Los Hechos 10:9 - Xochapa Mixteco

⁹ Ñaa ndi̱tuvi inka kivi tá xa kúyati nda xaa nda ñuu Jope ikán, saa nda̱a ra Pedro sata veꞌe ya káꞌan ra xiꞌin Ndioxi, ta kua kuꞌva kàà uxi uvi nduvi.

Los Hechos 10:9 ပူးပေါင်းရင်းမြစ်များ

San Mateo 20:5

Ta kàà uxi uvi nduvi ke̱e tuku ra kuaꞌan ra nduku ra naꞌa, ñaa ndi̱xaꞌan tuku ra ndu̱ku ra na kàà uni xikuáa. Ta saa i̱kan tu ra xiꞌin na ikán va.

San Mateo 24:17

Ta na ndóso sata veꞌe na, ta ná nüu ka na tava na ñaꞌa ini veꞌe na.

San Mateo 27:45

Saa iin ku̱naa nuu ñuꞌú tá ti̱ndaa kàà uxi uvi nduvi, iin saa nda kàà uni xikuáa.

San Mateo 6:6

Sundi ndóꞌo̱, tá kúni ndo kaꞌan ndo xiꞌin Ndioxi, ta vaꞌa kiꞌvi ndo ini veꞌe ndo, saa ndikasi ndo yeꞌe, ta saa kaꞌan ndo xiꞌin ra. Ta Iva yo Ndioxi xíto ra ya káꞌan sěꞌe ndo xiꞌin ra, saa taxi ra ya vaꞌa ndaꞌa ndo nuu ndiꞌi naꞌa.

San Marcos 1:35

Xitaan ni tá täꞌan tuvi, saa ndi̱koo Jesús kuaꞌan ra iin ñaꞌñu nuu köo nda iin naꞌa. Kuaꞌan ra kaꞌan ra xiꞌin Ndioxi.

San Marcos 6:46

Tá si̱ndiꞌi nda̱i ndiꞌi ra na saa ndi̱kiꞌin na kuaꞌan na, ta saa nda̱a ra iku káꞌan ra xiꞌin Ndioxi.

Los Hechos 10:3

Ta iin kivi kuꞌva kàà uni xikuaa si̱tuvi ya nuu ra, xi̱ni ra iin tatun Ndioxi ndi̱kiꞌvi ya ini veꞌe nuu ndíkaa ra. Ta saa ndi̱kaꞌan ya xiꞌin ra, káchi ya saa: ―¡Tata Cornelio! ―káchi ya xiꞌin ra.

Los Hechos 6:4

Ta ndeꞌe kaꞌan nde xiꞌin Ndioxi saa kaka nde sinaꞌa nde naꞌa xaꞌa tuꞌun ra ―káchi nda xiꞌin na.

Efesios 6:18

Ta xïkuiin ndo, kaꞌan ni ndo xiꞌin Ndioxi ndiꞌi saa ichí ya ná chindee taꞌan Tachi I̱í ra xiꞌin ndo. Koo ndúvi ni ndo, ta ndïkava ini ndo, kaꞌan ni ndo xiꞌin Ndioxi xaꞌa ndiꞌi na ñuu Ndioxi, na i̱í.

1 Timoteo 2:8

Ta ya yóꞌó kua kúni i ná ikan ndiꞌi nda taa: Vaꞌa ná kaꞌan nda xiꞌin Ndioxi ndiꞌi ni kúu ñaꞌñu nuu ndíkitaꞌan ndo xáa kaꞌnu ndo ra. Ta vaꞌa ná ndaniꞌi ndaꞌa nda nuu ndivi kaꞌan nda xiꞌin ra, i̱í ná koo ini nda, ta ná säa ini nda kuni nda naꞌa, ni ná käni taꞌan nda xiꞌin nda iin naꞌa.