San Marcos 14:18 - Xochapa Mixteco

¹⁸ Saa tá ndóo nda xíxi nda nuu mesa, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, iin ndóꞌo̱ ndóo xíxi xiꞌin i nuu mesa yóꞌó ku ndo ndixiko vata yeꞌe nuu na sáa ini xiꞌin yeꞌe ―káchi ra.

San Marcos 14:18 ပူးပေါင်းရင်းမြစ်များ

San Mateo 26:21

Tá ndóo nda xíxini nda saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo, chi iin ndóꞌo̱ ndóo yóꞌó ku ndo ndixiko vata yeꞌe nuu na sáa ini xíni yeꞌe.

San Mateo 5:18

Ya ndaa káꞌan i xiꞌin ndo, kivi íyo ka ndivi xiꞌin ñuu ivi yóꞌó, ta nda iin letra, ni iin punto loꞌo ndündaa nuu ley Ndioxi ya ta̱a ra Moisés. Xinu ndiꞌi ni kúu tuꞌun ra, nda iin ya ndïꞌi xaꞌa.

San Mateo 6:16

’Tá xíxi suꞌun ndo, ta sïndikava ndo ini ndo, tá kuꞌva íkan naꞌa, na uvi ini. Saa chi saa íkan na ikán, síndikava na ini na ya kúni na ná kuni naꞌa ya xíxi suꞌun na. Xaꞌa ya íkan na saa ta xa ndi̱niꞌi na ya vaꞌa nuu naꞌa, ta köo ka ya vaꞌa niꞌi na nuu Ndioxi.

San Mateo 6:2

Tá ndá ndóꞌo̱ síniꞌi xuꞌun nuu na ndaꞌvi, ta ndïtuꞌun ndo xiꞌin ndiꞌi naꞌa xaꞌa ya íkan ndo, ya chinuu vaꞌa na tuꞌun ndo, saa chi saa íkan naꞌa, na uvi ini. Ndítuꞌun na xiꞌin ndiꞌi na ndóꞌni veꞌe ñuꞌu sinagoga, saa ndítuꞌun na xiꞌin na xíka kuaꞌan ichí, xaꞌa ya kúni na kindoo vaꞌa na nuu naꞌa. Xaꞌa ya íkan na saa, ta köo ka ya vaꞌa niꞌi na nuu Ndioxi.

San Mateo 6:5

Saa káꞌan ka Jesús xiꞌin na, káchi ra saa: ―Tá káꞌan ndo xiꞌin Ndioxi, ta ïkan ndo tá íkan naꞌa na uvi ini. Saa chi na ikán ta kútoo na ndikundita na ini veꞌe ñuꞌu sinagoga án tutun calle, kútoo na kaꞌan kóꞌó na xiꞌin Ndioxi ya ná kuni naꞌa káꞌan na xiꞌin ra. Ta ndixa káꞌan i xiꞌin ndo köo ka ya vaꞌa niꞌi na.

San Marcos 10:15

Ya ndaa káꞌan i xiꞌin ndo, tá köo xíin ndo xaa ni̱nu̱ ndo mií ndo nuu Ndioxi tá kuꞌva íyo ini na vali yóꞌó, ta küchiñu ndo kiꞌvi ndo koo ndo nuu xáꞌnda chiñu Ndioxi ―káchi ra xiꞌin nda.

San Marcos 10:29

Ñaa ndi̱kaꞌan Jesús xiꞌin ra, káchi ra saa: ―Ya ndaa káꞌan i xiꞌin ndo, ndiꞌi na síndoo na veꞌe na án kuꞌva na án kuꞌvi na, án iva siꞌí na, án ná síꞌi na, án seꞌe na án ñuꞌú na, xaꞌa ya ndíkun na yeꞌe tin xaꞌa tuꞌun vaꞌa xaꞌa i,

San Marcos 14:17

Tá xa ku̱ñuu ta saa ndi̱xaa Jesús xiꞌin uxi uvi saa nda ítaꞌan xiꞌin ra.

San Marcos 14:19

Tá ndi̱kaꞌan ra saa xiꞌin nda ta ku̱chiꞌña ni ini nda, saa xa̱á iin iin nda ndákan tuꞌun nda ra, káchi nda saa: ―Tata, ¿án yeꞌe ku i? ―káchi nda xiꞌin ra.

San Marcos 14:25

Ya ndaa káꞌan i xiꞌin ndo, köꞌo yachi ka i nduta vino kiti uva, nda ná tindaa kivi ndikitaꞌan yo nuu xáꞌnda chiñu Ndioxi, nda saa kua koꞌo i nduta vinu xa̱á ―káchi ra xiꞌin nda.

San Marcos 14:9

Ta ndixa káꞌan i xiꞌin ndo, ndiꞌi kúu ñuu ivi nuu káꞌan ndoso na tuꞌun vaꞌa xaꞌa i, ta kaꞌan tu na xaꞌa ya vaꞌa i̱kan yá yóꞌó va xiꞌin i. Ta saa ndikaꞌán ini ndiꞌi kúu na xaꞌa ya i̱kan yá ―káchi Jesús.

