San Marcos 11:18 - Xochapa Mixteco

¹⁸ Saa tá xi̱ni soꞌo nda naꞌnu nuu sutu xiꞌin nda sínaꞌa ley ya ta̱a ra Moisés, ta ñaa xa̱á ndíkani ini nda ndá kuꞌva koo kaꞌni nda Jesús, saa chi xa̱á nda íꞌvi nda xaꞌa ya kuaꞌa ni naꞌa xa̱á xínu ini xaꞌa ya sínaꞌa ra.

San Marcos 11:18 ပူးပေါင်းရင်းမြစ်များ

San Mateo 21:15

Saa ndi̱saa ni nda naꞌnu nuu sutu xiꞌin nda sínaꞌa ley Ndioxi tá xi̱ni nda yatuꞌun i̱kan Jesús, xiꞌin ya xi̱ni soꞌo nda ndee ni ndi̱kaꞌan na vali ndíta keꞌe veꞌe ñuꞌu kaꞌnu, káchi na: ―¡Hosanna! ¡Ná xaa kaꞌnu yo Ndioxi xaꞌa seꞌe ra David yóꞌó! ―káchi na.

San Mateo 7:28

Tá sindiꞌi ndi̱kaꞌan Jesús xiꞌin na, ta ndi̱kanda ni ini na xi̱ni soꞌo na tuꞌun ya sínaꞌa ra.

San Marcos 1:22

Ta ndi̱kanda ni ini naꞌa xíni soꞌo na ya káꞌan ra, chi káꞌan ra tá káꞌan iin ra kúu mií chiñu ndee ni, ta köo káꞌan ra tá kuꞌva káꞌan nda maestro nda sínaꞌa ley ya ta̱a ra Moisés.

San Marcos 11:32

¿Án vaꞌa ka ná kaꞌan yo, na ñuu ivi yóꞌó ta̱xi ichí ndaꞌa ra, kachi yo? ―káchi nda. Ta köo ndi̱kuiin nda saa xaꞌa ya íꞌvi nda nuu na ñuu, chi kándixa ni na ra Juan, ra ndaa ni ndi̱kaꞌan ndoso tuꞌun Ndioxi ku ra, káchi na.

San Marcos 12:12

Saa ku̱ni nda xikuaꞌa veꞌe ñuꞌu tiin nda Jesús kuꞌun ra xiꞌin nda veꞌe kàà, saa chi ku̱ndaa ini nda xaꞌa mií nda ndi̱kaꞌan tuꞌun ndíchi ikán. Ta xaꞌa ya íꞌvi nda nuu naꞌa ta köo ya ndi̱kan nda xiꞌin ra, saa si̱ndoo nda ra ta ndi̱kiꞌin nda kuaꞌan nda.

San Marcos 3:6

Saa tá ka̱na koo nda fariseo ini veꞌe ñuꞌu ikán, ta xa̱á nda chítaꞌan tuꞌun nda xiꞌin nda partido ra Herodes ya kaꞌni nda Jesús.

San Marcos 6:20

saa chi íꞌvi ni ra Herodes xíni ñaꞌa ra xaꞌa ya xíni ra kúu ra iin taa ra vaꞌa, ra i̱í. Xaꞌa ya ikán kua köo ndi̱taxi ra kundivaꞌa ra. Ta saa ni, ndíꞌi ni ini ra xíni ra ya ndi̱kaꞌan ra Juan xiꞌin ra. Vani ndíꞌi ni ini ra xiꞌin tuꞌun ikán saa ni kútoo ni ra xíni soꞌo ra ya káꞌan ra Juan.

San Lucas 19:47

Ndiꞌi saa kivi ndi̱xika ra sínaꞌa ra ini veꞌe ñuꞌu ikán. Ta nda ínuu nuu ndiꞌi sutu xiꞌin na xikuaꞌa tin nda sínaꞌa ya ta̱a ra Moisés mi ñuu ikán, ndúku nda kuꞌva kaꞌni nda ra.

San Lucas 2:47

Ta ndiꞌi nda ndi̱kanda ni ini xaꞌa ya káꞌan ra, saa chi xíni ni ra ta vaꞌa ni ndíkuiin ra yuꞌu nda maestro ikán.

San Lucas 20:19

Ñaa xi̱ni soꞌo nda naꞌnu nuu sutu ikán xiꞌin nda sínaꞌa ley ya ta̱a ra Moisés ya ndi̱kaꞌan Jesús, ta ndikun ku̱ni nda tiin ñaꞌa nda, chi ku̱ndaa ini nda xaꞌa mií nda kua ndi̱kaꞌan tuꞌun ndíchi ikán. Sundi köo ndi̱kuchiñu nda tiin nda ra, saa chi íꞌvi nda nuu na ñuu.

San Lucas 4:22

Ta ndiꞌi na xi̱ni soꞌo ya ndi̱kaꞌan ra vaꞌa ka vi káꞌan na xaꞌa ra. Saa ndi̱kanda ni ini na ndóo na, chi vaꞌa ni káꞌan ra. Ñaa ndi̱ndakan tuꞌun taꞌan na, káchi na saa: ―¿Án süvi seꞌe ra José ku ra yóꞌó? Ta ¿ndachu vaꞌa xíni ni ra? ―káchi na.

San Juan 7:1

Tá ndiꞌi ndi̱yaꞌa tiempo, saa xa̱á xíka Jesús ñuu ya ñúꞌu estado Galilea, ta xïin ka ra kaka ra estado Judea chi nda naꞌnu nuu na judío ta ndúku nda kaꞌni ñaꞌa nda.

San Juan 7:19

’¿Án süvi ya ndaa kua si̱ndoo ra Moisés ley Ndioxi ndaꞌa ndo?, ta nda iin ndo köo xáa súvi ya káꞌan ya. ¿Ndachu kúni ndo kaꞌni ndo yeꞌe? ―káchi Jesús xiꞌin nda.

San Juan 7:46

Saa ndi̱kuiin na ikán káꞌan na, káchi na saa: ―Nda iin naꞌa köo káꞌan tá kuꞌva káꞌan ra ikán ―káchi na.

Los Hechos 24:25

Saa ndi̱xaꞌan ra Pablo ndi̱tuꞌun ra xiꞌin na, ndi̱kaꞌan ra ya xíniñuꞌu naꞌa ikan na ya ndaa, ta saa xíniñuꞌu na ndixita na mií na nuu ya väꞌa, chi vaxi kivi ta taxi Ndioxi kuachi xaꞌa ndiꞌi na íkan ya väꞌa, káchi ra. Saa ndi̱ndiꞌvi ni ra Felix ikán saa ndi̱kaꞌan ra xiꞌin ra Pablo káchi ra saa: Vaꞌa kuaꞌan, tá ná kunaꞌa i saa kana i yóꞌo̱ kixi un ndituꞌun ka un xiꞌin i ―káchi ra xiꞌin ra Pablo.