San Marcos 14:61 - Xochapa Mixteco

⁶¹ Ta nda iin ya köo ndi̱kuiin Jesús, taxiin íyo ra. Saa ndi̱ndakan tuꞌun tuku mií sutu ikán ra, káchi ra saa: ―¿Án yóꞌo̱ ku Cristo, Seꞌe Ndioxi ra chee? ―káchi ra.

San Marcos 14:61 ပူးပေါင်းရင်းမြစ်များ

San Marcos 15:2

Saa ndi̱ndakan tuꞌun ñaꞌa ra Pilato, káchi ra saa: ―¿Án ndixa yóꞌo̱ ku rey nuu na Israel? ―káchi ra. Saa ndi̱kuiin Jesús, káchi ra saa: ―Tá íyo ya ndi̱kaꞌan un, saa ndi̱xa íyo va ya ―káchi Jesús xiꞌin ra.

San Juan 19:7

Saa ndi̱kuiin na judío káchi na saa: ―Ndeꞌe ta kúu mií nde ley nuu káꞌan ya kuvi ra, saa chi káꞌan ra xaꞌa ra ya kúu ra Seꞌe Ndioxi káchi ra ―káchi na xiꞌin ra Pilato.

1 Pedro 2:23

Tá ndi̱kanaꞌa na xiꞌin ra ta köo ndi̱kuiin ra kaꞌan kini ra xiꞌin na, tá xa̱a ndu̱vaꞌa na xiꞌin ra, ta köo ndi̱kaꞌan ra xiꞌin na ya xaa nduvaꞌa ra xiꞌin na vaxi kivi. Si̱ndoo ndiꞌi ra ya i̱kan na xiꞌin ra ndaꞌa mií Ndioxi, ra xáa nani kuachi xiꞌin ya ndaa.

San Juan 10:36

Ta mií ra ku ra nda̱sa i̱í yeꞌe ta ti̱ꞌvi ra yeꞌe vaxi i ñuu ivi yóꞌó. Ta ¿ndachu káꞌan ndo xaꞌa i ya kánaꞌa i xaꞌa Ndioxi chi ndi̱kaꞌan i kúu i Seꞌe Ndioxi?

San Juan 1:34

Ta yeꞌe xa xi̱ni va i ra, ndíkuiin i káꞌan i xaꞌa ra xiꞌin ndo, ra yóꞌó ku Seꞌe Ndioxi ―káchi ra Juan.

San Mateo 16:16

Saa ndi̱kuiin ra Simón Pedro, káꞌan ra: ―Yóꞌo̱ ku Cristo, ra ti̱ꞌvi Ndioxi xa̱a sikaku na ñuu ivi yóꞌó, ta kúu un Seꞌe Ndioxi ra táku ―káchi ra.

San Mateo 8:29

Ñaa iin ndi̱ndaꞌi koꞌo uvi saa nda, káchi nda saa: ―¿Unkua kúni un ikan un xiꞌin nde, Jesús? Kïꞌvi un xiꞌin nde saa chi Seꞌe Ndioxi ku yóꞌo̱. ¿Án xa̱a un ya xaa nduvaꞌa un xiꞌin nde, yachi ka tá täꞌan tindaa tiempo? ―káchi nda xiꞌin Jesús.

San Mateo 3:17

Saa táku ndi̱kaꞌan Ndioxi nuu ndivi, káchi ra saa: ―Ra yóꞌó ku Seꞌe i, ra kúꞌvi ni ini i xíni i, ta kúsini ni i xiꞌin ra ―káchi Ndioxi xaꞌa Jesús.

1 Timoteo 6:15

Chi tá ná tindaa kivi ya kúni mií Iva yo Ndioxi, ta saa kua ndiko koo Tata yo Jesucristo kixi ra ñuu ivi yóꞌó. Ta ná kunuu sukun ni ya toꞌo Iva yo Ndioxi, ra íyo ichí ndaꞌa xaꞌa ndiꞌi ni kúu ñaꞌa. Saa xáꞌnda chiñu ra nuu ndiꞌi nda kúu rey, ta xáꞌnda chiñu tu ra nuu ndiꞌi na naꞌnu ñuu ivi yóꞌo̱ va.

1 Timoteo 1:11

Ta naꞌa, na íkan ya väꞌa, ta köo íyo yuꞌu na xiꞌin tuꞌun vaꞌa ya ndaa, ya luvi ni sínaꞌa yo, chi mií Ndioxi ra vaꞌa ni ku ra ta̱xi chiñu ikán ndaꞌa i ya kaꞌan ndoso i ya xiꞌin naꞌa.

Los Hechos 8:32

Saa nda̱a ra. Ta tuꞌun Ndioxi ya káꞌvi ra kuaꞌan ra, káchi ya saa: Tá ndóꞌo iin kiti levo loꞌo ndáka xitoꞌo ri kuaꞌan ri kuvi ri, saa ndo̱ꞌo ra. Ni köo ndi̱kaꞌan ra tá kuaꞌan ra xiꞌin na kuvi ra. Tá íkan levo loꞌo ni köo ndáꞌi ri iin yayaa ndíchi ri xáꞌnda na kachi sata ri, saa i̱kan ra. Yayaa xi̱ndichi ra nuu na, ni köo ndi̱xuna ra yuꞌu ra ya kaꞌan ra xiꞌin na.

San Juan 19:9

Saa ndi̱ko koo tuku ra ini veꞌe chiñu, ta ndi̱kaꞌan ra xiꞌin Jesús, káchi ra saa: ―¿Míí chí ki̱xi un? ―káchi ra xiꞌin Jesús. Ta nda iin ya köo ndi̱kuiin Jesús.

San Juan 18:37

Saa ndi̱kuiin ra Pilato káchi ra saa: ―¿Án saa va, án rey ku ndixa un? ―káchi ra xiꞌin ra. Saa ndi̱kuiin Jesús káꞌan ra, káchi ra saa: ―Ya ndixa kua, saa ndixa íyo va ya. Xaꞌa ya ñaa kua ka̱ku i xa̱a i ñuu ivi yóꞌó ya ndikuiin i kaꞌan i nina ya ndaa. Ta ndiꞌi na ndíkun ya ndaa, na ñaa ku na kándixa ya káꞌan i ―káchi Jesús.

San Juan 10:24

Saa ndi̱kava nduu nda naꞌnu nuu na judío sata ra, ta ndi̱kaꞌan nda xiꞌin ra, káchi nda saa: ―¿Nda maa vi kua kundaa teꞌe ini nde, tá tu yóꞌo̱ ku Cristo? ta iin teteꞌe kaꞌan un xiꞌin nde ―káchi nda xiꞌin ra.

San Marcos 14:60

Saa ndi̱kundichi sutu ra ínuu nuu ndiꞌi sutu, ndi̱kundichi ra maꞌñu, ñaa ndi̱ndakan tuꞌun ra Jesús káchi ra saa: ―¿Án ndïkuiin un yuꞌu na? ¿Án käꞌan un xaꞌa ya káꞌan na yóꞌó xaꞌa un? ―káchi ra xiꞌin Jesús.