San Marcos 3:28

Saa ndi̱kaꞌan ka ra, káchi ra saa: ―Ta yeꞌe kúni i ná kundaa teꞌe ni ini ndo xaꞌa ya káꞌan i xiꞌin ndo, chi Ndioxi ta xaa kaꞌnu ini ra xaꞌa ndiꞌi kúu kuachi ya íkan na ñuu ivi xiꞌin xaꞌa ndiꞌi ya väꞌa káꞌan na xaꞌa ra.

San Marcos 6:11

Tá ndá ñuu ndi̱xaa ndo, köo xíin na ndikiꞌin vaꞌa na ndóꞌo̱, ni köo xíin na kuni soꞌo na ya káꞌan ndo, ta köo ndo ñuu na. Kana koo ndo kuaꞌan ndo, ta ndiyakun ndo yaa ñuu na ya chi̱chi sata nduxan ndo, ya ná kundaa ini na ku̱ndasi na tuꞌun Ndioxi. Ya ndaa káꞌan i xiꞌin ndo tá ná tindaa kivi sindiꞌi ya xaa nani Ndioxi kuachi xiꞌin na ñuu ivi yóꞌó, ta ndee ni ka uꞌvi sitixuꞌvi ra na ku̱ndasi tuꞌun ra nuu na väꞌa xi̱ndoo ñuu Sodoma xiꞌin ñuu Gomorra xinaꞌa ―káchi ra xiꞌin nda.

San Marcos 8:12

Saa iin ndendee ndi̱kakan ini ra ya ndi̱ndiꞌi ini ra, ta xa̱á ra káꞌan ra xiꞌin nda, káchi ra saa: ―Ndachu ndúku ndo yatuꞌun nuu i, ta vitin ta nda iin ya ïkan i kuni ndo ―káchi ra xiꞌin nda.

San Marcos 9:1

Saa ndi̱kaꞌan ka Jesús xiꞌin na, káchi ra saa: ―Ya ndaa ndixa káꞌan i xiꞌin ndo, sava ndóꞌo̱ ndóo yóꞌó vitin ta küvi yachi ndo, kuni ndo nuu xáꞌnda chiñu Ndioxi xiꞌin ndee ra ya ndee ni ―káchi Jesús xiꞌin na.

San Marcos 9:41

Ndá ka naꞌa ná siniꞌi iin vaso loꞌo tikuii nuu ndo tixin kivi i xaꞌa ya ndíkun ndo yeꞌe ra kúu Cristo, ta niꞌi na ya vaꞌa nuu Ndioxi xaꞌa ya íkan na saa xiꞌin ndo ―káchi ra xiꞌin nda.

San Lucas 11:51

Ta nda xaꞌa ra Abel, ra vaꞌa ra ndi̱xiꞌi i̱kan ñani ra, xiꞌin inka ra Zacarías, ra ndi̱kaꞌan ndoso tuꞌun yuꞌu Ndioxi xinaꞌa, ra xa̱ꞌni xii sikua ndo maꞌñu cuarto i̱í xiꞌin nuu xáꞌni na kiti nuu Ndioxi. Ikán ku nuu xa̱ꞌni xii sikua ndo ra. Ta nduku Ndioxi cuenta nuu ndo xaꞌa ra ikán xiꞌin ndiꞌi ka nda ndi̱kaꞌan ndoso tuꞌun yuꞌu ra, saa chi ndóꞌo̱, tá ndi̱xiyo xii sikua ndo, saa íin ndo.

San Lucas 22:21

Ta vitin ná kundaa ini ndo, iin ndóꞌo̱ índuꞌu xiꞌin i nuu mesa yóꞌó ku ndo nditaxi yeꞌe ndaꞌa na sáa ini xíni yeꞌe.

San Lucas 4:24

Ta ndi̱kaꞌan ka ra xiꞌin na, káchi ra saa: ―Ya ndaa káꞌan i xiꞌin ndo, nda iin ra káꞌan ndoso tuꞌun yuꞌu Ndioxi köo ndíkiꞌin vaꞌa na ra ñuu mií ra.

San Juan 1:51

Saa ndi̱kaꞌan ka ra xiꞌin ra, káchi ra saa: ―Ya ndaa ni ndixa káꞌan i xiꞌin un, kuni ndo núna nuu ndivi, ta saa kuni ndo na tatun Ndioxi vaxi nùù na tin kuandaa na nuu íyo yeꞌe, Ra kúu Taa ra xa̱a ñuu ivi yóꞌó ―káchi Jesús xiꞌin ra Natanael.

San Juan 13:18

’Süvi xaꞌa ndiꞌi ndo káꞌan i, chi yeꞌe ta xa xíni va i unku ndóꞌo̱ ndi̱kaxin i. Ta ndixa xíniñuꞌu xinu nuu tuꞌun Ndioxi ya ta̱a na xinaꞌa, káchi ya saa: “Iin taa, ra xíxi xita vaꞌa xiꞌin i ku ra ndi̱kiꞌvi kuachi xiꞌin i”, káchi tuꞌun Ndioxi.

