San Marcos 14:13 - Xochapa Mixteco

¹³ Saa ti̱ꞌvi ra uvi nda ítaꞌan xiꞌin ra kuaꞌan nda, ta ndi̱kaꞌan ra xiꞌin nda, káchi ra saa: ―Kuáꞌan ndo Jerusalén. Ta ikán nditaꞌan ndo iin taa, ndíso ra iin yoo tikuii kuaꞌan ra, ta kundikun ndo kuꞌun ndo sata ra.

San Marcos 14:13 ပူးပေါင်းရင်းမြစ်များ

HEBREOS 5:9

Yakan tá sindiꞌi ra xa̱a súvi ra ndiꞌi ya ndi̱kaꞌan Ndioxi xiꞌin ra, saa kua ndi̱xinu ra ndu̱u ra taa, ra ndee ni ndixa xíniñuꞌu yo ya sikaku ra yoo koo yo xiꞌin ra ndiꞌi saa ichí tá tu xáa súvi yo ya káꞌan ra.

HEBREOS 4:13

Nda iin ñaꞌa ya si̱kuaꞌa Ndioxi küvi tiseꞌe ya nuu ra, saa chi mií ra si̱kuaꞌa ndiꞌi ya, ta íyo túvi ndiꞌi ya nuu ra. Ta suvi mií ra ku ra xaꞌa yo kuenta nuu xaꞌa ndiꞌi ñaꞌa ya íkan yo.

San Juan 15:14

Ta ndóꞌo̱ ku ndo ítaꞌan vaꞌa ni xiꞌin i tá tu xáa súvi ndo ya káꞌan i xiꞌin ndo.

San Mateo 8:9

Saa chi saa tu yeꞌe va íyo na xáꞌnda chiñu nuu i, ta yeꞌe xáꞌnda chiñu i nuu inka nda lapa. Tá káꞌan i xiꞌin nda kuꞌun nda, ta kuaꞌan nda, tá kána i nda kixi nda, ta vaxi nda. Ta ra xáa chiñu nuu i káꞌan i xiꞌin ra ikan ra ndá ka ñaꞌa káꞌan i xiꞌin ra, ta íkan ra ya ―káchi ra ikán xiꞌin Jesús.

San Juan 2:5

Saa ndi̱kaꞌan siꞌí ra xiꞌin na xíka ndítaꞌvi koꞌo nuu mesa ikán, káchi yá saa: ―Xaa súvi ndiꞌi ndo ya káꞌan ra xiꞌin ndo ―káchi yá xiꞌin na.

San Marcos 14:12

Ta kivi núnu̱ú tá íyo viko ya xíxi na Israel xita vaꞌa ya köo uxan ìya xiꞌin, saa iin iin veꞌe xáꞌni na iin kiti levo loꞌo nuu Ndioxi xíxi na viko pascua. Xaꞌa ya ikán kua ndi̱ndakan tuꞌun uxi uvi saa nda ítaꞌan xiꞌin ra, káchi nda saa: ―¿Tata, mií kua kúni un kuꞌun nde xaa ndúvi nde ñaꞌa ya kuxini yo viko pascua? ―káchi nda xiꞌin ra.

San Marcos 14:14

Ta veꞌe nuu xaa ra kiꞌvi ra ikán, kaꞌan ndo xiꞌin mií ra xíin veꞌe ya ikán, kachi ndo saa: “Ra Tata Maestro ti̱ꞌvi ndeꞌe vaxi nde kaꞌan nde xiꞌin un: ¿Ndá cuarto kua táxi loꞌo un xaa vií nde ñaꞌa kuxini ra viko pascua vitin xiꞌin ndeꞌe ítaꞌan xiꞌin ra, káchi ra?”, kachi ndo xiꞌin ra.