San Marcos 11:20 - Xochapa Mixteco

²⁰ Ndi̱tuvi naꞌa inka kivi, ndi̱yaꞌa tuku Jesús xiꞌin nda ítaꞌan xiꞌin ra nuu ndíchi itun higo, ta saa xi̱ni nda ndi̱ndichi nda tioꞌo nu.

San Marcos 11:20 ပူးပေါင်းရင်းမြစ်များ

San Mateo 13:6

Tá ke̱ta ñu̱ꞌu̱ ta ndi̱ndichi ya, xaꞌa ya köo kunu ñúꞌu tioꞌo ya.

San Mateo 15:13

Saa ndi̱kuiin ra ndi̱kaꞌan ra xiꞌin nda, káchi ra: Ndiꞌi itun kuiꞌi, itun köo ndi̱chiꞌi Iva i Ndioxi ra íyo nuu ndivi, ta tuꞌun ndiꞌi ra nu, nda tioꞌo nu tava ra.

San Mateo 21:18

Ta inka kivi naꞌa ni ndi̱ko koo tuku Jesús kuaꞌan ra ñuu Jerusalén, tá kuaꞌan ra ichí ñaa xa̱á káꞌun ni ini ra kúni kuxi ra.

San Marcos 11:12

Ndi̱tuvi inka kivi saa ka̱na koo nda ñuu Betania kuaꞌan nda, ta xa̱á kúni kuxi Jesús.

San Marcos 11:14

Ta saa ndi̱kaꞌan ra xiꞌin nu, káchi ra saa: ―Nda iin ka kivi käxi naꞌa kuiꞌi ndaꞌa un ―káchi ra xiꞌin nu. Saa xi̱ni soꞌo nda ítaꞌan xiꞌin ra ya ndi̱kaꞌan ra xiꞌin itun higo ikán.

San Juan 15:6

Tá ndá na köo ítaꞌan tuun xiꞌin i, ta kundoꞌo na tá kuꞌva ndóꞌo teꞌe ndaꞌa nu íchi ya, ta saa ndíkuiso na ya xáta na nuu xíxi ñu̱ꞌu̱, ta ndee ni xíxi ya.

HEBREOS 6:8

Ta naꞌa, na ndíko koo ini xaꞌa ra, tá íin ñuꞌú iyá nuu kána nina itun iñu án iku väꞌa saa íin na. Ta ìyo ni tavi chiꞌña Ndioxi ñuꞌú ikán saa sindiꞌi xaꞌa yaa ra ya, kaꞌmi ndiꞌi ra ya. Tá ndóꞌo ñuꞌú ikán, saa kundoꞌo ndiꞌi naꞌa, na köo xíin ka kandixa ra.

Judas 1:12

Ta nda vata káꞌan yo xaꞌa yóꞌó ta nda síndiꞌi xaꞌa va ku nda vikó ya táva ndo nuu ndíkaꞌán ini ndo xaꞌa Tata yo Jesucristo, chi tá xáa nda nuu ndóo ndo ta ndee ni xíxi nda tin xíꞌi nda ndakua xáa ini nda, ndisaa xaꞌa mií va nda ndee ni ndíꞌi ini nda, ta ni köo xáa toꞌo nda Ndioxi. Tá íin nda paxto ndáa kiti sana nda, ta ndisaa xaꞌa mií va nda ndíꞌi ni ini nda kuxi nda, saa íin nda ñaa. Saa íin tu nda tá íyo vi̱kó ya köo savi ndíso, ya síndiꞌi xaꞌa tachi. Saa íin tu nda tá íin itun kuiꞌi xa xíniñuꞌu kuun kuiꞌi ndaꞌa, ta ni köo kuiꞌi kúun ndaꞌa nu. Tá íin itun ta̱va vaꞌa naꞌa tioꞌo saa íin nda. Xa ndi̱ꞌi vaꞌa xaꞌa nda.