San Juan 21:20 - Xochapa Mixteco

²⁰ Saa ndi̱ko koo ra Pedro ndi̱koto ra sata ra, ta xi̱ni ra ndíkun inka ra xi̱taꞌan xiꞌin Jesús kuaꞌan ra sata ra. Ta ra ikán ku ra kúꞌvi ni ini Jesús xíni ra, ta suvi ra ikán ku ra ndi̱xiyo yati xiín Jesús tá ndóo nda xíxini nda nuu ndi̱ndakan tuꞌun ñaꞌa ra, káchi ra saa: “Tata, ¿unku ra ndixiko vata yóꞌo̱?”, ka̱chi ra xiꞌin Jesús.

San Juan 21:20 ပူးပေါင်းရင်းမြစ်များ

San Mateo 26:46

Kuandikoo ndo koꞌyo. Xa vaxi ra nditaxi yeꞌe ndaꞌa naꞌa, na sáa ini xíni yeꞌe ―káchi Jesús xiꞌin nda.

San Juan 20:2

Saa ke̱e yá xínu yá kuaꞌan yá nuu íin ra Simón Pedro xiꞌin inka ra xi̱taꞌan xiꞌin Jesús, ra ku̱ꞌvi ni ini Jesús xi̱ni ra, ta ndi̱tuꞌun yá xiꞌin nda, káchi yá saa: ―Ta̱va na ikin kuñu Tata yo kuaꞌan xiꞌin na, ta köo xíni nde míí chí ndi̱xaꞌan na ndi̱ndaka na ya ―káchi yá xiꞌin nda.

San Juan 21:21

Tá xi̱ni ra Pedro ra ikán, ta saa ndi̱ndakan tuꞌun ra Jesús káchi ra saa: ―Tata, ta ra yóꞌó, ¿unkua kundoꞌo ra? ―káchi ra.

San Juan 21:24

Ta yeꞌe ku ra ikán, ra xi̱taꞌan xiꞌin Jesús, ta táa i ya yóꞌó ya ná kundaa ini ndo. Tá íyo ya xi̱ni i, saa íyo ya ndítuꞌun i xiꞌin ndo. Ta ya ndítuꞌun i xiꞌin ndo ta ya ndaa ni ku ya.

San Juan 21:7

Saa ndi̱kaꞌan ra ku̱ꞌvi ni ini Jesús xi̱ni ra xiꞌin ra Pedro, káchi ra saa: ―¡Tata yo Jesús va ku ra! ―káchi ra xiꞌin ra. Tá xi̱ni soꞌo ra Simón Pedro ya ndi̱kaꞌan ra ikán, ta ndi̱kun ndi̱kundixi ra toto ra. Ta saa ndi̱kiꞌvi ra kuaꞌan ra ini tikuii ya kúni ra xaa kama ra nuu Jesús.