Los Hechos 7:3 - Xochapa Mixteco

³ Ndi̱tuvi Ndioxi nuu ra ndi̱kaꞌan ra xiꞌin ra ta ya ndi̱kaꞌan ra xiꞌin xii yo kua yóꞌó, káchi ra saa: “Sindoo ñuu un xiꞌin na taꞌan un, ta kuaꞌan koo un inka ñuu nuu sinaꞌa i nuu un”, káchi ra xiꞌin xii yo.

Los Hechos 7:3 ပူးပေါင်းရင်းမြစ်များ

San Mateo 10:37

’Ndiꞌi naꞌa, na kúni kuꞌun ichí i, xíniñuꞌu na kuꞌvi ni ka ini na kuni na yeꞌe nuu na veꞌe na. Saa tu naꞌa, na kúꞌvi ni ka ini xíni iva na, án siꞌí na, án seꞌe taa na, án seꞌe síꞌi na, ta na yóꞌó ta küvi kundikun na yeꞌe.

San Lucas 14:33

Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.

Los Hechos 7:4

Ta saa ke̱e xii yo ra Abraham ñuu Caldea ta ndi̱kiꞌin ra kuaꞌan ra koo ra ñuu Harán. Sindiꞌi ta ndi̱xiꞌi iva ra, ñaa ti̱ꞌvi Ndioxi ra xa̱a ra ndi̱xiyo ra nuu íyo yo vitin.

2 Corintios 6:17

Ta káꞌan ka ra, káchi ra saa: Kana koo ndo tañu na väꞌa ñaa. Kuxika ndo nuu na. Ta tïndaa ndaꞌa ndo nuu nda iin ñaꞌa ya väꞌa nuu i. Ta saa vaꞌa ndikuiso i ndóꞌo̱.

HEBREOS 11:8

Xaꞌa ya xi̱ndaa ni ini ra Abraham xi̱ni ra Ndioxi kua xa̱a súvi ra chiñu ya ndi̱kaꞌan Ndioxi xiꞌin ra. Saa ke̱ta ra kuaꞌan ra koo ra inka ñuu nuu ki̱ndoo Ndioxi xiꞌin ra taxi ra ya ndaꞌa ra koo ra xiꞌin seꞌe ra, ta ni köo kúndaa ini ra ndá ñaꞌñu kua kuaꞌan ra.