San Marcos 10:17 - Xochapa Mixteco

¹⁷ Xa kee tuku Jesús kuꞌun va ra kua, ta saa ndi̱xaa iin ra taa, xínu ra ndi̱xaa ra, si̱kusiti ra nuu ra, saa ndi̱ndakan tuꞌun ñaꞌa ra, káchi ra saa: ―Tata Maestro, vaꞌa ni taa kúu mií un, ta kaꞌan loꞌo un xiꞌin i unkua xíniñuꞌu i ikan i, ya kuchiñu kutaku i xiꞌin Ndioxi ndiꞌi saa kivi ―káchi ra.

San Marcos 10:17 ပူးပေါင်းရင်းမြစ်များ

San Mateo 17:14

Tá ndi̱xaa nda nuu ndóo naꞌa, saa ku̱yati iin ra nuu Jesús. Ñaa si̱kusiti ra nuu ra, káchi ra saa:

San Mateo 25:34

Ta yeꞌe, ra kúu rey kaꞌan i xiꞌin na ndóo ñaꞌñu kuáꞌá i, kachi i saa: “Naꞌa ndo, ndóꞌo̱ ku ndo niꞌi ya vaꞌa nuu Iva i Ndioxi. Naꞌa ndo kiꞌvi ndo nuu xáꞌnda chiñu ra, ya xa íyo ndúvi xaꞌa ndo nda tá täꞌan xikoo xaꞌa ñuu ivi yóꞌó.

San Mateo 28:8

Ndi̱ndiꞌvi ni ná, sundi kúsini ka vi ná. Ñaa ka̱na koo ná ndee ka vi xínu ná kuaꞌan ná ndituꞌun ná xiꞌin nda xi̱taꞌan xiꞌin ra.

San Marcos 1:40

Saa ku̱u ndi̱xaa iin ra ndóꞌo kueꞌe taꞌi, náni lepra, ndi̱xaa ra si̱kusiti ra nuu Jesús, káchi ra saa: ―Tata, xíni i iindaa yóꞌo̱ ku ra kuchiñu sindaꞌa yeꞌe, ta köo xíni i án kúni un ikan loꞌo un ya vaꞌa xiꞌin i ―káchi ra xiꞌin Jesús.

San Marcos 10:18

Saa ndi̱kuiin Jesús, káꞌan ra xiꞌin ra, káchi ra saa: ―¿Ndachu káꞌan un xiꞌin i vaꞌa ni i? Köo na vaꞌa ni nuu Ndioxi, iindaa mituꞌun mií ra ku ra vaꞌa ni.

San Marcos 12:14

Saa ndi̱xaa nda ndi̱kaꞌan nda xiꞌin ra, káchi nda saa: ―Tata Maestro, xíni nde yóꞌo̱ ta nina ya ndaa káꞌan un, ta köo kíꞌin un kuenta xaꞌa ya káꞌan naꞌa xaꞌa ya sínaꞌa un, ta ni köo ndíkaxin un naꞌa, iin káchi káꞌan un xiꞌin ndiꞌi na. Ta ya ndixa ni kua káꞌan un, chi káꞌan un xiꞌin na ná ikan na ndisaa ya kúni Ndioxi. Ta kaꞌan un xiꞌin nde, ¿án xíniñuꞌu nde kakuꞌun nde xaꞌa xuꞌun ya kuaꞌan ndaꞌa ra rey César ra chiñu ñuu Roma án täxi nde ya? ¿Án vaꞌa chaꞌvi nde ya án chäꞌvi nde ya? ―káchi nda xiꞌin ra.

San Marcos 9:25

Ñaa xi̱ni Jesús xa̱á ndíkutu kuaꞌa ka naꞌa, saa ndi̱ndaꞌi ra nuu tachi nduvaꞌa ikán, káchi ra saa: ―Yóꞌo̱ tachi nduvaꞌa xa̱a soꞌo ra yóꞌó tin xa̱a meꞌme un ra, yeꞌe xáꞌnda chiñu nuu un, keta kuaꞌan un, ta saña un ra loꞌo yóꞌó, ndïko koo ka un tiin ñaꞌa un ―káchi ra xiꞌin ya.

San Lucas 10:25

Ta saa ke̱e iin ra sínaꞌa ley Ndioxi ya ta̱a ra Moisés, kuaꞌan ra koto ndoso ra Jesús, ndi̱ndakan tuꞌun ñaꞌa ra, káchi ra saa: ―Tata Maestro, kúni i ndakan tuꞌun i yóꞌo̱, ¿unkua vaꞌa ikan i ya kuchiñu i kutaku i xiꞌin Ndioxi ndiꞌi saa kivi ya vaxi? ―káchi ra xiꞌin ra.

San Juan 3:2

Ta iin ñûu ke̱e ra ndi̱xaꞌan ra nuu Jesús káꞌan ra xiꞌin ra, káchi ra saa: ―Rabí, xíni nde yóꞌo̱ ku Maestro ra ti̱ꞌvi Ndioxi vaxi sinaꞌa un ndeꞌe ñuu ivi yóꞌó, saa chi nda iin naꞌa ta küchiñu na ikan na taꞌan ya íkan un tá tu köo Ndioxi íyo xiꞌin na ―káchi ra xiꞌin Jesús.

San Juan 5:39

Tá káꞌvi ndo Tuꞌun Ndioxi ya ta̱a na xinaꞌa, ta vií ni káꞌvi ndo ya, chi ndíkani ini ndo nuu ya ikán kua nditaꞌan ndo ndá kuꞌva kutaku ndo koo ndo xiꞌin Ndioxi ndiꞌi saa kivi ya vaxi. Ta tuꞌun Ndioxi ikán kua káꞌan xaꞌa i.

