San Marcos 10:24 - Xochapa Mixteco

²⁴ Saa ndi̱kanda ini nda xaꞌa tuꞌun ya ndi̱kaꞌan ra xiꞌin nda. Ñaa ndi̱kaꞌan tuku ra xiꞌin nda, káchi ra saa: ―Seꞌe, ya ndaa ni káꞌan i xiꞌin ndo yaꞌa ni uꞌvi saa kiꞌvi na kuika koo na nuu xáꞌnda chiñu Ndioxi, chi ya kuika va kua ndíkaa ni nima xiꞌin.

San Marcos 10:24 ပူးပေါင်းရင်းမြစ်များ

San Mateo 19:25

Saa xi̱ni soꞌo nda ítaꞌan xiꞌin Jesús tuꞌun ndi̱kaꞌan ra, ta ndi̱kanda ni ini nda, saa ndi̱ndakan tuꞌun taꞌan nda, káchi nda saa: ―Tá tu uꞌvi ni saa kiꞌvi na kuika ichí Ndioxi, ta ¿unku na kuchiñu kiꞌvi ichí Ndioxi kundoo na xiꞌin ra, tá tu saa? ―káchi nda.

San Marcos 1:27

Ta ndi̱kanda ka vi ini na xi̱ni ya ikán, ñaa xa̱á na ndákan tuꞌun taꞌan na, káchi na saa: ―¿Ndá ndee kua kúu mií ra yóꞌó kua? Xa síin va ku ya sínaꞌa ra, ndee ni va ndee kúu mií ra, chi nda tachi nduvaꞌa xíni soꞌo káꞌan ra ―káchi na xiꞌin taꞌan na.

San Marcos 10:23

Saa ndi̱koto Jesús nuu ndiꞌi nda ítaꞌan xiꞌin ra, ta ndi̱kaꞌan ra xiꞌin nda, káchi ra saa: ―Yaꞌa ni uꞌvi saa kuchiñu na kuika kiꞌvi na koo na nuu xáꞌnda chuiñu Ndioxi ―káchi ra xiꞌin nda.

San Lucas 16:14

Saa tá xi̱ni soꞌo nda fariseo ya ndi̱kaꞌan ra, ta ndi̱xaku ndaa ñaꞌa nda. Chi kútoo ni nda ya kuika.

San Juan 13:33

Ta ndóꞌo̱, tá íyo seꞌe mií i saa íyo ndo. Ta xa siloꞌo ni kivi íyo i xiꞌin ndo. Ndinduku ni ndo yeꞌe, ta köo ka i. Tá íyo ya ndi̱kaꞌan i xiꞌin inka nda judío, saa íyo tu ya káꞌan i xiꞌin ndóꞌo̱ va: Nuu kuꞌun i ta küvi kuꞌun ndo ―káchi Jesús xiꞌin nda.

San Juan 21:5

Saa ndi̱kaꞌan ra xiꞌin nda, káchi ra saa: ―Ñani yo, ¿án xa ti̱in loꞌo ndo tiaka? ―káchi ra xiꞌin nda. Saa ndi̱kuiin nda káꞌan nda: ―Nda iin ri köo ndi̱tiin nde ―káchi nda.

San Juan 6:60

Tá xi̱ni soꞌo na ndíkun sata ra ya ndi̱kaꞌan ra, ta kuaꞌa ni na ikán ndi̱kaꞌan káchi na saa: ―Uꞌvi ni va ya káꞌan ra, ¿Unku na kuchiñu vi kandixa ya káꞌan ra? ―káchi na.

Gálatas 4:19

Ñani mani, nda tá íin seꞌe i saa íyo ndo nuu i, ta tuku va tíxuꞌvi ni i xaꞌa ndo. Nda tá kuꞌva ndóꞌo̱ iin ñaꞌa yá ndee ni xáꞌnda seꞌe, saa ndóꞌo̱ i xiꞌin ndo, nda ná xinu ndo koo ndo tá kuꞌva íyo mií Cristo.

1 Timoteo 6:17

Ta vaꞌa kaꞌan un xiꞌin nda ñani yo, nda kuika ni ñuu ivi yóꞌó, ya ná küu taa ni ini nda xiꞌin ya kuika kúu mií nda, ni ná chïkaa ni ini nda xiꞌin ya chi ya ndíꞌi xaꞌa va kua. Vaꞌa ka ná kandixa ni nda Ndioxi, saa chi mií ra ku ra táxi ndiꞌi ñaꞌa ya xíniñuꞌu ni yo ndaꞌa yo.

1 Juan 2:1

Ndóꞌo̱ ndíkun Jesucristo, tá íin seꞌe i saa íin ndo, yakan táa i tutu yóꞌó xaa ya nuu ndo ya ná ïkan ndo ya väꞌa. Sundi tá ndá ndóꞌo̱ ndíkava nuu kuachi ta vaꞌa ná kundaa ini ndo chi Tata yo Jesucristo ku ra ndaa ni ini, ta ra ikán ku ra ndíchi ndíkuiin xaꞌa yo nuu Iva yo Ndioxi.

1 Juan 4:4

Ñani yo, kuenta Ndioxi ku yo ta xa ku̱chiñu yo nuu na sáa ini xíni Tata yo, saa chi ndee ni ka Ndioxi ra íyo xiꞌin yo nuu tachi nduvaꞌa ya xáꞌnda chiñu nuu na ñuu ivi yóꞌó.

1 Juan 5:21

Ñani yo, ndóꞌo̱ ta tá íin seꞌe i saa íin ndo. Ta ya yóꞌó ku tuꞌun ya sindiꞌi káꞌan i xiꞌin ndo: Küyati ndo nuu naꞌna ya káꞌan na xiꞌin kúu ndioxi, kuxika ndo nuu ya.

El Apocalipsis 3:17

Káꞌan ndo kuika ni ndo, ta nda iin ñaꞌa köo kúmani nuu ndo káchi ndo. Sundi ndóꞌo̱, ta köo kíꞌin ndo kuenta ya ndixa ni ndaꞌvi ndo, nda loꞌo ñaꞌa köo nuu ndo, nda ya kuxi ndo köo, iin kúndaꞌvi chála ndo, tá íin na kuáa̱ küvi koto saa íin ndo, ta köo kíꞌin ndo kuenta.