San Marcos 10:34 - Xochapa Mixteco

³⁴ Kuaku ndaa na yeꞌe, saa kani ni na yeꞌe xiꞌin ñii ya ñúꞌu kàà nuu, saa koꞌni ndaa na sii nuu i, ñaa kaꞌni na yeꞌe, sundi sindiꞌi tixin kivi uni nditaku i ―káchi ra xiꞌin nda.

San Marcos 10:34 ပူးပေါင်းရင်းမြစ်များ

San Mateo 16:21

Nda kivi saa xa̱á Jesús ndítuꞌun ra xiꞌin nda ítaꞌan xiꞌin ra, ya xíniñuꞌu kuꞌun ra ñuu Jerusalén. Ta ikán xaa nduvaꞌa ni na xikuaꞌa, xiꞌin nda ínuu nuu sutu tin nda maestro nda sínaꞌa ley Ndioxi, xaa nduvaꞌa ni nda xiꞌin ra. Saa kaꞌni nda ra, ta nditaku ra kivi uni.

San Mateo 26:67

Saa ko̱ꞌni ndaa nda sii nuu ra, ta ka̱ni ni ñaꞌa nda xiꞌin ikin ndaꞌa nda, ta saa káni ni nda xaꞌnda nuu ra.

San Mateo 27:63

Ndi̱kaꞌan nda xiꞌin ra, káchi nda saa: ―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni.

San Marcos 14:63

Saa xa̱ꞌnda sutu ra ínuu nuu ndiꞌi sutu toto ra, xaꞌa ya sínaꞌa ra mií ra nuu naꞌa ya ndixa ni ndi̱saa ra, saa ndi̱kaꞌan ra, káchi ra: ―Köo xíniñuꞌu ka yo naꞌa taxi na kuachi xaꞌa ra.

San Marcos 14:65

Saa xa̱á nda kóꞌni ndaa nda sii nuu ra, ta sava nda ndíkasi nuu ra, saa káni ni nda ikin nuu ra, saa káꞌan nda xiꞌin ra: ―Tá tu ndixa ra xíni ndiꞌi ñaꞌa ku un, ta kaꞌan unku nde ka̱ni yóꞌo̱ ―káchi nda xiꞌin ra. Saa ndi̱kiꞌin nda policía ra ta ndinuni loꞌo xákin nda xaꞌnda nuu ra.

San Marcos 9:31

Saa chi sínaꞌa ra nda ítaꞌan xiꞌin, káchi ra saa xiꞌin nda: ―Yeꞌe ku Taa ra xa̱a ñuu ivi yóꞌó, vaxi kivi ta nditaxi iin ra yeꞌe ndaꞌa na chiñu, ta na ikán ka̱ꞌni na yeꞌe, sundi tixin kivi uni ta nditaku tuku i ―káchi ra xiꞌin nda.

San Lucas 23:11

Saa xa̱á ra Herodes xiꞌin nda lapa kúsiki ndaa ñaꞌa nda. Saa si̱kundixi nda ra iin tikoto ya vaꞌa ni náꞌa ya xáku ndaa nda ra. Ñaa si̱ndiko koo tuku ra Herodes Jesús kuaꞌan ra nuu ra Pilato.

San Juan 1:17

Ta ley Ndioxi ta ndaꞌa xii sikua yo ra Moisés ta̱xi Ndioxi ya xa̱ꞌnda chiñu ya nuu yo. Sundi ya ndaa xiꞌin ya kúꞌvi ni ini Ndioxi xíni ra yoo ta tixin Jesucristo kua xa̱a ya nuu yo.

San Juan 2:10

ndi̱kaꞌan ra xiꞌin ra, káchi ra saa: ―Ndiꞌi naꞌa ta táxi na vino rá vaꞌa ni ndaꞌa na xáa nuu viko. Sindiꞌi tá xi̱ꞌi ni na ndi̱xini na, ta saa táva na nduta núú táxi na ndaꞌa na. Sundi yóꞌo̱ ta nda vitin chi̱vaꞌa un vino rá vaꞌa ni ―káchi ra xiꞌin ra.

1 Corintios 15:4

Ta si̱nduxin na ra, saa ndi̱taku ra kivi uni, tá kuꞌva káꞌan tuꞌun Ndioxi xaꞌa ra ya ta̱a na xinaꞌa, saa ndo̱ꞌo ra.