San Marcos 1:32 - Xochapa Mixteco

³² Tá kuaꞌan kúxikuáa, tá xa ndi̱keta ñu̱ꞌù, saa ndáka naꞌa na kúꞌvi xiꞌin na kúu mií tachi nduvaꞌa, ndáka ñaꞌa na ndi̱xaa na nuu Jesús.

San Marcos 1:32 ပူးပေါင်းရင်းမြစ်များ

San Mateo 4:24

Saa ndi̱xita tuꞌun xaꞌa ra ndiꞌi ni kúu ñuu Siria, ta ndáka naꞌa na taꞌan na, na kúꞌvi, na ndóꞌo ndiꞌi ni kúu nuu kueꞌe, xiꞌin na kúu mií tachi nduvaꞌa tin na xíꞌi ndiuu xiꞌin na küvi kaka. Ndi̱xaa na nuu ra ta si̱ndaꞌa ndiꞌi ra na ikán.

San Mateo 8:16

Tá ku̱ñuu ta ndi̱xaa kuaꞌa ni naꞌa xiꞌin na kúu mií tachi nduvaꞌa. Saa ndi̱kaꞌan Jesús tuꞌun xa̱ꞌnda chiñu ra nuu tachi nduvaꞌa ikán ya ná kee ya kuꞌun ya, ta ke̱e ya kuaꞌan ya. Saa si̱ndaꞌa ra ndiꞌi na kúꞌvi.

San Mateo 8:17

Ikán ku nuu ndi̱xinu ya ndi̱kaꞌan ra profeta Isaías xinaꞌa, ka̱chi ra saa: “Ndi̱kuiso ndiꞌi Ndioxi kueꞌe ndóꞌo yo, saa si̱ndaꞌa ra yoo xaꞌa ndiꞌi kueꞌe kúu mií yo”, káchi ya ta̱a ra ikán xinaꞌa.

San Marcos 1:21

Saa ndi̱xaa Jesús xiꞌin nda ítaꞌan xiꞌin ra ñuu Capernaum. Ta kivi i̱í, kivi ndíkundee na, ndi̱kiꞌvi Jesús ini veꞌe ñuꞌu sinagoga sínaꞌa ra naꞌa.

San Marcos 1:31

Saa ku̱yati ra yuꞌu xito yá, ñaa ti̱in ra ndaꞌa yá ta ka̱ndichi ra yá. Saa ndikun ndu̱vaꞌa yá, ndikun ki̱ndaa ya ndítuvi ya xiꞌin yá. Saa xa̱á yá xáa vií yá kuxi nda.

San Marcos 3:2

Saa xínani ka vi nda fariseo Jesús án sindaꞌa ñaꞌa ra kivi i̱í ya ndíkundee na, chi tá ná ikan ra saa ta niꞌi nda ichí taxi nda kuachi xaꞌa ra.

San Lucas 4:40

Saa ku̱u ndi̱keta ñu̱ꞌu ta kuaꞌa ni na ndáka na taꞌan na, na kúꞌvi xiꞌin kuaꞌa ni nuu kueꞌe, ndáka ñaꞌa na ndixaa na nuu Jesús, saa ti̱in ndaa ra iin iin na, ta si̱nduvaꞌa ra na.

San Lucas 4:41

Ta kuaꞌa ni na kúu mií tachi nduvaꞌa ta̱va ra ya kúu mií na ndi̱ndaꞌi koꞌo ya, káchi ya saa: ―¡Yóꞌo̱ ku Seꞌe Ndioxi! ―káchi ya xiꞌin ra. Ta xa̱ꞌnda Jesús chiñu nuu ya ná kutaxin yuꞌu ya, köo ndi̱taxi ra kaꞌan ya, saa chi xíni ya, ya ti̱ꞌvi Ndioxi ra vaxi ra ñuu ivi yóꞌó ya sikaku ra na ivi.