San Marcos 16:18 - Xochapa Mixteco

¹⁸ Tá tu ná tiin na ko̱ó kueꞌe, ta tïin ri na, tá tu ná koꞌo sana na ndá ka ñaꞌa ñúꞌu tatan xatu xiꞌin, ta sïkuaꞌa ya kueꞌe xiꞌin na, ta chinuu ndaꞌa na sata na kúꞌvi, ta nduvaꞌa na ―káchi Jesús xiꞌin nda ítaꞌan xiꞌin ra.

San Marcos 16:18 ပူးပေါင်းရင်းမြစ်များ

San Marcos 5:23

Saa xa̱á ra xáku ndaꞌvi ra nuu ra, káchi ra saa: ―Tata, vaxi i nuu un kuꞌun loꞌo un xiꞌin i veꞌe i, saa chi ndee ni ndee ndóꞌo seꞌe i xa xíꞌi va yá, yakan xíkan ni i ya mani nuu un, kuꞌun loꞌo un xiꞌin i, chinuu ndaꞌa un sata seꞌe i ta nduvaꞌa yá ―káchi ra.

San Lucas 10:19

Ta yeꞌe táxi i ndee ndaꞌa ndo ya kuañu ndoso ndo sata kiti ko̱ó kueꞌe xiꞌin kiti tisoꞌma, ta kuchiñu ndo nuu ndiꞌi tachi nduvaꞌa ya káni taꞌan xiꞌin ndo ta nda iin ya kündoꞌo ndo.

Los Hechos 19:12

Sava na ndíso na taꞌan na, na kúꞌvi kuaꞌan na nuu ra Pablo, saa ndíso na toto án paíto na kuaꞌan xiꞌin na nuu ra saa chínuu na ya sata na kúꞌvi ta ndúvaꞌa na ikán. Nda na kúu mií tachi nduvaꞌa ta kée ya na, ndikun ndúvaꞌa na.

Los Hechos 3:12

Tá xi̱ni ra Pedro ndiꞌi na ikán, ta ndi̱kaꞌan ra xiꞌin na káchi ra saa: ―Ndóꞌo̱ na taꞌan yo, na Israel, ¿ndachu ndíkanda ni ini ndo xíto ndo ya ndo̱ꞌo ra yóꞌó? saa xíto ni ndo nuu nde ¿Án vaꞌa ni taa kúu nde yakan vaꞌa si̱ndaꞌa nde ra, káꞌán ndo? ¿Xiꞌin ndee mií nde si̱ndaꞌa nde ra, káꞌán ndo? Ta süvi saa íyo ya.

Los Hechos 3:16

Xaꞌa ya kándixa nde Jesús ya ndee ni ndee kúu mií kivi ra, yakan vaꞌa ndu̱vaꞌa ra yóꞌó. Xiꞌin ndee Jesús ndu̱vaꞌa ra ta xíto xiꞌin nuu ndo ra ndíchi ra nuu ndo vitin ―káchi ra Pedro xiꞌin na.

Los Hechos 4:10

ta vaꞌa kundaa va ini ndo, vitin kaꞌan nde xiꞌin ndo ya ná kundaa ini ndiꞌi na ñuu yo na Israel ya ndee ni ndee kúu mií Jesucristo, ra ñuu Nazaret, chi ndóꞌo̱ ta chi̱nuu ndo ra nuu cruzin ndi̱xiꞌi ra, sundi Ndioxi ta si̱taku ñaꞌa ra, ta ra ikán ku ra sindaꞌa ra yóꞌó ndu̱vaꞌa ra ndíchi ra nuu ndo vitin.

Los Hechos 4:22

Ta xa yáꞌa uvi xiko kuiya ra taa, ra si̱ndaꞌa nda xiꞌin yatuꞌun Ndioxi.

Los Hechos 4:30

Ta chindee un ndeꞌe xiꞌin ndee un, tixin Seꞌe un Jesús ra i̱í. Sindaꞌa un na kúꞌvi, saa ikan un yatuꞌun un ná kuni naꞌa ―káchi na xiꞌin Ndioxi.

Los Hechos 9:34

Saa ndi̱kaꞌan ra Pedro xiꞌin ra, káchi ra saa: ―Tata Eneas, vitin síndaꞌa Jesucristo yóꞌo̱. Kuándikoo, ndaniꞌi un xito un ―káchi ra xiꞌin ra. Tá ndi̱kaꞌan soꞌva ra xiꞌin ra, ta saa ndikun ndi̱koo ra, ndu̱vaꞌa ra.

ROMANOS 16:20

Ta Iva yo Ndioxi, ra táxi íyo ya vaꞌa ini yo, kama ni sindiꞌi xaꞌa ra kiti nǎꞌa náni Satanás, kuaxin xaꞌa ra ri, saa chi̱nduꞌu ra ri tixin xaꞌa ndo. Ta ná chikaa ni Tata yo Jesucristo ya vaꞌa ndóꞌo̱.

1 Corintios 12:9

Sava tuku na si̱niꞌi Tachi Ií Ndioxi ndee vaꞌa ni nuu na, ya ndee ni kándixa na ra, sava tuku na ndi̱niꞌi ndee vaꞌa ni nuu ra ya síndaꞌa na naꞌa, na kúꞌvi, ta suvi mií Tachi I̱í ra kua íkan saa.