San Marcos 14:70 - Xochapa Mixteco

⁷⁰ Saa ndi̱kuaa tuku ñaꞌa ra. Naꞌa loꞌo ta ndi̱kaꞌan tuku mií nda ndóo ikán xiꞌin ra Pedro, káchi nda saa: ―Taꞌan nda ikán ndixa ku un, chi ra ñuu Galilea ku un, chi tá káꞌan nda ikán, saa káꞌan un ―káchi nda xiꞌin ra.

San Marcos 14:70 ပူးပေါင်းရင်းမြစ်များ

San Marcos 14:68

Saa ndi̱kuiin ra, káꞌan ra: ―Köo xíni i ra, ta ni köo xíni i unkua káꞌan un xaꞌa xiꞌin i ―káchi ra. Saa ke̱ta ra kuaꞌan ra yeꞌe keꞌe ikán. Ta ka̱na va iin cheꞌle.

San Marcos 14:69

Saa ndi̱koto vaꞌa tuku yá xáa chiñu nuu sutu ikán nuu ra, ta ndi̱kaꞌan yá xiꞌin nda ndóo ikán, káchi yá saa: ―Taꞌan nda ítaꞌan xiꞌin Jesús ku tu ra yóꞌó va ―káchi yá.

San Marcos 14:71

Saa xa̱á ra távi chiꞌña ta chínaꞌa ra nuu Ndioxi káchi ra saa: ―Köo xíni i taa ra káꞌan ndo xaꞌa xiꞌin i ―káchi ra.

Los Hechos 2:7

Iin ndi̱kanda ini nda, saa xa̱á nda káꞌan nda xiꞌin taꞌan nda, kachi nda saa: ―¿Unkua yóꞌó? ¿Ndachu vaꞌa ni káꞌan na yóꞌó tuꞌun yo, ta na ke̱e chí estado Galilea ku ndiꞌi na?