Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




San Marcos 10:47 - Xochapa Mixteco

47 Ñaa tá xi̱ni soꞌo ra yáꞌa Jesús ra ke̱e ñuu Nazaret kuaꞌan ra, saa xa̱á ra kána koꞌo ra, káchi ra saa: ―¡Jesús, seꞌe ra David, kundaꞌvi ini un kuni un yeꞌe, ndaꞌvi ni i! ―káchi ra.

အခန်းကိုကြည့်ပါ။ ကော်ပီ




San Marcos 10:47
24 ပူးပေါင်းရင်းမြစ်များ  

Ya yóꞌó ku tutu nuu vaxi kivi na xi̱kuu xii sikua Jesucristo ra kúu seꞌe sikua ra David, ta ra David ku ra xi̱kuu seꞌe sikua ra Abraham xinaꞌa.


Ta iin ndi̱kanda ini naꞌa xiꞌin Jesús, saa káꞌan na, káchi na saa: ―¿Án seꞌe ñani sikua ra David, ra ndátun yo ti̱ꞌvi Ndioxi kixi ku ra yóꞌó? ―káchi na.


Ta iin ñaꞌa yá kúu seꞌe sikua na Canaán, süvi yá judío ku yá, ta vitin íyo yá inka ñaꞌñu náni Sirofenicia yati ñuu Tiro xiꞌin Sidón. Saa ndi̱xaa yá nuu Jesús ndee ni ndee ndi̱kaꞌan yá xiꞌin ra, káchi yá saa: ―¡Tata, seꞌe sikua ra David! ¡Kundaꞌvi ini un kuni un yeꞌe, ta chindee un yeꞌe xiꞌin seꞌe i! Ndee ni ndee ndóꞌó seꞌe síꞌi loꞌo i, tachi nduvaꞌa ki̱ꞌin yá ―káchi yá xiꞌin ra.


Tá ndi̱xaa ra ikán ta ndi̱kiꞌin ra kuaꞌan ra koo ra ñuu Nazaret ya ndíkaa estado Galilea, saa ndi̱xinu tuꞌun ya ta̱a nda ndi̱kaꞌan ndoso tuꞌun yuꞌu Ndioxi xinaꞌa, ka̱chi nda saa: “Ra tiꞌvi Ndioxi sikaku na ñuu ivi ta ra ñuu Nazaret ku ra”, káchi tuꞌun Ndioxi ya ta̱a na xinaꞌa.


Ta ndóo uvi nda kuáa̱ yuꞌu ichí ikán, saa xi̱ni soꞌo nda yáꞌa Jesús kuaꞌan ra, ta ndee ni ndee ndi̱kaꞌan nda ikán, káchi nda: ―¡Tata, Seꞌe ra David, kundaꞌvi ini un kuni un ndeꞌe! ―káchi nda xiꞌin Jesús.


Saa ndi̱kuiin na kuaꞌan xiꞌin Jesús, káꞌan na: ―Jesús, ra profeta ku ra, ra ke̱e ñuu Nazaret estado Galilea ku ra ―káchi na.


Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa: ―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.


Saa ke̱ta ra keꞌe yeꞌe ikán, ta xi̱ni inka yá xáa chiñu veꞌe sutu ra, saa ndi̱kaꞌan yá xiꞌin na ndóo ikán, káchi yá saa: ―Ra ítaꞌan xiꞌin Jesús, ra ke̱e ñuu Nazaret ku tu ra yóꞌó va ―káchi yá xiꞌin na.


Saa ke̱e Jesús kuaꞌan ra, ta ndi̱kundikun uvi nda kuáa̱ kuaꞌan nda sata ra, ndáꞌi koꞌo nda, káchi nda saa: ―Tata, seꞌe ra David, kundaꞌvi ini un kuni un ndeꞌe ―káchi nda.


―Yóꞌo̱ ku Jesús, ra ñuu Nazaret, ta ¿ndachu kuakiꞌvi un xiꞌin nde? ¿Án vaxi un sindiꞌi xaꞌa un ndeꞌe? Chi yeꞌe ta xíni vaꞌa i yóꞌo̱, yóꞌo̱ ku ra i̱í, ra ke̱e nuu Ndioxi ―káchi ya xiꞌin ra.


Saa ndi̱ko koo Jesús ndi̱xaa ra ñuu Nazaret nuu xa̱ꞌnu ra. Ta ke̱e ra kuaꞌan ra veꞌe ñuꞌu kivi i̱í ndíkundee na, saa chi saa ini ra. Tá ndi̱xaa ra ini veꞌe ñuꞌu sinagoga ikán, ta ndi̱kundichi ra kaꞌvi ra tuꞌun Ndioxi.


Saa ndi̱kuiin ra Natanael káꞌan ra: ―¿Án ñuu Nazaret, káchi un? ¿Án vaꞌa ta kana iin taa, ra vaꞌa, ñuu Nazaret? ―káchi ra. Saa ndi̱kaꞌan ra Felipe xiꞌin ra, káchi ra saa: ―Naꞌa, kuni un ―káchi ra xiꞌin ra.


Saa xa̱ꞌnda chiñu ra Pilato ya chinuu na iin vitun xiní cruzin nuu ínuu Jesús. Ta xa̱ꞌnda ra chiñu ya ná ta̱a na letra nuu nu kachi ya saa: “Jesús ra ke̱e ñuu Nazaret, ra ku rey na judío ku ra yóꞌó”, káchi ya.


Ta sava na káꞌan: ―Cristo ra ti̱ꞌvi Ndioxi vaxi ku ra ―káchi na. Ta sava tuku na káꞌan: ―Süvi Cristo ku ra, köo xíni yo kixi iin ra chee, ra kúu Cristo chí estado Galilea.


Saa ndi̱kuiin nda káꞌan nda: ―¿Án taꞌan ra ikán ku tu yóꞌo̱ va? Xíniñuꞌu un kaꞌvi vaꞌa un tuꞌun Ndioxi saa kua kundaa ini un, chi nda iin na káꞌan ndoso tuꞌun yuꞌu Ndioxi, ta köo na kée nda iin ñuu ya ñúꞌu estado Galilea ―káchi nda xiꞌin ra.


Saa xi̱ni soꞌo tu nde káꞌan ra xaꞌa Jesús ra ñuu Nazaret, ya sindiꞌi ra xaꞌa veꞌe ñuꞌu yo ya kaꞌnu, ta ndinama ra ichí yo ya si̱ndoo xií yo ra Moisés ndaꞌa yo, káchi ra ―ka̱chi nda xiꞌin na chiñu ikán.


Saa ndi̱kaꞌan tuku Tata yo Jesucristo, káchi ra saa: ―Yeꞌe ku Jesús, ta xa ti̱ꞌvi i tatun i ya xáa chiñu nuu i xa̱a ya kaꞌan ya ndiꞌi tuꞌun yóꞌó xiꞌin un. Saa chi kúni i ndituꞌun un xiꞌin ndiꞌi na veꞌe ñuꞌu, xaꞌa ya káa yeꞌe tá káa “Tioꞌo itun”, chi kúu i seꞌe ñani sikua ra rey David, ta káa tu i tá káa “Kimi kiti ndíyeꞌe ni tá xa túvi naꞌa” ―káchi Tata yo Jesucristo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