San Marcos 13:23 - Xochapa Mixteco23 Yakan kuenta ni koo ndo. Xaꞌa ya ñaa kua xa káꞌan kuee i xiꞌin ndo vitin yachi ka tá täꞌan kuu saa ―káchi Jesús xiꞌin nda ítaꞌan xiꞌin ra. အခန်းကိုကြည့်ပါ။ |
Saa káꞌan tuku Jesús xiꞌin na, káchi ra saa: ―Kuenta ni koo ndo chi íyo nda profeta nda vata, nda káꞌan síkaꞌán Ndioxi ini nda kaꞌan nda tuꞌun yuꞌu ra. Ndíkani ini ndo xaꞌa ya luvi ni sínaꞌa nda ta vaꞌa ni nda káꞌán ndo, chi íin nda tá kuꞌva íyo kiti levo vita ni ini. Sundi kuenta ni koo ndo chi süvi ya ndaa kua íin nda saa, nda tá íyo iin kiti ndivaꞌi kueꞌe ni va saa íyo ini nda.
Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.
Ta saa ndi̱kuiin Jesús, káchi ra saa: ―Kuenta ni koo ndo ya ná sïndaꞌvi naꞌa ndóꞌo̱. Saa chi kixi sava taa sindaꞌvi nda ndóꞌo̱, kaꞌan nda xiꞌin ndo, nda ikán ku nda ti̱ꞌvi Ndioxi vaxi sikaku na ñuu ivi yóꞌó, kachi nda. Ta saa kaꞌan tu nda, xa yati ni ti̱ndaa tiempo, kachi nda xiꞌin ndo. Ta kündikun ndo nda.