San Marcos 10:30 - Xochapa Mixteco30 na yóꞌó ta kuaꞌa ni ka ya vaꞌa niꞌi na ñuu ivi yóꞌó, niꞌi siin na veꞌe na, xiꞌin kuꞌva na, án kuꞌvi na, án siꞌí na, án seꞌe na, án ñuꞌú na. Vani tixuꞌvi ni na ikan naꞌa, tá ná kuvi na ta vaꞌa ni kee na koo na xiꞌin Ndioxi. အခန်းကိုကြည့်ပါ။ |
Tá íin nde kúsuchi ni ini saa íin nde túvi na, ta süvi ya ndaa kua chi ndiꞌi saa va ichí kúsini ni nde. Tá íin ndeꞌe ndáꞌvi ni saa íin nde túvi na, ta süvi ya ndaa kua, chi ndiꞌi saa va ichí táxi nde ya kuika, ya vaꞌa vaxi nuu ndivi ndaꞌa kuaꞌa ni naꞌa. Tá íin ndeꞌe köo nda loꞌo ñaꞌa nuu, saa íin nde túvi na, ta süvi saa íyo ya chi íyo ndiꞌi va ñaꞌa táxi Ndioxi ndaꞌa nde.
Ta ndiꞌi ya vaꞌa ni ndi̱xiyo nuu i yachi, ta nda loꞌo ka köo ndáa yaꞌvi ya nuu i vitin xaꞌa ya xi̱ni taꞌan i xiꞌin Tata yo Jesucristo, ra Chee ni nuu yo. Xaꞌa ra yóꞌó kua si̱ndoo ndaꞌa ndiꞌi i ñaꞌa ya ndee ni vaꞌa xi̱ndaa yaꞌvi nuu i tá yachi, ta ni köo xaꞌa ka ya nuu i vitin, tá íyo taka va saa íyo ya nuu i chi ya ndee ni vaꞌa ka kua nduu i kuenta Jesucristo.
Ta nuu ndeꞌe ta ndee ni va vaꞌa kée nda ikán chi ndi̱xaꞌa ndee ni ini nda ya ndo̱ꞌo ni nda. Xa xi̱ni soꞌo mií ndo ndá kuꞌva ndo̱ꞌo ra Job, ndi̱xaꞌa ndee ni ini ra xiꞌin ya ndo̱ꞌo ni ra, yakan vaꞌa ni ndi̱niꞌi ra nuu Ndioxi tá sindiꞌi. Ndiꞌi ya yóꞌó sínaꞌa ya mií yo ya íyo tuꞌva Iva yo ya xaa kaꞌnu ini ra xaꞌa yo, chi kúndaꞌvi ni ini ra xíni ra yoo.
Xíni ndiꞌi i ya ndee ni ndóꞌo ini ndo, ta saa xíni i ya kúndaꞌvi ni ndo. Vani saa va, sundi ndóꞌo̱ ta tá íin ndo kuika ni va saa íin ndo. Saa ni xíni i ya káꞌan kini ni naꞌa xaꞌa ndo. Na ikán káꞌan na kúu na judío, ta süvi ya ndaa ku ya káꞌan na, chi na ikán ta na xáa kaꞌnu kiti nǎꞌa, kiti náni Satanás va ku na.
Yakan yeꞌe, ta káꞌan i xiꞌin ndo, vaꞌa sata ndo oro ya ndinuꞌu nuu i, oro ya xáꞌmi na xiꞌin ñu̱ꞌu̱ xíxi, ya ndúu ya oro nina. Taꞌan ya ikán kua íyo nuu i. Sata ndo ya nuu i, saa nduu ndo naꞌa, na ndixa ni kuika. Tá tu köo kúni ndo kukaꞌan ni nuu ndo xaꞌa ya chála ndo, ta sata ndo toto yaa ni nuu i kundixi ndo. Saa sata tu ndo tatan nuu i, kee nduchi nuu ndo ya ná ndikoto vaꞌa ndo.