San Marcos 14:54 - Xochapa Mixteco

⁵⁴ Saa ndíkun xíka ra Pedro kuaꞌan ra sata Jesús, ta ndi̱xaa ra yeꞌe veꞌe sutu ikán, saa ndi̱kunduꞌu ra ndísaa ra nuu ñu̱ꞌu̱ xiꞌin nda policía.

San Marcos 14:54 ပူးပေါင်းရင်းမြစ်များ

San Mateo 26:3

Ta suvi mií tiempo ikán íyo nda sutu naꞌnu nuu sutu xiꞌin nda sínaꞌa ley Ndioxi xiꞌin na xikuaꞌa nuu na judío, ndi̱kitaꞌan ndiꞌi na yeꞌe veꞌe ra Caifás, ra kaꞌnu nuu ndiꞌi sutu.

San Mateo 26:58

Saa ndi̱kundikun xika ra Pedro sata na kuaꞌan ra, ndi̱xaa ra keꞌe yeꞌe veꞌe mií ra sutu kaꞌnu ikán. Ndi̱xaa ra ndi̱kunduꞌu ra xiꞌin nda policía koto ra unkua kundoꞌo Jesús.

San Marcos 14:38

Kundito ndo, ta kaꞌan ni ndo xiꞌin Ndioxi ya ná ndïkava ndo nuu kuachi. Ya ndaa kua kúni ni ndo xaa súvi ya kúni Ndioxi, sundi köo kúchiñu ndo xaa súvi ndo ya xiꞌin ndee mií ndo ―káchi Jesús xiꞌin nda.

San Marcos 14:66

Tá kúu saa ta xa índuꞌu ra Pedro keꞌe veꞌe sutu ra ínuu nuu ndiꞌi sutu, ta saa ke̱ta iin yá xáa chiñu nuu sutu ikán.

San Lucas 22:44

Ta ndíꞌi ka vi ini ra, ndinuni loꞌo káꞌan ra xiꞌin Ndioxi, ndakua ndi̱xinu titiin nuu ra. Ndoo ka vi rá kóyo vaxi nùù nuu ra. Tá íin koꞌndo nduta nií, saa íin rá kóyo nuu ñuꞌú.

San Lucas 22:54

Ñaa ti̱in nda Jesús kuaꞌan ra xiꞌin nda veꞌe ra sutu, ra ínuu nuu ndiꞌi sutu. Saa ndíkun ra Pedro, xíka xíka ndíkun ra kuaꞌan ra sata Jesús.

San Juan 18:18

Ta nda xáa chiñu nuu sutu xiꞌin nda ndáa veꞌe ñuꞌu ndikaꞌmi nda ñu̱ꞌu̱ saa ndíta nda ndísaa nda saa chi vixin ni. Ñaa ndi̱xaa ra Pedro ndíchi ra ndísaa ra xiꞌin nda.

San Juan 18:25

Ta saa ndíchi ra Pedro nuu ñu̱ꞌu̱ ndísaa ra xiꞌin nda ikán, ta ndi̱kaꞌan iin ra xiꞌin ra, káchi ra saa: ―¿Án süvi taꞌan nda ítaꞌan xiꞌin ra kaa ku tu yóꞌo̱ va? ―káchi ra xiꞌin ra. Saa ndi̱kuaa tuku ñaꞌa ra Pedro, káchi ra saa: ―Süvi ikán ku i ―káchi ra.