San Marcos 15:32 - Xochapa Mixteco

³² Tá tu ndixa ra ti̱ꞌvi Ndioxi vaxi sikaku yoo ku ra, tá tu ra rey nuu yo Israel ku ra, ta ná nuu ra ndaꞌa cruzin, saa kandixa yo ra ―káchi nda. Saa kánaꞌa tu nda tíkaa ndaꞌa cruzin ñaꞌñu xiín va ra xíꞌin ra.

San Marcos 15:32 ပူးပေါင်းရင်းမြစ်များ

San Mateo 1:17

Tiempo ya ka̱ku ra Abraham ra veꞌe núnu̱ú, iin saa nda tiempo ya ka̱ku ra David, ta ndi̱yaꞌa uxi kumi nuu na veꞌe ku̱u mií na. Saa ndikiꞌin tuku ya xaꞌa uxi kumi nuu na veꞌe, tiempo ya ka̱ku ra David iin saa nda tiempo nuu ti̱in na ñuu Babilonia na Israel ku̱aꞌan na xiꞌin na ñuu Babilonia. Nda tiempo ya ti̱in na Babilonia na Israel kuaꞌan na ñuu Babilonia, iin saa nda tiempo ya ka̱ku Jesucristo ta ndi̱yaꞌa tuku uxi kumi nuu na veꞌe na xii sikua ra, saa ka̱ku ra.

San Mateo 27:42

―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo.

San Mateo 27:44

Tá káꞌan nda ikán xiꞌin Jesús, saa káꞌan tu nda kuiꞌna ndóso ñaꞌñu xiín Jesús va xiꞌin ra.

San Marcos 15:26

Saa ti̱kaa nda iin vitun loꞌo nuu ndóso letra ya káꞌan xaꞌa kuachi ra, káchi ya saa: “Ra yóꞌó ku rey na judío”, káchi ya.

San Marcos 15:27

Saa to̱so nda uvi nda kuiꞌna xiꞌin ra, iin ra tíkaa nuu cruzin ñaꞌñu kuáꞌá ra, ta inka ra tíkaa ñaꞌñu itin ra.

San Juan 1:49

Saa ndi̱kaꞌan ra Natanael xiꞌin ra, káchi ra saa: ―Tata Rabí, ¡yóꞌo̱ ku Seꞌe Ndioxi, ta yóꞌo̱ ku Rey ra kaꞌnu nuu ndeꞌe ñuu Israel! ―káchi ra.

San Juan 12:13

Ta saa xa̱ꞌnda na itun ñuú níꞌi na kuaꞌan xiꞌin na ndikiꞌin na Jesús. Ta ndee ni káꞌan na, káchi na saa: ―¡Ra Kaꞌnu ni ku Ndioxi! ¡Ta Kaꞌnu ni tu Taa, ra ti̱ꞌvi ra vaxi nuu va ra! ¡Saa chi rey nuu yo Israel ku ra! ―káchi na.

ROMANOS 3:3

Vani sava na ikán ta köo ndi̱xiin na kuni soꞌo na ya ndi̱kaꞌan ra xiꞌin na, ta ni köo ndi̱xaa súvi na ya kúni Ndioxi, ta ¿án xaꞌa ya ikán kua ndiko koo ini Ndioxi xäa súvi ra ya ndi̱kaꞌan ra xiꞌin na?

2 Timoteo 2:18

Chi nda ikán ta xa si̱ndikoo nda tuꞌun vaꞌa ya ndaa xaꞌa Tata yo Jesucristo, saa sínaꞌa nda naꞌa, káꞌan nda xiꞌin na ya xa ndi̱taku ndiꞌi na ndíi, káchi nda. Ta xaꞌa ya káꞌan nda saa, ta sáka nda ini sava na taꞌan yo, na ndáa ni ini xíni Tata yo Jesucristo.