San Marcos 10:19 - Xochapa Mixteco

¹⁹ Xa xíni mií un unkua káꞌan ley Ndioxi ya ta̱a ra Moisés xinaꞌa: ‘‘Käꞌni taꞌan ndo, ni xiꞌin inka ñaꞌa küsun ndo tá tu süvi yá síꞌi ndo ku yá, ni ñaꞌa na taꞌan ndo sïkuiꞌna ndo, ni chïkaa ndo kuachi siki nda iin naꞌa, ni sïndaꞌvi ndo na taꞌan ndo, kañuꞌu ndo iva ndo xiꞌin siꞌí ndo’’, káchi ley Ndioxi ya ta̱a ra Moisés xinaꞌa ―káchi Jesús xiꞌin ra.

San Marcos 10:19 ပူးပေါင်းရင်းမြစ်များ

San Marcos 10:18

Saa ndi̱kuiin Jesús, káꞌan ra xiꞌin ra, káchi ra saa: ―¿Ndachu káꞌan un xiꞌin i vaꞌa ni i? Köo na vaꞌa ni nuu Ndioxi, iindaa mituꞌun mií ra ku ra vaꞌa ni.

San Lucas 18:20

Xa xíni mií un unkua káꞌan ley Ndioxi ya ta̱a ra Moisés xinaꞌa: “Kïꞌvi ndo xiꞌin yá síꞌi inka taa ta käꞌni taꞌan ndo, sïkuiꞌna ndo ñaꞌa taꞌan ndo, ni käꞌan siki ndo xaꞌa inka na, ta xaa toꞌo ndo iva ndo xiꞌin siꞌí ndo”, soꞌva káchi ley Ndioxi ―káchi Jesús xiꞌin ra.

ROMANOS 13:9

Saa káchi ley Ndioxi, káchi ya saa: “Küvi kiꞌvi taa xiꞌin inka ñaꞌa, ni käꞌni un nda iin naꞌa, ni väꞌa sikuiꞌna un, ni küvi kutoo un ñaꞌa inka naꞌa, ni küvi kaꞌan siki un xaꞌa naꞌa”, káchi tuꞌun Ndioxi. Ta iin nuu káꞌan ya yóꞌó xiꞌin ya xa íyo inka ñaꞌñu nuu tuꞌun Ndioxi ya káchi saa: “Kuꞌvi ni ini un kuni un na taꞌan un, tá kuꞌva kúꞌvi ini un xíni un mií un”, káchi ya.

ROMANOS 3:20

Ta nda iin naꞌa küchiñu nduu na naꞌa, na vaꞌa nuu Ndioxi xaꞌa ya kúni na xaa súvi na ley ra. Saa chi ya xáa nduxa na kúni na sixinu na ley ra, ta ya kúndaa ini na xaꞌa íyo kuachi na nuu va ra ku ya.

Gálatas 4:21

Sava ndóꞌo̱ ñani yo, ta kúni tuku va ndo ndiko koo ndo xaa súvi ndo ley ya ta̱a ra Moisés ta ¿án köo xíni ndo unkua káꞌan ya?

Gálatas 5:14

Chi ley Ndioxi ya ta̱a ra Moisés, ta xiꞌin iin tuꞌun yóꞌó kua xáa súvi ndo ndiꞌi ya káꞌan ya, káchi ya saa: “Kuꞌvi ni ini ndo kuni taꞌan ndo, tá kuꞌva kúꞌvi ini ndo xíni ndo mií ndo”, káchi ya.

1 Tesalonicenses 4:6

Sïndaꞌvi taꞌan ndo käka sěꞌe ndo xiꞌin yá síꞌi ñani ndo, án xiꞌin i̱í kuꞌva ndo. Saa chi ndiꞌi na íkan saa ta sindoꞌo ni Ndioxi na. Tá íyo ya xa ndi̱kaꞌan ni nde xiꞌin ndo yachi, saa íyo ya.

Santiago 2:11

Saa chi mií Ndioxi ku ra xa̱ꞌnda chiñu ikán, káchi ra saa: “Küsun un xiꞌin iin ñaꞌa tá tu süvi yá síꞌi un ku yá”, káchi ra. Saa káꞌan ka Ndioxi káchi ra saa: “Käꞌni un naꞌa”, káchi ra. Xaꞌa ya ñaa kua ni köo kíxi iin taa xiꞌin inka ñaꞌa, sundi tá xáꞌni ra ndìì, ta yáꞌa ra nuu ley Ndioxi.