San Marcos 1:41 - Xochapa Mixteco

⁴¹ Saa ku̱ndaꞌvi ini Jesús xi̱ni ñaꞌa ra. Ñaa si̱kaa ra ndaꞌa ra ti̱in ndaa ñaꞌa ra, ta ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.

San Marcos 1:41 ပူးပေါင်းရင်းမြစ်များ

San Mateo 9:36

Tá xíto ra nuu ndiꞌi na, saa ku̱ndaꞌvi ni ini ra xi̱ni ra na, saa chi ndóꞌo ni na. Ta ni köo naꞌa chindee ñaꞌa, tá íin na ndee ni ku̱naa saa íin na. Nda tá íin levo kiti köo xitoꞌo, saa íyo na.

San Marcos 1:40

Saa ku̱u ndi̱xaa iin ra ndóꞌo kueꞌe taꞌi, náni lepra, ndi̱xaa ra si̱kusiti ra nuu Jesús, káchi ra saa: ―Tata, xíni i iindaa yóꞌo̱ ku ra kuchiñu sindaꞌa yeꞌe, ta köo xíni i án kúni un ikan loꞌo un ya vaꞌa xiꞌin i ―káchi ra xiꞌin Jesús.

San Marcos 1:42

Tá ndi̱kaꞌan soꞌva ra xiꞌin ra, saa ndikun ndu̱vaꞌa ra.

San Marcos 4:39

Saa ndi̱koo ra ndi̱kaꞌan ra xiꞌin tachi íꞌna, ta ndi̱kaꞌan tu ra xiꞌin nduta ñûꞌu va, káchi ra saa: ―¡Yaa koo un nduta ñûꞌu, siyaa un! ―káchi ra xiꞌin rá. Saa ndikun siyaa tachi íꞌna, ta si̱yaa tu nduta ñûꞌu va, iin yayaa ku̱u.

San Marcos 5:41

Saa ti̱in ra ndaꞌa yá loꞌo ikán, ta ndi̱kaꞌan ra xiꞌin yá, káchi ra saa: ―Talita, cumi ―káchi ra xiꞌin yá. Tuꞌun ikán kúni kachi ya: “Yá loꞌo, káꞌan i xiꞌin un ndikoo un”.

San Marcos 6:34

núu nda sata itun barco, saa xi̱ni Jesús ndiꞌi na ikán ta ku̱ndaꞌvi ni ini ra xi̱ni ñaꞌa ra, saa chi tá íyo levo kiti köo xitoꞌo saa íyo na. Saa xa̱á ra sínaꞌa ra na xaꞌa ndiꞌi ya vaꞌa.

HEBREOS 1:3

Ta ya luvi ni yéꞌe̱ kúu mií Seꞌe Ndioxi kua yéꞌe̱ mií Ndioxi. Tá káa níi mií Ndioxi saa káa níi mií Jesucristo, saa ta̱xi Ndioxi ichí ndaꞌa ra ya ndíso chiñu ra xiꞌin ndiꞌi ñaꞌa ya íyo ñuu ivi yóꞌó. Ta xiꞌin tuꞌun ra ya ndee ni ndee kua xáa chiñu ndiꞌi ya nda vitin. Saa ndi̱kata ra kuachi yo xiꞌin ndee mií ra, ta sindiꞌi nda̱a ra nuu ndivi ndi̱kunduꞌu ra ñaꞌñu kuáꞌá Ndioxi nuu tai toꞌo, xáꞌnda chiñu ra xiꞌin ra.

HEBREOS 2:17

Xaꞌa ya ndu̱u ra iin káchi tá kuꞌva íin mií yo na ivi yóꞌó, na kúu ñani ra. Xaꞌa ya ikán kua vaꞌa ndi̱xinu ra ndu̱u ra sutu, ra ndee ni ndinuꞌu xáa súvi ndiꞌi ñaꞌa, ta saa kúndaꞌvi ni ini ra xíni ra naꞌa. Xaꞌa ya ndi̱taxi ra mií ra ndi̱xiꞌi ra, yakan vaꞌa ku̱chiñu ra ndi̱soko ra mií ra nuu Ndioxi ya xaa kaꞌnu ini ra xaꞌa kuachi yoo, na kúu ñuu Ndioxi.

HEBREOS 4:15

Saa chi sutu ra ínuu nuu yo ku ra ta kúndaꞌvi ni ini ra xíni ra yoo, xaꞌa ya xíni ra köo ndee ini yo, köo ndaku ini yo nuu ya väꞌa, chi tá káa níí ya ndóꞌo yoo, saa ndi̱xiyo tu ya ndo̱ꞌo mií va ra, xi̱to ndoso ni ya väꞌa ra, sundi nda iin kuachi köo ndi̱kiꞌvi ra.