San Marcos 10:39 - Xochapa Mixteco

³⁹ Saa ndi̱kuiin nda káꞌan nda: ―Kuchiñu va nde ―káchi nda. Saa ndi̱kaꞌan ra xiꞌin nda, káchi ra saa: ―Ya ndaa kua ndoꞌo ni ndo tá kuꞌva ndoꞌo i,

San Marcos 10:39 ပူးပေါင်းရင်းမြစ်များ

San Mateo 10:25

Ta ra síkuaꞌa ta kuchiñu ra nduu ra tá kuꞌva káa maestro ra, ta ra moso kuchiñu ra nduu ra tá kuꞌva káa patrón ra. Ta saa ndóꞌo̱, tá kuꞌva ndóꞌo i saa ndoꞌo ndo, tá káꞌan na xiꞌin i saa kaꞌan na xiꞌin ndo, chi yeꞌe ta ndi̱kaꞌan na xaꞌa i ya náni i Beelzebú, ta ndisaa ka vi ndóꞌo̱ ndíkun sata i, kuaꞌa ni ya kaꞌan na xaꞌa ndo, xaꞌa ya ndíkun ndo yeꞌe ―káchi Jesús xiꞌin nda ítaꞌan xiꞌin ra.

San Mateo 3:6

Saa tá xi̱ni soꞌo na, ta xa̱á na náꞌma na kuachi na nuu ra. Ta síkuchi ra na ikán ini ita Jordán.

San Marcos 14:31

Ta ndee ni ndinuꞌu ini ra káꞌan tuku ra xiꞌin Jesús, káchi ra saa: ―Tata, vani nda kuvi i xaꞌa un, sundi ndïkuaa i yóꞌo̱ ―káchi ra. Tá ndi̱kaꞌan ra ikán, saa ndi̱kaꞌan ndiꞌi nda.

San Marcos 14:36

Saa káꞌan ra káchi ra saa: ―Tata iva i, nda iin ñaꞌa köo ndíchi nuu mií un. Tá tu kúni un ta täxi un yaꞌa i nuu tindoꞌo yóꞌó, sundi ïkan un ya kúni i, vaꞌa ikan un ya kúni mií un ―káchi ra.

San Juan 13:37

Saa ndi̱kaꞌan ra Pedro xiꞌin ra, káchi ra saa: ―Tata, ¿ndachu küvi kuꞌun i xiꞌin un vitin? Ta xa íyo tuꞌva i, vani nda kuvi i xaꞌa va un ―káchi ra xiꞌin Jesús.

San Juan 15:20

Ndikaꞌán ini ndo xaꞌa tuꞌun ya xa ndi̱kaꞌan i xiꞌin ndo: “Nda iin naꞌa, na kúu moso ta köo kaꞌnu ka na ikán nuu ra xáa chiñu na nuu.” Tá tu xáa nduvaꞌa na xiꞌin i, ta saa xaa nduvaꞌa tu na xiꞌin ndóꞌo̱ va. Tá tu xáa súvi na ya káꞌan i xiꞌin na, ta saa xaa súvi tu na ya káꞌan ndóꞌo̱ va xiꞌin na.

San Juan 17:14

Ta̱xi i tuꞌun un ndaꞌa na, yakan kua kúndasi nuu na ñuu ivi yóꞌó xíni ñaꞌa na, chi süvi kuenta na ñuu ivi yóꞌó ku na, ni mií i ta süvi kuenta na ñuu ivi ku i.

Los Hechos 12:2

Xa̱ꞌnda ra chiñu xa̱ꞌni na ra Jacobo ñani ra Juan xiꞌin i̱chi.

Colosenses 1:24

Ta yeꞌe, ta kúsini ni va i ya tíxuꞌvi i xaꞌa ndo vitin ñani yo xiꞌin kuꞌva yo na veꞌe ñuꞌu, chi xaꞌa ya tíxuꞌvi i saa kua síxinu ka i ya ti̱xuꞌvi ni Jesucristo xaꞌa ndóꞌo̱ kándixa ra, chi ikin kuñu ra ku ndo.

El Apocalipsis 1:9

Yeꞌe Juan ñani ndo ku i, saa chi iin káchi kándixa yo Tata yo Jesucristo, ta ndóꞌo̱ xiꞌin yeꞌe ndíkun yo ichí nuu xáꞌnda chiñu Ndioxi. Xaꞌa ya iin ku yo xiꞌin taꞌan yo, ta iin káchi tíxuꞌvi ndiꞌi yo xiꞌin taꞌan yo, saa táxi Ndioxi ndee ra ndaꞌa yo, ya kúndee ini yo xiꞌin ya tíxuꞌvi yo. Xaꞌa ya ndi̱kaꞌan ndoso i tuꞌun Ndioxi ya si̱naꞌa Tata yo Jesucristo yeꞌe, yakan ti̱in na chiñu yeꞌe ndi̱xaꞌan na ndi̱ndaka na yeꞌe iku loꞌo ya Patmos, ya ndíkaa maꞌñu nduta ñûꞌu xaꞌa ya síndoꞌo ni na ini i.