San Marcos 10:18 - Xochapa Mixteco

¹⁸ Saa ndi̱kuiin Jesús, káꞌan ra xiꞌin ra, káchi ra saa: ―¿Ndachu káꞌan un xiꞌin i vaꞌa ni i? Köo na vaꞌa ni nuu Ndioxi, iindaa mituꞌun mií ra ku ra vaꞌa ni.

San Marcos 10:18 ပူးပေါင်းရင်းမြစ်များ

San Mateo 19:17

Saa ndi̱kuiin Jesús, káchi ra saa: ―¿Ndachu káꞌan un kúu i iin taa ra vaꞌa ni? Saa chi köo naꞌa na vaꞌa ni, iindaa mituꞌun mií Ndioxi ku ra vaꞌa ni. Tá tu kúni un kutaku un xiꞌin ra ndiꞌi saa kivi ya vaxi, ta xíniñuꞌu un xaa súvi un ley Ndioxi ―káchi Jesús xiꞌin ra.

San Marcos 10:17

Xa kee tuku Jesús kuꞌun va ra kua, ta saa ndi̱xaa iin ra taa, xínu ra ndi̱xaa ra, si̱kusiti ra nuu ra, saa ndi̱ndakan tuꞌun ñaꞌa ra, káchi ra saa: ―Tata Maestro, vaꞌa ni taa kúu mií un, ta kaꞌan loꞌo un xiꞌin i unkua xíniñuꞌu i ikan i, ya kuchiñu kutaku i xiꞌin Ndioxi ndiꞌi saa kivi ―káchi ra.

San Marcos 10:19

Xa xíni mií un unkua káꞌan ley Ndioxi ya ta̱a ra Moisés xinaꞌa: ‘‘Käꞌni taꞌan ndo, ni xiꞌin inka ñaꞌa küsun ndo tá tu süvi yá síꞌi ndo ku yá, ni ñaꞌa na taꞌan ndo sïkuiꞌna ndo, ni chïkaa ndo kuachi siki nda iin naꞌa, ni sïndaꞌvi ndo na taꞌan ndo, kañuꞌu ndo iva ndo xiꞌin siꞌí ndo’’, káchi ley Ndioxi ya ta̱a ra Moisés xinaꞌa ―káchi Jesús xiꞌin ra.

San Lucas 18:19

Saa ndi̱kuiin Jesús káꞌan ra, káchi ra saa: ―¿Ndachu káꞌan un xiꞌin i “ra vaꞌa ni”, káchi un? Köo na vaꞌa ni, iindaa mituꞌun Ndioxi ku ra vaꞌa ni.

ROMANOS 3:12

Ndiꞌi na si̱ndikoo ichí vaꞌa, ta ndi̱kiꞌin na ku̱aꞌan na ichí väꞌa. Si̱tivi ndiꞌi na mií na, ta nda iin na köo íkan ya vaꞌa. Nda iin mituꞌun na köo íkan ya vaꞌa nuu Ndioxi.

Santiago 1:17

Chi ndiꞌi ñaꞌa ya vaꞌa xiꞌin ya ndaa níꞌi yo, ta chí ni̱nù vaxi ndiꞌi ya, nuu mií Iva yo ra si̱kuaꞌa kiti kimi xiꞌin ndiꞌi ñaꞌa ya íyo nuu ndivi ni̱nù nuu íyo ra, nuu yéꞌe̱ ndiꞌi saa kivi, ta köo ndínama nuu íyo ra, ni köo kúnaá, ta nuu mií ra kua vaxi ndiꞌi ya.

1 Juan 4:16

Xíni yo ndá kuꞌva íyo ini Ndioxi, ta kúndaa ini yo ya kúꞌvi ni ini ra xíni ra yoo. Saa chi Ndioxi ta mani ni yoo nuu ra. Ndiꞌi na kúꞌvi ini xíni taꞌan, ta ítaꞌan vaꞌa na xiꞌin Ndioxi, saa Ndioxi ítaꞌan vaꞌa ra xiꞌin na.

1 Juan 4:8

Na köo kúꞌvi ini xíni taꞌan, kúni kachi ya köo xíni na Ndioxi, saa chi Ndioxi ta kúꞌvi ni ini ra xíni ra ndiꞌi na.