꞌa ya.

San Lucas 17:22

Ta saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Vaxi kivi ta ku̱ni̱ ni ndo ndiko koo yeꞌe, Taa ra xa̱a ñuu ivi yóꞌó, sundi küni ka ndo yeꞌe.

San Lucas 5:35

Sundi vaxi kivi ta tiin naꞌa yeꞌe kuꞌun i xiꞌin na. Ta saa kua kuxi suꞌun nda ítaꞌan xiꞌin i ―káchi Jesús.

San Juan 12:8

Chi na ndaꞌvi ta ndiꞌi saa kivi koo na xiꞌin ndo. Sundi yeꞌe, ta süvi ndiꞌi saa kivi koo i xiꞌin ndo ―káchi Jesús xiꞌin ra.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 16:28

Nuu Iva i ke̱e i vaxi i ñuu ivi yóꞌó, ta vitin sindoo i ñuu ivi yóꞌó ta ndiko koo tuku i kuꞌun i nuu ra ―káchi Jesús xiꞌin nda.

San Juan 16:7

Sundi ya ndaa káꞌan i xiꞌin ndo, tá ná kuꞌun i ta vaꞌa ni ka kee ndo. Chi tá ná küꞌun i ta kïxi Tachi I̱í Ndioxi chindee ya ndóꞌo̱, sindiko ya ini ndo. Tá ná kuꞌun i ta tiꞌvi i ya kixi ya.

San Juan 17:11

’Tata, Iva i Ndioxi, ra i̱í, yeꞌe ta köo ka i koo ñuu ivi yóꞌó, sundi na ndíkun yeꞌe ta ndoo na koo na yóꞌó, yakan xíkan ni i ya mani nuu un xaꞌa na. Kundaa ni un na xiꞌin ndee kúu mií kivi un ta saa ná nduu na iin tá kuꞌva íin mií yo.

San Juan 17:13

’Sundi vitin ta ndiko koo i xaa i nuu un, tá íyo ka i ñuu ivi yóꞌó xiꞌin na, ta ndítuꞌun i tuꞌun yóꞌó xiꞌin na ya ná kuni soꞌo na, ta kusini ni na tá kuꞌva kúsini ni yo.

San Juan 3:29

Ta vitin ná kundaa ini ndo chi tá kúu nuu íyo viko tíndaꞌa, ta ra íin xiꞌin ñaꞌa yá tíndaꞌa ikán kuu ií yá, sundi ra íyo yati xiín ií yá, tá xíni soꞌo ra ya káꞌan ra ta kúsini ni ra tá xíni soꞌo ra tachi ra. Ta saa ndóꞌo yeꞌe, kúsini ni i chi xa xa̱a ra vitin.

Los Hechos 1:9

Tá ndiꞌi ndi̱kaꞌan ra xiꞌin nda saa xíto ka nda nuu ra, ñaa nda̱a ra kuaꞌan ra nuu ndivi i̱kan Ndioxi. Saa nu̱u iin viko ndi̱kasi yaa ñaꞌa ya, ta köo ka ra ndi̱xini nda.

Los Hechos 14:23

Ta iin iin ñuu nuu ndi̱yaꞌa ra Pablo xiꞌin ra Bernabé ta xi̱xi suꞌun nda saa ndi̱kaꞌan ni nda xiꞌin Ndioxi xaꞌa na xikuaꞌa ndi̱kaxin nda ya kundaa chiñu na xiꞌin na ndíkun Jesús. Ñaa ndi̱kaꞌan nda xaꞌa na xikuaꞌa ikán xiꞌin Iva yo, ra chee, ra káñuꞌu na.

