San Marcos 11:31 - Xochapa Mixteco

³¹ Saa xa̱á nda káꞌan xiꞌin taꞌan nda, káchi nda saa: ―Tá tu ná kaꞌan yo xiꞌin ra: “Ndioxi ta̱xi ichí ndaꞌa ra Juan”, kachi yo, ta kaꞌan ra xiꞌin yo: ‘‘Ta ¿ndachu köo ndi̱kandixa ndo ra, tá Ndioxi ta̱xi ichí ndaꞌa ra?’’, kachi ra xiꞌin yo.

San Marcos 11:31 ပူးပေါင်းရင်းမြစ်များ

San Mateo 16:7

Saa xa̱á nda káꞌan xiꞌin taꞌan mií nda, káchi nda saa: ―Án sana xaꞌa ya köo xíta vaꞌa ndíso yo yakan káꞌan ra saa ―káchi nda.

San Marcos 11:30

Kaꞌan ndo xiꞌin i: Ra Juan, ra si̱kuchi naꞌa, ¿ta unku na ta̱xi ichí ndaꞌa ra si̱kuchi ra naꞌa? ¿Án Ndioxi ta̱xi ichí ndaꞌa ra, án na ñuu ivi yóꞌó ta̱xi ya ndaꞌa ra? Ndikuiin ndo kaꞌan ndo xiꞌin i ―káchi Jesús xiꞌin nda.

San Marcos 11:32

¿Án vaꞌa ka ná kaꞌan yo, na ñuu ivi yóꞌó ta̱xi ichí ndaꞌa ra, kachi yo? ―káchi nda. Ta köo ndi̱kuiin nda saa xaꞌa ya íꞌvi nda nuu na ñuu, chi kándixa ni na ra Juan, ra ndaa ni ndi̱kaꞌan ndoso tuꞌun Ndioxi ku ra, káchi na.

San Juan 1:15

Ta ra Juan ku ra ndíkuiin xaꞌa ra ikán, chi ra ikán ku taa, ra kúu tuꞌun Ndioxi. Ndee ni ndi̱kaꞌan ra Juan káchi ra saa: ―Ra yóꞌó ku taa ra ndi̱kaꞌan i xaꞌa xiꞌin ndo yachi, ka̱chi i saa: Ra vaxi sata i, ta chee ni ka ra ikán nuu i chi xa yachi vi íyo ra ―káchi ra Juan.

San Juan 1:29

Ta ndi̱tuvi inka kivi saa xi̱ni ra Juan Jesús vaxi ra nuu ra, saa ndi̱kaꞌan ra xiꞌin naꞌa, káchi ra saa: ―¡Koto ndo vii! Ra káa ku ra síniꞌi Ndioxi kuvi ra xaꞌa kuachi yo ñuu ivi. Tá íyo levo síniꞌi naꞌa nuu Ndioxi ya síndiꞌi xaꞌa ra kuachi na, ta saa íyo ra káa.

San Juan 1:34

Ta yeꞌe xa xi̱ni va i ra, ndíkuiin i káꞌan i xaꞌa ra xiꞌin ndo, ra yóꞌó ku Seꞌe Ndioxi ―káchi ra Juan.

San Juan 1:36

Ta xi̱ni ra ndi̱yaꞌa Jesús kuaꞌan ra, saa ndi̱kaꞌan ra xiꞌin nda ítaꞌan xiꞌin ra, káchi ra saa: ―Koto ndo ra kuaꞌan káa, tá káa levo loꞌo saa káa ra, chi ra kaá ku ra si̱niꞌi Ndioxi xaꞌa kuachi yo ivi yóꞌó ―káchi ra Juan xiꞌin nda.