San Marcos 14:71 - Xochapa Mixteco

⁷¹ Saa xa̱á ra távi chiꞌña ta chínaꞌa ra nuu Ndioxi káchi ra saa: ―Köo xíni i taa ra káꞌan ndo xaꞌa xiꞌin i ―káchi ra.

San Marcos 14:71 ပူးပေါင်းရင်းမြစ်များ

San Marcos 14:70

Saa ndi̱kuaa tuku ñaꞌa ra. Naꞌa loꞌo ta ndi̱kaꞌan tuku mií nda ndóo ikán xiꞌin ra Pedro, káchi nda saa: ―Taꞌan nda ikán ndixa ku un, chi ra ñuu Galilea ku un, chi tá káꞌan nda ikán, saa káꞌan un ―káchi nda xiꞌin ra.

San Marcos 14:72

Saa ra ka̱na va cheꞌle ichí uvi. Saa ndi̱kaꞌán ini ra Pedro ya ndi̱kaꞌan Jesús xiꞌin ra, ka̱chi ra saa: “Täꞌan ka vi kana cheꞌle ichí uvi, ta xa uni ichí ndikuaa un yeꞌe, kaꞌan un ya köo xíni un yeꞌe”, ka̱chi Jesús xiꞌin ra. Tá ndi̱kaꞌán ini ra tuꞌun ndi̱kaꞌan Jesús xiꞌin ra, saa xa̱á ra xáku ni ra.

1 Corintios 10:12

Xaꞌa ya ñaa kua, vií ná kundikun ndo ichí Tata yo Jesucristo, ndóꞌo̱ ndíkani ini ya tuun ni ndíkun ndo ra, ta kuenta ni koo ndo ya ná köyo ndo nuu kuachi.