San Marcos 15:10 - Xochapa Mixteco

¹⁰ Ndi̱kaꞌan ra saa xiꞌin na, saa chi xíni ra xaꞌa ya uni ini kua ta̱xi nda naꞌnu nuu sutu kuachi xaꞌa Jesús ndaꞌa ra.

San Marcos 15:10 ပူးပေါင်းရင်းမြစ်များ

San Mateo 27:18

Saa ndi̱kaꞌan ra xiꞌin na, xaꞌa ya xa xíni ra ya kûní ini na chiñu xíni na Jesús, yakan ndi̱taxi ñaꞌa na ndaꞌa ra.

San Marcos 15:11

Ta suvi ni mií nda naꞌnu nuu sutu chi̱kaa yuꞌu ndiꞌi naꞌa ya ná kaꞌan na xaꞌa ra Barrabás keta ra veꞌe kàà.

San Marcos 15:9

Saa ndi̱kuiin ra Pilato yuꞌu na, káchi ra saa: ―¿Án kúni ndo saña i ra kúu rey nuu ndo Israel? ―káchi ra xiꞌin na.

Los Hechos 13:45

Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán.

Tito 3:3

Chi saa ndi̱xiyo yo yachi tá täꞌan ndikundikun yo ichí Tata yo Jesucristo: kíꞌvi ni ndi̱xiyo ini yo, ikú ni ndi̱xiyo yo, tá íin yo nda̱ñuꞌu saa ndi̱xiyo yo nuu Ndioxi, ta xi̱nuꞌni yo ndaꞌa ndiꞌi kuachi ya ku̱too ni ikin kuñu yo ikan ya, kuaꞌa ni nuu ya väꞌa i̱kan yo, saa kûni ni ini yo xi̱ni yo naꞌa. Ta ndiꞌi naꞌa ndi̱saa ini xi̱ni yoo, ta saa tu yoo va, ndi̱saa ni ini yo xi̱ni yo na.

Santiago 4:5

Ta xaꞌa ya yóꞌó kua káꞌan tuꞌun Ndioxi, ya ta̱a na xinaꞌa, káchi ya saa: “Tachi I̱í Iva yo Ndioxi ya ta̱xi ra íyo nima ndiꞌi yo kándixa ñaꞌa, ta sâa va ya xiꞌin yo xaꞌa ya kúni yo ikan yo ya väꞌa”, káchi ya.

1 Juan 3:12

Ná ïkan yo tá i̱kan ra Caín xinaꞌa, xa̱a súvi ra ya kúni kiti nǎꞌa chi xa̱ꞌni ra ñani ra. Xaꞌa ya väꞌa íyo ini ra yakan i̱kan ra saa, ta ya i̱kan ñani ra ta ya vaꞌa i̱kan ra.