San Marcos 15:12 - Xochapa Mixteco

¹² Saa ndi̱kuiin tuku ra Pilato, káchi ra saa: ―Ta ¿unkua kúni ndo ikan i xiꞌin ra káꞌan ndo xaꞌa kúu rey nuu ndóꞌo̱ na Israel? ―káchi ra xiꞌin na.

San Marcos 15:12 ပူးပေါင်းရင်းမြစ်များ

San Mateo 21:5

Kaꞌan un xiꞌin na ñuu Sión: “Koto ndo, vaxi ra rey ñuu ndo nuu ndo, Ra toꞌo ni ku ra, ta yóso ra burru loꞌo, iin ri loꞌo ku ri yóso ra, seꞌe kiti ndíso vee ku ri”. Soꞌva káchi Ndioxi nuu ta̱a ra profeta xinaꞌa.

San Marcos 15:11

Ta suvi ni mií nda naꞌnu nuu sutu chi̱kaa yuꞌu ndiꞌi naꞌa ya ná kaꞌan na xaꞌa ra Barrabás keta ra veꞌe kàà.

San Marcos 15:13

Saa ndi̱ndaꞌi kóꞌo ndiꞌi na, káchi na saa: ―¡Tikaa ra ndaꞌa cruzin! ―káchi na.

San Lucas 23:2

Tá ndi̱xaa na xiꞌin ra nuu ra Pilato, ta xa̱á na táxi na kuachi siki xaꞌa ra, káchi na saa: ―Xi̱ni nde ra yóꞌó táa sii ni ra naꞌa ya kuꞌun na sata ra. Ta väꞌa íkan ra, ra táꞌvi ñuu yo ku ra chi káꞌan ra xiꞌin na, ya ná chäꞌvi na xuꞌun ya kuaꞌan ndaꞌa ra rey César, saa chi mií ra ku Cristo, ra ti̱ꞌvi Ndioxi vaxi ra nduu ra rey ñuu ivi yóꞌó, káchi ra xiꞌin na ―káchi nda.

Los Hechos 5:31

Ta Ndioxi ta̱xi ra chiñu ndee ni ndaꞌa Jesús, ta̱xi ra ichí ndaꞌa ra ndu̱u ra iin ra chee ni ndi̱kunduꞌu ra ñaꞌñu kuáꞌá Ndioxi. Ta̱xi tu ra ichí ndaꞌa ra ya sikaku ra naꞌa ya ná kuchiñu na ndinama ini na, ta saa xaa kaꞌnu ini Ndioxi xaꞌa kuachi na.