San Marcos 16:10 - Xochapa Mixteco

¹⁰ Saa ke̱e yá kuaꞌan yá ndituꞌun yá xiꞌin nda xi̱taꞌan xiꞌin ra ya ndi̱taku ra, ta ndi̱taꞌan yá nda ndóo nda xáku nda, saa kúsuchi ni ini nda.

San Marcos 16:10 ပူးပေါင်းရင်းမြစ်များ

San Mateo 19:22

Saa tá xi̱ni soꞌo ra tuꞌun ndi̱kaꞌan Jesús xiꞌin ra, ta ndi̱kava ni ini ra kuaꞌan ra, saa chi kuika ni ra.

San Mateo 24:30

Ta ndiꞌi naꞌa kuni na koo seña nuu ndivi ya ndiko koo yeꞌe, Taa ra xa̱a ñuu ivi yóꞌó, saa kuaku ni na ñuu ivi yóꞌó, kusuchi ni ini na. Ta ndiꞌi naꞌa kuni na yeꞌe kixi i xiꞌin viko, kixi i xiꞌin ndee chee ni xiꞌin ndiꞌi ya yéꞌe̱ ni.

San Mateo 9:15

Saa ndi̱kuiin Jesús, káchi ra saa: ―Tá íyo iin viko tíndaꞌa, ta kúsini ni mií na migo mií ra tíndaꞌa ikán, köo naꞌa kúsuchi ini, chi viko kua. Sundi vaxi kivi tá ná ndikiꞌin na ra tíndaꞌa ikán kuꞌun ra xiꞌin na, saa kua kuxi suꞌun na.

San Marcos 14:72

Saa ra ka̱na va cheꞌle ichí uvi. Saa ndi̱kaꞌán ini ra Pedro ya ndi̱kaꞌan Jesús xiꞌin ra, ka̱chi ra saa: “Täꞌan ka vi kana cheꞌle ichí uvi, ta xa uni ichí ndikuaa un yeꞌe, kaꞌan un ya köo xíni un yeꞌe”, ka̱chi Jesús xiꞌin ra. Tá ndi̱kaꞌán ini ra tuꞌun ndi̱kaꞌan Jesús xiꞌin ra, saa xa̱á ra xáku ni ra.

San Lucas 24:17

Saa ndi̱ndakan tuꞌun ñaꞌa ra, káchi ra saa: ―¿Unkua ndítuꞌun ni ndo xaꞌa vaxi ndo? ¿Ndachu ndi̱kava ni ini ndo? ―káchi ra xiꞌin nda.

San Juan 16:6

Ta ndóꞌo̱, suvi ndo ndi̱kava ini ku ndo xaꞌa ya ndi̱kaꞌan i xiꞌin ndo.

San Juan 20:18

Saa ke̱e yá María Magdalena, kuaꞌan yá ndituꞌun yá xiꞌin nda xi̱taꞌan xiꞌin Jesús, ya xi̱ni yá ra, ta ndi̱tuꞌun ndiꞌi yá xiꞌin nda xaꞌa ya ndi̱kaꞌan ra xiꞌin yá.