Los Hechos 13:9 - Xochapa Mixteco

⁹ Ta ndee ni íyo Tachi I̱í Ndioxi xiꞌin ra Saulo, ra káꞌan na xiꞌin Pablo, saa ndi̱koto vaꞌa ra nuu ra Elimas.

Los Hechos 13:9 ပူးပေါင်းရင်းမြစ်များ

Los Hechos 4:8

Ta ndee ni íyo Tachi Ndioxi xiꞌin ra Pedro, ta saa ndi̱kuiin ra káꞌan ra: ―Ndóꞌo̱ tata na chiñu nuu ñuu yo xiꞌin ndóꞌo tata na xikuaꞌa nuu yo Israel.

Los Hechos 2:4

Ta Tachi I̱í Ndioxi kua xa̱a sata iin iin na, ñaa xa̱á iin iin na káꞌan na inka nuu tuꞌun ya káꞌan na inka ñuu. Tá íyo ya ta̱xi Tachi I̱í Ndioxi ndaꞌa na kaꞌan na, saa íyo ya xa̱á na káꞌan na.

Los Hechos 7:55

Sundi Tachi I̱í Ndioxi ta íyo ya xiꞌin ra Esteban. Ñaa ndi̱koto ra nuu ndivi, ta xi̱ni ra ya yeꞌe Ndioxi, xi̱ni ra ndíchi Jesús ñaꞌñu kuáꞌá Ndioxi.

San Marcos 3:5

Saa ndi̱saa ni Jesús ndi̱koto ra nuu nda ndóo ikán, ta ku̱chiꞌña ka vi ini ra, chi tuun ni nima nda. Saa ndi̱kaꞌan ra xiꞌin ra ndi̱ndichi ndaꞌa ikán, káchi ra saa: Sindikaa ndaꞌa un ―káchi ra xiꞌin ra. Saa si̱ndikaa ra ndaꞌa ra. Tá si̱ndikaa soꞌva ra ya, ta ndikun ndu̱vaꞌa ya.

Los Hechos 4:31

Ñaa tá si̱ndiꞌi na ndi̱kaꞌan na xiꞌin Ndioxi ta xa̱á táan nuu ndi̱kitaꞌan na ndóo na. Saa ta̱xi Ndioxi Tachi ra ndaꞌa na, ndee ni íyo Tachi I̱í Ndioxi xiꞌin na. Ñaa xa̱á ndu̱ndee ini na ndi̱nuni loꞌo xíka na ndíkani na tuꞌun Ndioxi.

San Lucas 20:17

Ñaa ndi̱koto ra nuu na ta ndi̱kaꞌan ra xiꞌin na, káchi ra saa: ―¿Án köo kándixa ndo ya káꞌan tuꞌun ndíchi yóꞌó? ¿Ta unkua kúni kaꞌan tuꞌun Ndioxi ya ta̱a na xinaꞌa? Chi tuꞌun ikán káꞌan ya: Yu̱ú ya xíniñuꞌu ni na síkuaꞌa veꞌe kua ikán. Ta köo ndi̱xiin na kuniñuꞌu na ya, ku̱ndasi na ya.

San Mateo 10:20

Süvi tuꞌun vaxi xiní mií ndo kua kaꞌan ndo xiꞌin na, chi tuꞌun Tachi I̱í mií Iva yo Ndioxi kua kaꞌan ndo xiꞌin na.

San Marcos 8:25

Ñaa chi̱nuu tuku Jesús ndaꞌa ra sata nduchi nuu ra ikán. Ta saa ku nuu ndi̱xuna vaꞌa nuu ra, ñaa ndu̱vaꞌa nuu ra xa̱á túvi vaꞌa nuu ra, vaꞌa xíto ra nuu xíka ni.