San Juan 6:40

Ya chi̱tuni Iva i Ndioxi, ra ti̱ꞌvi yeꞌe vaxi i kua yóꞌó: ndiꞌi na xíni yeꞌe, ra kúu Seꞌe Ndioxi, ta kándixa na yeꞌe ta kuchiñu na kutaku na ndiꞌi saa kivi, ta ná sitaku i na kivi sindiꞌi ―káchi Jesús xiꞌin na.

Los Hechos 16:30

Saa ta̱va ra nda ta ndi̱ndakan tuꞌun ñaꞌa ra, káchi ra saa: ―Tata, kaꞌan ndo xiꞌin i unkua xíniñuꞌu i ikan i ya kuchiñu i kaku i ―káchi ra xiꞌin nda.

Los Hechos 2:37

Tá xi̱ni soꞌo nda ya ndi̱kaꞌan ra xiꞌin nda, saa ndi̱taꞌvi ni nima nda xa̱á kúsuchi ni ini nda. Ñaa ndi̱kaꞌan nda xiꞌin ra Pedro tin nda taꞌan ra, káchi nda saa: ―Ndóꞌo̱ nda taꞌan yo, ¿unkua ikan nde vitin? ―káchi nda.

Los Hechos 20:32

’Ta vitin káꞌan ni i xaꞌa ndo xiꞌin Ndioxi ya ná kundaa ni ra ndóꞌo̱, saa ná kundaa ni tu tuꞌun va ra ndóꞌo̱, chi ya vaꞌa ni ku ya, saa kúu mií ya ndee ya taxi ya ndundee ka ini ndo saa taxi ra ndiꞌi ya vaꞌa ndaꞌa ndo, ya chi̱tuni ra taxi ra ndaꞌa na kúu ñuu ra, na i̱í.

Los Hechos 9:6

Ñaa xa̱á kísi ya ra íꞌvi ka vi ra, saa ndi̱kuiin ra káꞌan ra: ―¿Unkua ikan i kúni un, Tata? ―káchi ra. Ta saa ndi̱kuiin Tata yo Jesús ndi̱kaꞌan ra xiꞌin ra, káchi ra saa: ―Kuandikoo, ta ná xaa un ñuu Damasco, ta ñaa kaꞌan na xiꞌin un unkua xíniñuꞌu un ikan un ―káchi Jesús xiꞌin ra.

ROMANOS 2:7

Ndiꞌi naꞌa, na i̱kan ya vaꞌa, ta saa ikan Ndioxi xiꞌin na. Na ikán ku naꞌa, na köo ndi̱xikuiin ikan ya vaꞌa. Saa chi ku̱ni na xaa kaꞌnu na ra, saa taxi na ya toꞌo chee ni ndaꞌa ra. Ta na ikán ku na niꞌi ichí koo na xiꞌin ra ndiꞌi saa kivi.

ROMANOS 6:23

Saa chi naꞌa, na íkan kuachi ta yaꞌvi na ya cháꞌvi kuachi na nuu na kua ndiꞌi xaꞌa na, kuvi na nuu Ndioxi. Sundi yoo ta si̱niꞌi Ndioxi ya vaꞌa nuu yo ya kutaku yo xiꞌin ra ndiꞌi saa kivi, ta nda iin ichí ndïꞌi xaꞌa yo, xaꞌa ya xa iin ndu̱u yo xiꞌin Tata yo Cristo Jesús.

Efesios 1:18

saa ná ndikuná ra ya xínituni ndo ya kuchiñu ndo kundaa ini ndo xaꞌa ñaꞌa ya vaꞌa luvi ni, ya xa xa̱a vií ra taxi ra ndaꞌa naꞌa, na ka̱na ra kundikun ñaꞌa. Ta saa kua vaꞌa niꞌi ni ndo ya vaꞌa, ya ki̱ndoo ra taxi ra ndaꞌa ndóꞌo̱, na ñuu ra, na i̱í.

Tito 3:7

Saa nda̱sa vaꞌa ra yoo, ndu̱u yo tá íin naꞌa, na köo ka kuachi kúu mií nuu ra, xaꞌa ya vaꞌa ni ra xiꞌin yo kua i̱kan ra saa xiꞌin yo. Ta saa kúsini ni yo chi kúndaa teꞌe ini yo ya niꞌi yo nuu taxi Ndioxi ndaꞌa yo koo yo xiꞌin ra ndiꞌi saa kivi ya vaxi.

HEBREOS 1:14

Ta na tatun Ndioxi ta xa síin va ku na, chi na ikán ta tachi va ku na xíka na chiñu nuu ra, tíꞌvi ra na kuaꞌan na chindee na naꞌa, na sikaku ra.

1 Pedro 1:4

ndikiꞌin yo iin ya vaꞌa ni, ya chi̱vaꞌa ra xaꞌa yo íyo ya nuu ndivi. Ta ya ikán ta nda iin kivi tïvi ya, ni küu yakua ya, nda iin kivi ndïꞌi xaꞌa ndee kúu mií ya.

1 Juan 2:25

Saa chi Tata yo Jesucristo ki̱ndoo ra taxi ra ya ndi̱kaꞌan ra taxi ra ndaꞌa yo, ta ya ikán kua yóꞌó: taxi ra koo yo xiꞌin ra ndiꞌi saa tiempo.