San Marcos 10:32 - Xochapa Mixteco

³² Ke̱e Jesús kuaꞌan ra xiꞌin nda ítaꞌan xiꞌin ra ichí ya kuaꞌan ñuu Jerusalén, saa ínuu ra nuu kuaꞌan ra, ta iin ndi̱kanda ini naꞌa kuaꞌan na xiꞌin ra, ta íꞌvi ka vi na kuaꞌan na. Saa ta̱va siin ra uxi uvi saa nda ítaꞌan xiꞌin ra, káꞌan ra xiꞌin nda unkua kundoꞌo ra kúvi ra, káchi ra saa:

San Marcos 10:32 ပူးပေါင်းရင်းမြစ်များ

San Mateo 11:25

Tiempo ikán ndi̱kaꞌan Jesús xiꞌin Ndioxi, káchi ra saa: ―Tata Iva yo, yóꞌo̱ ku ra chee nuu ndiꞌi na ñuu ivi yóꞌó xiꞌin nuu ndivi. Xáa kaꞌnu ni i yóꞌo̱ chi xa si̱naꞌa un na ndaꞌvi, na köo kúndaa ini, na íin tá íin na vali, ku̱ndaa ini na ya vaꞌa xaꞌa un. Ta ti̱seꞌe un ya vaꞌa yóꞌó nuu naꞌa, na ndíchi, na xíni ni.

San Mateo 13:11

Saa ndi̱kuiin ra káꞌan ra xiꞌin nda: ―Ndóꞌo̱, ta xa mií Ndioxi ku ra ta̱xi ichí ndaꞌa ndo ya kundaa ini ndo xaꞌa ichí nuu xáꞌnda chiñu ra, ya íyo sěꞌe. Sundi na ikán, ta köo ndítaxi ra ichí ndaꞌa na kundaa ini na.

San Marcos 1:27

Ta ndi̱kanda ka vi ini na xi̱ni ya ikán, ñaa xa̱á na ndákan tuꞌun taꞌan na, káchi na saa: ―¿Ndá ndee kua kúu mií ra yóꞌó kua? Xa síin va ku ya sínaꞌa ra, ndee ni va ndee kúu mií ra, chi nda tachi nduvaꞌa xíni soꞌo káꞌan ra ―káchi na xiꞌin taꞌan na.

San Marcos 4:34

Ta köo ndi̱sinaꞌa ra na xiꞌin inka nuu tuꞌun, nina xiꞌin tuꞌun ndíchi si̱naꞌa ra na. Ta ndiꞌi saa ichí ndi̱kani síín ra nuu nda ítaꞌan xiꞌin ra xaꞌa ya káꞌan tuꞌun ndíchi sínaꞌa ra.

San Lucas 10:23

Saa ndi̱ko koo ra ndi̱kaꞌan ra xiꞌin ndisaa mií nda ítaꞌan xiꞌin ra káchi ra saa: ―Vaꞌa ni kée na xíto ndiꞌi ñaꞌa íkan i taꞌan ya xíto ndóꞌo̱ íkan i.

San Lucas 19:28

Ñaa tá sindiꞌi Jesús ndi̱tuꞌun ra tuꞌun ndíchi ikán, saa xa̱á xíka tuku ra kuandaa ra kuaꞌan ra ñuu Jerusalén.

San Lucas 9:51

Ta xa kuaꞌan kúyati kivi ndiko koo Jesús kuꞌun ra nuu ndivi, ñaa chi̱kaa ini ra kuꞌun ra ñuu Jerusalén.

San Juan 11:16

Saa ndi̱kaꞌan ra náni Tomás, ta káꞌan tu na xiꞌin ra náni ra Dídimo va, ndi̱kaꞌan ra xiꞌin nda ítaꞌan xiꞌin ra, káchi ra saa: ―Ná koꞌo yo kuvi tu yoo va xiꞌin ra ―káchi ra.

San Juan 11:8

Saa ndi̱kaꞌan nda ítaꞌan xiꞌin ra, káchi nda saa: ―Tata Rabí, sikan ndi̱yaꞌa uvi ndaa kivi, tá ku̱ni na ñuu ikán kaꞌni na yóꞌo̱ xiꞌin yu̱ú ¿ta ndachu kúni tuku un ndi̱ko koo un? ―káchi nda xiꞌin ra.