San Juan 13:21

Tá ndi̱ꞌi ndi̱kaꞌan ra saa, ta xa̱á ra kúsuchi ni ini ra, ta saa ndi̱kaꞌan ra xiꞌin nda, káchi ra saa: ―Ya ndaa káꞌan i xiꞌin ndo: Iin ndóꞌo̱ ku ndo ndixiko vata yeꞌe nuu na sáa ini xíni yeꞌe ―káchi ra xiꞌin nda.

San Juan 13:22

Saa ndi̱koto nuu taꞌan ndiꞌi nda ítaꞌan xiꞌin ra, ta xíka ni ini nda, unku nda káꞌan ra xaꞌa.

San Juan 13:38

Saa ndi̱kuiin Jesús, káchi ra saa: ―¿Án ndixa ku un, íyo tuꞌva un ya kuvi un xaꞌa i? Ya ndixa kua káꞌan i xiꞌin un, ñǔu vitin, ta xa uni ichí vi ndikuaa un ya köo xíni un yeꞌe, saa kana chele ―káchi Jesús xiꞌin ra Pedro.

San Juan 21:18

Ta saa ndi̱kaꞌan ka ra xiꞌin ra, káchi ra saa: ―Ya ndixa káꞌan i xiꞌin un, tá ndi̱xiyo kuâán un, ta ndíkundixi un toto un, ta kuaꞌan un nuu kúni mií un, sundi tá ná kuchee un ta tanii ndaꞌa un nuu na, ta inka na sikundixi yóꞌo̱, ta kundaka na yóꞌo̱ kuꞌun un xiꞌin na nuu köo kúni un kuꞌun un ―káchi ra xiꞌin ra.

San Juan 3:11

Ya ndaa káꞌan i xiꞌin un, ndeꞌe ta káꞌan nde xaꞌa ya xíni̱ nde xiꞌin ya xíni xiꞌin nuu nde. Ya yóꞌó kua ndíkuiin nde xaꞌa káꞌan nde xiꞌin ndo. Ta köo xíin ndo kandixa ndo ya káꞌan nde xiꞌin ndo.

San Juan 3:3

Saa ndi̱kuiin Jesús káꞌan ra: ―Ya ndaa ni káꞌan i xiꞌin un, ndiꞌi na täꞌan kaku uvi, ta küchiñu na kiꞌvi na nuu xáꞌnda chiñu Ndioxi ―káchi Jesús xiꞌin ra.

San Juan 3:5

Saa ndi̱kuiin Jesús káꞌan ra, káchi ra saa: ―Ya ndaa ni káꞌan i xiꞌin un, ndiꞌi na täꞌan kaku xiꞌin tikuii ni xiꞌin Tachi I̱í Ndioxi ta küchiñu na kiꞌvi na koo na nuu xáꞌnda chiñu Ndioxi.

San Juan 5:19

Saa ndi̱kaꞌan Jesús xiꞌin nda káchi ra saa: ―Ya ndaa káꞌan i xiꞌin ndo, ra kúu Seꞌe Ndioxi ta nda iin ñaꞌa küvi ikan mií ra, ndisaa ya xíni ra íkan Iva ra kua íkan ra. Ndiꞌi saa kivi kándixa ra ya káꞌan Iva ra xiꞌin ra.

San Juan 6:26

Saa ndi̱kaꞌan ra xiꞌin na, káchi ra saa: ―Ya ndixa kua ndúku ndo yeꞌe, ta süvi xaꞌa ya xi̱ni ndo seña ya i̱kan i nuu ndo kua ndúku ndo yeꞌe, chi xaꞌa ya ta̱xi i xi̱xi ndo ndakua ndi̱xaa ini va ndo kua ndúku ndo yeꞌe.

San Juan 6:32

Ta saa ndi̱kuiin Jesús ndi̱kaꞌan ra xiꞌin na, káchi ra saa: ―Ya ndaa káꞌan i xiꞌin ndo, süvi ra Moisés ku ra ndi̱taxi xita vaꞌa ya ke̱e nuu ndivi xi̱xi na, Iva i Ndioxi va ku ra ta̱xi ya xi̱xi na. Ta vitin táxi Iva i Ndioxi xita vaꞌa, ya ndaa vaꞌa ni, ya ki̱xi nuu ndivi ni̱nù.

San Juan 6:47

Ya ndaa káꞌan i xiꞌin ndo: Ndiꞌi na kándixa yeꞌe ta xa táku na ndiꞌi saa kivi.

San Juan 6:70

Saa ndi̱kuiin Jesús káꞌan ra, káchi ra saa: ―Yeꞌe ndi̱kaxin i uxi uvi saa ndo ya kundikun ndo yeꞌe, ta iin ndóꞌo̱ ku kiti nǎꞌa ―káchi ra xiꞌin nda.