San Marcos 10:10 - Xochapa Mixteco

¹⁰ Saa tá ndi̱xaa nda veꞌe, saa ndi̱ndakan tuꞌun tuku ñaꞌa nda ítaꞌan xiꞌin ra suvi xaꞌa ya ikán.

San Marcos 10:10 ပူးပေါင်းရင်းမြစ်များ

San Marcos 10:11

Saa ndi̱kuiin Jesús káꞌan ra xiꞌin nda, káchi ra saa: ―Iin taa tá tu síndoo ra yá síꞌi ra xáꞌnda ra tutu xiꞌin yá, ta tíndaꞌa ra xiꞌin inka ñaꞌa, ta kuakiꞌvi ra kuachi nuu Ndioxi xaꞌa ya síndoo ra yá nu̱ú.

San Marcos 10:9

Xaꞌa ya chi̱nduꞌu Ndioxi ya yóꞌó, si̱kitaꞌan ra iin taa xiꞌin iin ñaꞌa, ta köo ichí ya taꞌvi ñaꞌa nda iin naꞌa ya ―káchi Jesús xiꞌin nda.

San Marcos 4:10

Sindiꞌi tá ndi̱ndoo mií Jesús xiꞌin na ndíta yati xiꞌin ra xiꞌin uxi uvi nda ítaꞌan tuun xiꞌin ra, ta saa ndi̱ndakan tuꞌun ndiꞌi na ra, ndi̱kaꞌan na xiꞌin ra, unkua kúni kachi tuꞌun ndíchi ya ndi̱kaꞌan ra xiꞌin na.

San Marcos 9:28

Sindiꞌi saa ndi̱kiꞌvi Jesús ini veꞌe xiꞌin nda ítaꞌan xiꞌin ra, saa ndi̱ndakan tuꞌun sěꞌe ñaꞌa nda, káchi nda saa: ―¿Ndachu köo ndi̱kuchiñu ndeꞌe tava nde tachi nduvaꞌa ikán? ―káchi nda xiꞌin ra.

San Marcos 9:33

Saa ndi̱xaa nda ñuu Capernaum. Tá ndi̱xaa nda veꞌe, saa ndi̱kaꞌan Jesús xiꞌin nda: ―¿Unkua kánitaꞌan ndo xaꞌa tá vaxi yo ichí? ―káchi ra xiꞌin nda.