San Marcos 1:27 - Xochapa Mixteco

²⁷ Ta ndi̱kanda ka vi ini na xi̱ni ya ikán, ñaa xa̱á na ndákan tuꞌun taꞌan na, káchi na saa: ―¿Ndá ndee kua kúu mií ra yóꞌó kua? Xa síin va ku ya sínaꞌa ra, ndee ni va ndee kúu mií ra, chi nda tachi nduvaꞌa xíni soꞌo káꞌan ra ―káchi na xiꞌin taꞌan na.

San Marcos 1:27 ပူးပေါင်းရင်းမြစ်များ

San Mateo 15:31

Saa ndi̱kanda ni ini na xi̱ni ñaꞌa na xaꞌa ya xi̱ni na xa̱á vaꞌa xíka na köo ndikuvi kaka, ta na kuáa̱ ndi̱xuna nuu na, na meꞌme xa̱á vaꞌa káꞌan na, saa xa̱á na xáa kaꞌnu ndiꞌi na Ndioxi, ra xáa káꞌnu na Israel.

San Mateo 8:9

Saa chi saa tu yeꞌe va íyo na xáꞌnda chiñu nuu i, ta yeꞌe xáꞌnda chiñu i nuu inka nda lapa. Tá káꞌan i xiꞌin nda kuꞌun nda, ta kuaꞌan nda, tá kána i nda kixi nda, ta vaxi nda. Ta ra xáa chiñu nuu i káꞌan i xiꞌin ra ikan ra ndá ka ñaꞌa káꞌan i xiꞌin ra, ta íkan ra ya ―káchi ra ikán xiꞌin Jesús.

San Mateo 9:33

Saa ta̱va Jesús tachi nduvaꞌa ku̱u mií ra ikán, tá ke̱ta soꞌva ya ta ndikun xa̱á vaꞌa káꞌan ra. Saa ndi̱kanda ni ini naꞌa, ñaa xa̱á na káꞌan na, káchi na saa: ―Nda iin ichí köo taꞌan ya yóꞌó xíni yo ñuu Israel ―káchi na.

San Marcos 1:26

Saa ndinuni loꞌo si̱kisi ñaꞌa ya, ta iin ndendee ndi̱ndaꞌi koꞌo ya, saa ke̱ta ya kuaꞌan ya.

San Marcos 1:28

Ta kama ku chi ndi̱xita ndiꞌi tuꞌun xaꞌa Jesús, ndiꞌi kúu estado Galilea ku̱ndaa ini na ñuu xaꞌa ra.

San Marcos 10:24

Saa ndi̱kanda ini nda xaꞌa tuꞌun ya ndi̱kaꞌan ra xiꞌin nda. Ñaa ndi̱kaꞌan tuku ra xiꞌin nda, káchi ra saa: ―Seꞌe, ya ndaa ni káꞌan i xiꞌin ndo yaꞌa ni uꞌvi saa kiꞌvi na kuika koo na nuu xáꞌnda chiñu Ndioxi, chi ya kuika va kua ndíkaa ni nima xiꞌin.

San Marcos 10:32

Ke̱e Jesús kuaꞌan ra xiꞌin nda ítaꞌan xiꞌin ra ichí ya kuaꞌan ñuu Jerusalén, saa ínuu ra nuu kuaꞌan ra, ta iin ndi̱kanda ini naꞌa kuaꞌan na xiꞌin ra, ta íꞌvi ka vi na kuaꞌan na. Saa ta̱va siin ra uxi uvi saa nda ítaꞌan xiꞌin ra, káꞌan ra xiꞌin nda unkua kundoꞌo ra kúvi ra, káchi ra saa:

San Marcos 16:5

Ñaa ndi̱kiꞌvi ná ini kava, ta xi̱ni ná iin ra kuǎán índuꞌu ra ñaꞌñu kuáꞌá kava ikán, yaa ka vi toto ndíxi ra, ta kani vaꞌa ya, saa ndi̱ndiꞌvi ni ná.

San Marcos 16:6

Ta saa ndi̱kaꞌan ra xiꞌin ná, káchi ra saa: ―Ku ïꞌvi ndo, chi Jesús ra Nazaret, ra ti̱kaa na ndaꞌa cruzin, ta köo ka ra yóꞌó, xa ndi̱taku va ra. Koto ndo nuu xi̱nduꞌu ra, köo ka ra.

San Marcos 7:37

Saa iin ndi̱kanda ini ndiꞌi na, ñaa xa̱á na káꞌan na: ―¡Ndiꞌi vi ya vaꞌa íkan ra! ¡Nda na soꞌo xiꞌin na meꞌme ta síndaꞌa ndiꞌi ra na ―káchi na!

San Lucas 4:36

Ta ndiꞌi na xi̱ni ya ndo̱ꞌo ra ikán ndi̱kanda ni ini na. Ñaa ndindakan tuꞌun taꞌan na, káchi na saa: ―¿Ndá ndee kua kúu mií ra yóꞌó yakan vaꞌa kúu mií ra ichí xáꞌnda chiñu ra nuu tachi nduvaꞌa ta kándixa ñaꞌa ya ―káchi na.

San Lucas 9:1

Saa ku̱u iin ichí si̱kitaꞌan ndiꞌi Jesús nda ítaꞌan xiꞌin ra, ta saa ta̱xi ra ichí ndaꞌa iin iin nda ya tava nda ndiꞌi nuu tachi nduvaꞌa ya kúu mií naꞌa, saa ta̱xi ra ndee ndaꞌa nda ya sindaꞌa nda na kúꞌvi tin na ndóꞌo ndá ka nuu kueꞌe.

Los Hechos 17:19

Saa ndi̱kiꞌin na ra kuaꞌan xiꞌin na iin ñaꞌñu náni Areópago nuu ndíkitaꞌan na chiñu. Saa ndi̱kaꞌan na xiꞌin ra, káchi na saa: ―Vaꞌa ndituꞌun un xiꞌin nde.