San Marcos 10:27 - Xochapa Mixteco

²⁷ Saa ndi̱koto Jesús nuu nda, ta ndi̱kaꞌan ra xiꞌin nda, káchi ra saa: ―Yáꞌa ni va uꞌvi ya kaku na ñuu ivi yóꞌó nuu mií na, sundi nuu Ndioxi ta nda iin ya köo ndíchi, ndiꞌi ya kúchiñu ra íkan ra ―káchi ra xiꞌin nda.

San Marcos 10:27 ပူးပေါင်းရင်းမြစ်များ

San Mateo 19:26

Saa ndi̱koto Jesús nuu nda, ta ndi̱kaꞌan ra xiꞌin nda, káchi ra saa: ―Ñaꞌa ya uꞌvi ni nuu na ñuu ivi yóꞌó, ta nda loꞌo köo uꞌvi ya nuu Ndioxi ―káchi Jesús.

San Marcos 10:26

Saa tá xi̱ni soꞌo nda tuꞌun ikán ta ndi̱kanda vaꞌa ka ini nda, ñaa xa̱á ndákan tuꞌun taꞌan nda, káchi nda saa: ―Tá tu uꞌvi ni saa kiꞌvi na kuika koo na nuu xáꞌnda chiñu Ndioxi ta ¿unku na kuchiñu kaku, ta tu saa? ―káchi nda xiꞌin taꞌan nda.

San Lucas 1:37

Saa chi nda iin ya köo ndíchi nuu Ndioxi ―káchi tatun Ndioxi xiꞌin yá.

San Lucas 18:27

Ñaa ndi̱kuiin Jesús káꞌan ra: ―Íyo ñaꞌa ndíchi ni köo kúchiñu na ivi yóꞌó ikan na, sundi nuu Ndioxi ta nda iin ya köo ndíchi ―káchi ra.

Filipenses 3:21

Ta ndinama ra ikin kuñu yo ya vita ni kúu mií yo, saa nduu ya tá káa ikin kuñu mií ra, ya luvi ni. Ta xiꞌin ndee kúu mií ra ya xáꞌnda chiñu ra nuu ndiꞌi ñaꞌa kua ndisama ra yoo.

HEBREOS 11:19

Ta ra Abraham, ta xi̱ndaa ni ini ra xi̱ni ra Ndioxi ya kúu mií ra ndee ya sitaku ra na ndíi. Xaꞌa ya ikán kua ndi̱xiyo ndúvi ra ya soko ra seꞌe ra nuu Ndioxi, köo ndi̱xaꞌni ka ra seꞌe ra. Ta xaꞌa ya i̱kan ra saa tá íyo ra xa ndi̱xiꞌi ta ndi̱taku ra, saa ndi̱xiyo seꞌe ra, ra Isaac.

HEBREOS 7:25

Xaꞌa ya ikán kua vaꞌa síkaku ra yoo, yo kúyati nuu Ndioxi xaꞌa mií ra. Ta ndiꞌi saa ichí kutaku yo xiꞌin ra, saa chi ndiꞌi saa ichí táku mií ra, yakan vaꞌa káꞌan ra xaꞌa yo xiꞌin Ndioxi.