San Marcos 14:12 - Xochapa Mixteco

¹² Ta kivi núnu̱ú tá íyo viko ya xíxi na Israel xita vaꞌa ya köo uxan ìya xiꞌin, saa iin iin veꞌe xáꞌni na iin kiti levo loꞌo nuu Ndioxi xíxi na viko pascua. Xaꞌa ya ikán kua ndi̱ndakan tuꞌun uxi uvi saa nda ítaꞌan xiꞌin ra, káchi nda saa: ―¿Tata, mií kua kúni un kuꞌun nde xaa ndúvi nde ñaꞌa ya kuxini yo viko pascua? ―káchi nda xiꞌin ra.

San Marcos 14:12 ပူးပေါင်းရင်းမြစ်များ

San Mateo 3:15

Saa ndi̱kuiin Jesús, káchi ra saa: ―Käsi un nuu i, vaꞌa ka sikuchi un yeꞌe vitin, saa chi soꞌva xíniñuꞌu yo xaa súvi yo ya xáꞌnda chiñu Ndioxi ―káchi Jesús xiꞌin ra. Saa ndi̱xinu ini ra Juan si̱kuchi ñaꞌa ra.

San Marcos 14:1

Soo uvi kivi kúmani saa tindaa kivi ya ndítava na Israel viko pascua xiꞌin inka viko nuu xíxi na xita vaꞌa ya köo uxan iya xiꞌin. Saa xa̱á nda naꞌnu nuu sutu xiꞌin nda maestro nda sínaꞌa ley Ndioxi ya ta̱a ra Moisés, ndúku nda kuachi siki xaꞌa Jesús saa kuchiñu nda kaꞌni nda ra.

San Marcos 14:11

Saa tá ku̱ndaa ini nda ya ndi̱kaꞌan ra xiꞌin nda, ta ku̱sini ni nda xiꞌin ra, ta saa ki̱ndoo nda chaꞌvi ñaꞌa nda. Saa ku nuu xa̱á ra Judas ndúku ra ndá kuꞌva kua koo nditaxi ra Jesús ndaꞌa nda.

San Marcos 14:13

Saa ti̱ꞌvi ra uvi nda ítaꞌan xiꞌin ra kuaꞌan nda, ta ndi̱kaꞌan ra xiꞌin nda, káchi ra saa: ―Kuáꞌan ndo Jerusalén. Ta ikán nditaꞌan ndo iin taa, ndíso ra iin yoo tikuii kuaꞌan ra, ta kundikun ndo kuꞌun ndo sata ra.

Gálatas 4:4

Sundi tá ndi̱xinu kivi ya chi̱tuni mií Ndioxi ti̱ꞌvi ra Seꞌe ra ki̱xi ra ñuu ivi yóꞌó, saa ka̱ku ra tixin iin ñaꞌa, ta xa̱a súvi ndiꞌi ra ya káꞌan ley ya ta̱a ra Moisés.