San Marcos 1:40 - Xochapa Mixteco

⁴⁰ Saa ku̱u ndi̱xaa iin ra ndóꞌo kueꞌe taꞌi, náni lepra, ndi̱xaa ra si̱kusiti ra nuu Jesús, káchi ra saa: ―Tata, xíni i iindaa yóꞌo̱ ku ra kuchiñu sindaꞌa yeꞌe, ta köo xíni i án kúni un ikan loꞌo un ya vaꞌa xiꞌin i ―káchi ra xiꞌin Jesús.

San Marcos 1:40 ပူးပေါင်းရင်းမြစ်များ

San Mateo 11:5

Tá kúu na kuáa̱ ta ndíkuna nuu na, na küvi kaka ta ndíkaka na, na ndóꞌo kueꞌe táꞌi náni lepra ta ndúvaꞌa ndiꞌi na, na sóꞌo ta xúna soꞌo na, na ndíi ta ndítaku na. Saa ndítuꞌun i xiꞌin ndiꞌi na ndaꞌvi tuꞌun vaꞌa xaꞌa Ndioxi.

San Mateo 17:14

Tá ndi̱xaa nda nuu ndóo naꞌa, saa ku̱yati iin ra nuu Jesús. Ñaa si̱kusiti ra nuu ra, káchi ra saa:

San Marcos 1:41

Saa ku̱ndaꞌvi ini Jesús xi̱ni ñaꞌa ra. Ñaa si̱kaa ra ndaꞌa ra ti̱in ndaa ñaꞌa ra, ta ndi̱kaꞌan ra xiꞌin ra, káchi ra saa: ―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.

San Marcos 10:17

Xa kee tuku Jesús kuꞌun va ra kua, ta saa ndi̱xaa iin ra taa, xínu ra ndi̱xaa ra, si̱kusiti ra nuu ra, saa ndi̱ndakan tuꞌun ñaꞌa ra, káchi ra saa: ―Tata Maestro, vaꞌa ni taa kúu mií un, ta kaꞌan loꞌo un xiꞌin i unkua xíniñuꞌu i ikan i, ya kuchiñu kutaku i xiꞌin Ndioxi ndiꞌi saa kivi ―káchi ra.

San Lucas 22:41

Saa ku̱xika loꞌo ra, tá kuꞌva nuu ndíkava yu̱ú tá síkana yo ya. Ta ikán si̱kusiti ra, xa̱á ra káꞌan ra xiꞌin Ndioxi,

Los Hechos 7:60

Ñaa si̱kusiti ra ta iin ndi̱ndaꞌi koꞌo ra káchi ra saa: ―Tata, kïꞌin un kuenta xaꞌa kuachi na, ya íkan na xiꞌin i ―káchi ra xiꞌin Ndioxi. Tá ndi̱kaꞌan ra saa, ta ndi̱xiꞌi va ra.

Efesios 3:14

Xaꞌa ya ñaa kua síkusiti i nuu Iva yo Ndioxi, ra kúu Iva Tata yo Jesucristo, ta káꞌan i xiꞌin ra xaꞌa ndo,