Los Hechos 3:21

Sundi vitin ta xíniñuꞌu Jesús koo ra nuu ndivi nda kivi ná xaa vií Ndioxi ñuu ivi yóꞌó. Nduxaa ya kindoo vaꞌa ndiꞌi ñaꞌa. Nduu ya tá ndi̱xiyo ya núnu̱ú tá täꞌan kiꞌvi kuachi ñuu ivi yóꞌó. Tá íyo ya ndi̱kaꞌan Ndioxi tixin ndiꞌi nda i̱í, nda ndi̱kaꞌan ndoso tuꞌun yuꞌu ra xinaꞌa, saa koo ya ikan ra.

1 Corintios 7:5

Xaꞌa ya ñaa kua küxiꞌnda ndo mií ndo nuu taꞌan ndo, sundi tá tu xa ndi̱kani ini ndo ya tïndaa taꞌan ndo uvi ndaa kivi, xaꞌa ya kúni ndo kaꞌan ndo xiꞌin Ndioxi, ta vaꞌa chitaꞌan tuꞌun ndo xaꞌa ya. Tá xa ndi̱xinu ichí ndi̱kaꞌan ndo xiꞌin Ndioxi ta saa vaꞌa tindaa taꞌan tuku ndo. Saa chi tá tu ná tïndaa taꞌan tuku ndo, ta ìyo ni sindaꞌvi kiti nǎꞌa ndóꞌo̱, ta koyo ndo nuu kuachi.

2 Corintios 11:2

Chi yeꞌe, ta ndee ni ndíꞌi ini i xaꞌa ndo, tá kuꞌva ndíꞌi ini Ndioxi xíni ra ndóꞌo̱, saa ndíꞌi ni ini i xíni i ndóꞌo̱. Chi ki̱ndoo i taxi i ndóꞌo̱ ndaꞌa ra, tá kuꞌva íkan taa, táxi ra seꞌe síꞌi ra tíndaꞌa yá xiꞌin iin taa. Ta kuꞌva saa íyo yeꞌe nditaxi i ndóꞌo̱ ndaꞌa Jesucristo tindaꞌa ndo xiꞌin ra. Tá kuꞌva íin ná kuâán taki vali ná täꞌan tindaa nda iin taa, kuꞌva saa kúni i koo ndo nditaxi i ndóꞌo̱ ndaꞌa Jesucristo.

2 Corintios 11:27

Ndee ni ndee xa̱a chiñu i nda ku̱naa ni i, kuaꞌa ni ñǔu ndi̱xiꞌi i maꞌna, ndo̱ꞌo ni ini i, ta sava ichí kúni kuxi ni i saa ndi̱ndichi ni i tikuii, ta sava ichí ndee ni vixin xíꞌi i, ta ni köo toto kundixi i.

2 Corintios 6:5

Ta sava ichí káni ni naꞌa ndeꞌe, táan na ndeꞌe veꞌe kàà xaꞌa tuꞌun ra. Sava naꞌa síkitaꞌan na naꞌa ya kani taꞌan na xiꞌin nde. Ndee ni ndee xáa chiñu nde, sava ichí ta ni köo kíxi nde, ni köo xíxi nde.

El Apocalipsis 19:7

¡Ná kusini ni yo, ta saa ná koo vaꞌa ni ini yo! ¡Ná chinuu sukun ni yo ya toꞌo Ndioxi! Saa chi xa ti̱ndaa kivi ya tíndaꞌa ra kúu Levo loꞌo. Xa íyo tuꞌva ñaꞌa yá tindaꞌa xiꞌin ra, saa xa íyo ndúvi yá koo yá xiꞌin ra.

El Apocalipsis 21:9

Saa ki̱xi iin taꞌan tatun Ndioxi nuu i, taꞌan ya uxa ya xi̱niꞌi uxa copa nuu xi̱ñuꞌu uxa nuu tindoꞌo ya si̱ndiꞌi, ya ndee ni tixuꞌvi naꞌa. Saa ndi̱kaꞌan ya xiꞌin i káchi ya saa: ―Vaꞌa kuyati un nuu i, saa sinaꞌa i yá ñaꞌa yá tindaꞌa, yá koo xiꞌin ra Levo loꞌo ―káchi tatun ikán xiꞌin i.