San Marcos 15:14 - Xochapa Mixteco

¹⁴ Saa ndi̱kaꞌan ra Pilato xiꞌin na, káchi ra saa: ―¿Ndachu kuvi ra yóꞌó? ¿Unkua i̱kan ra kua? ―káchi ra xiꞌin na. Saa ndi̱kuiin ndiꞌi na ndáꞌi kóꞌo na, káchi na saa: ―¡Katikaa ra ndaꞌa cruzin! ―káchi ndiꞌi na.

San Marcos 15:14 ပူးပေါင်းရင်းမြစ်များ

San Mateo 27:19

Ñaa tá índuꞌu ra nuu tai xáa nani ra kuachi xaꞌa Jesús, ta saa ti̱ꞌvi yá síꞌi ra Pilato chiñu ndi̱xaa nuu ra, káchi yá saa: “Këꞌe un ra ñaa, saa chi ra vaꞌa ku ra. Köo kuachi ra. Kini ni ndi̱xani i i̱kan ra ñuu ndiveꞌe”, káchi yá xiꞌin chiñu ndi̱xaa nuu ra Pilato.

San Mateo 27:4

Saa ndi̱kaꞌan ra xiꞌin nda, káchi ra saa: ―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda. Saa ndi̱kuiin nda, káꞌan nda: ―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.

San Mateo 27:54

Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa: ―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.

San Marcos 15:13

Saa ndi̱ndaꞌi kóꞌo ndiꞌi na, káchi na saa: ―¡Tikaa ra ndaꞌa cruzin! ―káchi na.

San Marcos 15:15

Saa ku̱ni ra Pilato kindoo vaꞌa ra xiꞌin ndiꞌi na ikán. Yakan xa̱ꞌnda ra chiñu tava na ra Barrabás veꞌe kàà. Saa xa̱ꞌnda tu ra chiñu ya xaa nduvaꞌa na xiꞌin Jesús. Ta sindiꞌi tikaa na ra ndaꞌa cruzin.

San Lucas 23:21

Ta ni köo ndi̱xiin na, ndíkundee na ndáꞌi koꞌo vaꞌa ka na, káchi na saa: ―¡Kaꞌni ra! ¡Kiꞌin ra chinuu un ndaꞌa cruzin, ná kuvi ra! ―káchi na.

San Lucas 23:4

Saa ndi̱kaꞌan ra Pilato xiꞌin sutu naꞌnu nuu na veꞌe ñuꞌu tin naꞌa na chútu ndaa ikán, káchi ra saa: ―Nda iin kuachi ra yóꞌó köo níꞌi i ―káchi ra xiꞌin na.

San Lucas 23:41

Vaꞌa ka vi yoo ya ndaa kua ndóꞌo va yo xaꞌa kuachi yo, ta ra ndaꞌvi yóꞌó, nda iin kuachi ra köo ―káchi ra.

San Lucas 23:47

Saa xi̱ni ra ínuu nuu iin ciento nda lapa ñuu Roma ya ku̱u, ta xa̱á ra xáa kaꞌnu ra Ndioxi, káchi ra saa: ―Ya ndixa ni kua, ra vaꞌa ni va ku ra yóꞌó ―káchi ra ikán soꞌva.

San Juan 18:38

Saa ndi̱kaꞌan ra Pilato kúsiki ndaa ñaꞌa ra, káchi ra saa: ―¿Ta ndá ñaꞌa ya ku ya ndaa, túvi un? ―káchi ra. Saa ke̱ta tuku ra Pilato ndi̱kaꞌan ra xiꞌin nda chiñu ikán, káchi ra saa: ―Köo níꞌi i nda iin kuachi ra yóꞌó ya káꞌan xaꞌa ra kuvi ra.

San Juan 19:6

Tá xi̱ni nda naꞌnu nuu sutu xiꞌin na policía ikán, ta saa ndi̱ndaꞌi koꞌo na, káchi na saa: ―¡Chinuu ra nuu cruzin, chinuu ra nuu cruzin! ―káchi nda xiꞌin ra Pilato. Saa ndi̱kaꞌan ra Pilato xiꞌin na, káchi ra saa: ―Ndikiꞌin ndo ra, ta chinuu mií ndo ra nuu cruzin, chi yeꞌe ta köo kuachi ra ndi̱niꞌi i ―káchi ra.

Los Hechos 13:28

Köo ndi̱niꞌi na kuachi ra ya káꞌan kuvi ra, ta saa ni ndi̱kaꞌan na xiꞌin ra Pilato ya ná kaꞌnda ra chiñu kaꞌni ñaꞌa na.

Los Hechos 19:34

Saa tá ku̱ndaa ini ndiꞌi na ya kúu ra Alejandro ikán ra judío, ta köo ndi̱xiin ka na kuni soꞌo na ya káꞌan ra. Saa iin ndi̱kuiso tuku na xa̱á na ndáꞌi koꞌo na, saa i̱kan na iin kuꞌva uvi hora, káchi na saa: ―¡Siꞌí yo yá Diana kúu ndioxi káñuꞌu yo ñuu Éfeso yóꞌó! ―káchi na.

HEBREOS 7:26

Jesús ku ra ku sutu chee ni ka, ra ndee ni xíniñuꞌu yo. Saa chi ra ikán ta ra i̱í ni ku ra, nda iin kuachi ni ya väꞌa köo ndi̱kan ra, ta köo íyo yuꞌu ra xiꞌin na íkan kuachi, saa nda̱a ra kuaꞌan ra nuu ndivi, ta sukun ni ka nda̱a ra kuaꞌan ra.

1 Pedro 1:19

tá kuꞌva yáꞌa ni ndee kúu mií nií Tata yo Jesucristo nduta ndáa yaꞌvi ni, rá vaꞌa, rá ndi̱xita nuu cruzin, rá káa tá káa nií kiti levo loꞌo ri sóko sutu nuu Ndioxi, ri vaꞌa ni, ri köo nda loꞌo ya väꞌa kúu mií. Kuꞌva saa ndi̱xiyo nií ra, rá cha̱ꞌvi Ndioxi xaꞌa kuachi yo.