San Marcos 12:10 - Xochapa Mixteco

¹⁰ Saa ndi̱kaꞌan ka Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi ya káchi saa?: Yu̱ú ya ku̱ndasi nda síkuaꞌa veꞌe, ku yu̱ú ya ndee ni ndee, ta ya ikán kua xíniñuꞌu ni ka.

San Marcos 12:10 ပူးပေါင်းရင်းမြစ်များ

San Mateo 12:3

Saa ndi̱kuiin Jesús, káchi ra saa: ―¿Án täꞌan kaꞌvi ndo nuu tuꞌun Ndioxi, nuu káꞌan ya xaꞌa xii yo ra rey David unkua i̱kan ra tá kivi ndi̱kaꞌun ini ra xiꞌin nda taꞌan ra?

San Mateo 19:4

Saa ndi̱kuiin Jesús káchi ra saa: ―¿Án täꞌan kaꞌvi ndo unkua káꞌan tuꞌun Ndioxi tá kivi si̱kuaꞌa ra ñuu ivi yóꞌó? Chi kivi tá “si̱kuaꞌa Ndioxi ñuu ivi yóꞌó, ta si̱kuaꞌa ra iin taa xiꞌin iin ñaꞌa”.

San Mateo 21:16

Saa ndi̱kaꞌan nda naꞌnu nuu sutu xiꞌin Jesús, káchi nda: ―¿Án xíni soꞌo un unkua káꞌan na vali yóꞌó? káchi nda. Saa ndi̱kuiin Jesús, káꞌan ra: ―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya? “Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.

San Mateo 21:42

Saa ndi̱kaꞌan Jesús xiꞌin na, káchi ra saa: ―¿Án täꞌan kaꞌvi ndo tuꞌun Ndioxi? ya káchi saa: “Yu̱ú ya ku̱ndasi nda síkuaꞌa veꞌe, ya yóꞌó ku ya xíniñuꞌu ni ka ndikaa xaꞌa veꞌe. Soꞌva i̱kan Ndioxi. Ndioxi ku ra i̱kan ya yóꞌó, ta ndi̱kanda ni ini yo xiꞌin ya yóꞌó”, káchi ya ta̱a na xinaꞌa, káchi Ndioxi.

San Mateo 22:31

Ta ya káꞌan tu ndóꞌo̱ án ndixa kua ndítaku na xa ndi̱xiꞌi, káchi ndo, ta nuu mií ley Ndioxi ya si̱ndoo ra Moisés ndaꞌa yo kua sínaꞌa yoo. ¿Ta án täꞌan kaꞌvi ndo ya ndi̱kaꞌan Ndioxi xaꞌa ya yóꞌó, tá ndi̱kaꞌan ra káchi ra soꞌva?

San Marcos 12:26

Ta saa tu ya káꞌan ndo ya ndïtaku na ndíi va, ¿án täꞌan kundaa ini ndo xiꞌin ya ta̱a ra Moisés xinaꞌa tá ndi̱kaꞌan Ndioxi xiꞌin ra nuu xíxi itun iñu? káchi ra saa: “Yeꞌe ku Ndioxi ra káñuꞌu ra Abraham xiꞌin ra Isaac tin ra Jacob” káchi Ndioxi.

San Marcos 12:9

Saa ndi̱kaꞌan ra xiꞌin na, káchi ra saa: ―¿Unkua ikan ra ta̱xi too ñuꞌú xiꞌin nda ndu̱ku too ya nuu ra, káchi ndóꞌo̱? Yeꞌe káchi saa, tá ná ndiko koo ra ta kaꞌni ra nda ikán, saa taxi too ra ñuꞌú ra ndaꞌa inka naꞌa ―káchi Jesús xiꞌin na.

San Marcos 13:14

’Ta ndóꞌo̱ tá xi̱ni ndo ya väꞌa, ya kini ya síndiꞌi xaꞌa ya i̱í, taꞌan ñaꞌa ya ndi̱kaꞌan ra Daniel xaꞌa, ra ndi̱kaꞌan ndoso tuꞌun yuꞌu Ndioxi, tá xi̱ni ndo ya ikán íyo ya ini veꞌe ñuꞌu kaꞌnu nuu köo xíniñuꞌu ya koo ya, ta vaꞌa ka kana koo ndóꞌo̱ ndóo estado Judea yóꞌó, kee ndo kunu ndo kuꞌun ndo iku, (ta ndóꞌo̱ káꞌvi ya yóꞌó ta ná kundaa ini ndo xiꞌin ya káꞌvi ndo).

San Marcos 2:25

Saa ndi̱kuiin ra, káꞌan ra xiꞌin nda, káchi ra saa: ―¿Án köo kúndaa ini ndo unkua káꞌan tuꞌun Ndioxi xaꞌa ya i̱kan ra rey David, tá kivi ndi̱kaꞌun un ini ra xiꞌin nda taꞌan ra?

San Lucas 6:3

Saa ndi̱kuiin Jesús ndi̱kaꞌan ra xiꞌin nda, káchi ra saa: ―¿Án täꞌan kaꞌvi ndo unkua i̱kan ra David tá ndi̱kaꞌun ini ra xiꞌin nda taꞌan ra?

ROMANOS 9:33

Tuꞌun Ndioxi ya ta̱a na xinaꞌa, káchi ya saa: Koto ndo chi tiꞌvi i iin taa xaa ra ñuu Jerusalén. Tá íyo yu̱ú ya kákiꞌi xaꞌa naꞌa, saa koo ra. Ta na kóyo nuu yu̱ú ikán, ta ndee ni tixuꞌvi na. Sundi naꞌa na kándixa ra ta ndïko koo ini na xaꞌa ya kándixa na ra, káchi Ndioxi xaꞌa ra.