San Marcos 16:14 - Xochapa Mixteco

¹⁴ Tá sindiꞌi ta ndi̱tuvi ra nuu uxi iin saa nda, tá ndóo nda xíxi nda nuu mesa. Ta saa ndi̱ndaꞌi ra xiꞌin nda xaꞌa ya tuun nima nda, ya köo ndi̱xiin nda kandixa nda ya ndi̱kaꞌan na taꞌan nda xiꞌin nda ya ndi̱taku ra.

San Marcos 16:14 ပူးပေါင်းရင်းမြစ်များ

San Mateo 11:20

Saa ndi̱ndaꞌi Jesús xiꞌin na ñuu nuu kuaꞌa ni yatuꞌun i̱kan ra, saa chi köo ndi̱xiin na nama na kuꞌva íyo na, ta ni köo xíin na xaa súvi na ya kúni Ndioxi, saa ndi̱kaꞌan ra xiꞌin na, káchi ra saa:

San Mateo 17:20

Saa ndi̱kaꞌan ra xiꞌin nda, káchi ra saa: ―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra.

San Mateo 28:17

Tá xi̱ni nda Jesús, saa xa̱a kaꞌnu ñaꞌa nda, vani sava nda ta xíka uvi va ini nda xiꞌin ra.

San Marcos 7:18

Saa ndi̱kuiin ra, káꞌan ra: ―¿Án ndóꞌo̱ köo ndi̱kundaa ini ku tu ndóꞌo̱ va? ¿Án köo xíni ndo ndiꞌi ya kuakee yuꞌu na ivi ta küvi ndasa väꞌa ya na nduyakua na nuu Ndioxi?

San Lucas 24:11

Sundi nda xi̱taꞌan xiꞌin Jesús ta köo ndi̱xiin nda kandixa nda ya ndi̱kaꞌan ná xiꞌin nda. Ya si̱tuvi va kua nuu ná káꞌan nda yakan köo ndi̱xiin nda kandixa ñaꞌa nda.

San Lucas 24:25

Saa ndi̱kaꞌan ra xiꞌin nda, káchi ra saa: ―¿Ndachu kíꞌvi ni ndo, ta uꞌvi ni kúndaa ini ndo xiꞌin ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xinaꞌa!

San Juan 20:25

Saa ndi̱kaꞌan nda taꞌan ra xiꞌin ra, káchi nda saa: ―Xi̱ni nde Tata yo Jesús ―káchi nda xiꞌin ra. Saa ndi̱kuiin ra káꞌan ra: ―Köo kándixa i ndóꞌo̱, nda ná kuni nuu i ndaꞌa ra nuu ka̱ni na clavo, ta tuvi ndaꞌa i nuu ndi̱xani ya. Ta saa chikaa ndaꞌa i nuu yavi nuu ndi̱kiꞌvi kàà xiín íyo nuu itun, nda saa kandixa i ―káchi ra Tomás xiꞌin nda.

San Juan 20:26

Saa ndi̱yaꞌa una kivi ta ndi̱kitaꞌan ndiꞌi tuku nda ndóo nda ini veꞌe ikán. Ta íyo ra Tomás xiꞌin nda. Ta ndási tuun tuku yeꞌe ndóo nda, saa ndi̱xaa Jesús ndi̱kundichi sava tuku ra maꞌñu nda, saa chi̱ndee ra nda, káchi ra saa: ―¡Ná koo vaꞌa ni ini ndo! ―káchi ra xiꞌin nda.

San Juan 20:27

Saa ndi̱kaꞌan ra xiꞌin ra Tomás, káchi ra saa: ―Tuvi nuu ndaꞌa un yóꞌó, ta koto un ndaꞌa i saa taxi un ndaꞌa un tuvi un ya nuu ndi̱kiꞌvi nuu itun íyo kàà nuu, ta köo ka un iin ra köo xíin kandixa, ra kándixa ná nduu un vitin ―káchi Jesús xiꞌin ra.

San Juan 21:1

Sindiꞌi ikán ta ndi̱tuvi tuku Jesús nuu nda xi̱taꞌan xiꞌin ra, ndi̱tuvi ra nuu nda yuꞌu nduta ñûꞌu náni Tiberias. Ta soꞌva ku̱u tá ndi̱tuvi ra nuu nda.

San Juan 21:14

Ya yóꞌó ku ichí uni, nuu ndi̱tuvi ra nuu nda xi̱taꞌan xiꞌin ra tá sindiꞌi ndi̱taku ra.

Los Hechos 1:3

Saa ndi̱tuvi táku ra nuu nda ikán, si̱naꞌa ra mií ra nuu nda ya ndixa kua táku ra. Ta tixin uvi xiko kivi ndi̱tuvi ra nuu nda, ndíkani ra nuu nda xaꞌa ichí ya xáꞌnda chiñu Ndioxi.

1 Corintios 15:5

Ta xiꞌna nuu ra Pedro ndi̱tuvi ra, saa ndi̱tuvi ra nuu uxi uvi saa nda xi̱taꞌan xiꞌin ra.

El Apocalipsis 3:19

Káꞌan i tuꞌun uꞌvi ni yóꞌó xiꞌin ndo, chi saa káꞌan uꞌvi i xiꞌin naꞌa, na kúꞌvi ini i xíni i. Saa táxi i tíxuꞌvi ni na ya ná ndiko koo ini na kuꞌun na ichí vaꞌa. Saa ndóꞌo̱, xíniñuꞌu ndo ndiko koo ini ndo xaꞌa ya väꞌa íkan ndo, ta ndinuꞌu ni ini ndo ndiko koo ini ndo kundikun ndo Ndioxi.