San Marcos 12:34 - Xochapa Mixteco

³⁴ Saa tá xi̱ni soꞌo Jesús ya vaꞌa ni ndi̱kuiin ra maestro ikán, saa ndi̱kaꞌan ra xiꞌin ra, káchi ra saa: ―Xa siloꞌo ni kúmani nuu un ya taxi un kaꞌnda chiñu Ndioxi nuu un ―káchi ra xiꞌin ra. Ta saa nda iin ka na köo ndixaꞌa ndee ini ndakan tuꞌun ñaꞌa ya koto ndoso na ra.

San Marcos 12:34 ပူးပေါင်းရင်းမြစ်များ

San Mateo 12:15

Tá xi̱ni Jesús ya ndíkani ini nda, saa ke̱ta ra veꞌe ñuꞌu kuaꞌan ra. Kuaꞌa ka vi naꞌa ndi̱kundikun kuaꞌan sata ra. Saa si̱ndaꞌa ndiꞌi ra na kúꞌvi.

San Mateo 12:20

Na xa ti̱kueꞌe, na köo ndee, na ndóꞌo tá kuꞌva ndóꞌo itun ndoo, tun kúni nduva xiin, ta sïndiꞌi xaꞌa ra na. Ni na íin tá íin iꞌva tima kána iꞌma nuu nu ya xa kúni ndaꞌva nu, ta sïndiꞌi xaꞌa ra na. Saa ikan ra ya vaꞌa, ya ndaa ndakua kundee ra nuu ndiꞌi ya väꞌa.

San Mateo 22:46

Saa ta nda iin nda köo ndíkuchiñu ndikuiin nda yuꞌu ra, nda kivi saa ta köo ndi̱keꞌe ka ñaꞌa nda, ya ndakan tuꞌun nda ra.

San Lucas 20:40

Ta saa xi̱kuiin nda, köo ndi̱keꞌe ka ñaꞌa nda.

ROMANOS 7:9

Tá täꞌan kundaa ini i ley ya xáꞌnda chiñu Ndioxi, ta köo ndíkundaa ini i ya íyo kuachi i nuu ra, nda kivi tá ku̱ndaa ini i xaꞌa ley ra, nda kivi saa kú ya xa̱á kútoo i ikan i ya väꞌa nuu ra. Ta xaꞌa kuachi i yóꞌó ku ya ndu̱u i tá káa iin ra xa ndi̱xiꞌi saa ndu̱u i nuu Ndioxi, ta kuachi i ta ndu̱ndee va ya nuu i.

Gálatas 2:19

Saa chi yeꞌe, ta tá káa ra xa ndi̱xiꞌi va saa káa i nuu ley ya ta̱a ra Moisés. Suvi mií ley ikán kua xa̱ꞌni yeꞌe tá kivi ndi̱xiꞌi i nuu ya, ta saa kua ndi̱taku i ya xaa súvi i ya kúni mií Ndioxi.

Colosenses 4:6

Tá káꞌan ndo xiꞌin na, ta vivií ndi̱tuꞌun ndo xiꞌin na, nda tá kuꞌva yasin ñaꞌa xíxi yo ya kuakee iín xiꞌin, kuꞌva saa yasin ndituꞌun ndo xiꞌin na. Saa kua vaꞌa kuchiñu ndo ndikuiin ndo yuꞌu na tá ndákan tuꞌun na ndóꞌo̱ ndá ka ñaꞌa.