San Marcos 13:14 - Xochapa Mixteco

¹⁴ ’Ta ndóꞌo̱ tá xi̱ni ndo ya väꞌa, ya kini ya síndiꞌi xaꞌa ya i̱í, taꞌan ñaꞌa ya ndi̱kaꞌan ra Daniel xaꞌa, ra ndi̱kaꞌan ndoso tuꞌun yuꞌu Ndioxi, tá xi̱ni ndo ya ikán íyo ya ini veꞌe ñuꞌu kaꞌnu nuu köo xíniñuꞌu ya koo ya, ta vaꞌa ka kana koo ndóꞌo̱ ndóo estado Judea yóꞌó, kee ndo kunu ndo kuꞌun ndo iku, (ta ndóꞌo̱ káꞌvi ya yóꞌó ta ná kundaa ini ndo xiꞌin ya káꞌvi ndo).

San Marcos 13:14 ပူးပေါင်းရင်းမြစ်များ

San Mateo 13:51

Saa ndi̱ndakan tuꞌun Jesús nda ítaꞌan xiꞌin ra, káchi ra saa: ―¿Án ku̱ndaa ini ndo ndiꞌi ya ndi̱kaꞌan i xiꞌin ndo? ―káchi ra xiꞌin nda. Ñaa ndi̱kuiin nda, káchi nda saa: ―Ku̱ndaa va ini nde, Tata ―káchi nda xiꞌin ra.

1 Corintios 14:20

Ñani yo, vaꞌa ndikani ini ndo tá kuꞌva ndíkani ini naꞌa, na xa xuxa ini, ta ndïkani ini ndo tá kuꞌva ndíkani ini na vali xaꞌa ñaꞌa ya káꞌan i xiꞌin ndo. Ndisaa nuu ya väꞌa ná koo naá ni ini ndo tá kuꞌva naá ni nuu na vali nuu ya väꞌa, saa ná koo ndo.

El Apocalipsis 1:3

Ta vaꞌa ni kée naꞌa, na káꞌvi tuꞌun yóꞌó nuu inka naꞌa, ta saa vaꞌa ni tu kée naꞌa, na xíni soꞌo tuꞌun yóꞌó ta xáa súvi na ya káꞌan ya. Saa chi xa ku̱yati ni kivi nuu sixinu ndiꞌi Ndioxi ya ndi̱kaꞌan ra, xaꞌa ya íyo nuu tutu yóꞌó.

El Apocalipsis 13:18

Uꞌvi ni kundaa ini yo xaꞌa ri yóꞌó, chi xíniñuꞌu ni yo ya ndíchi saa kuchiñu kundaa ini yo xiꞌin ya unkua kúni kaꞌan ya. Chi número mií kiti ìyo ni káa ikán kua káꞌan xaꞌa iin taa, ta número ri ikán ku ya iñu ciento uni xiko iñu.